Лукашенко: Путин хэнд ч итгэдэггүй

Беларусийн Ерөнхийлөгч Александр Лукашенко Украины сэтгүүлч Дмитрий Гордоны асуултад дэлгэрэнгүй хариулж, илэн далангүй ярилцжээ. Тэрбээр ярилцлагынхаа үеэр Путиныг хэнд ч итгэдэггүй хэмээн хэлсэн байна. Сэтгүүлч Дмитрий Гордон “Орос бол Украины хувьд эзлэн түрэмгийлэгч юм” хэмээн хэлэхэд хариуд нь Лукашенко ОХУ-ыг түрэмгийлэгч улс гэж үздэггүйгээ илэрхийлжээ.

Тэрбээр “Нөхцөл байдал тааруу байна. Та ингэж хэлэх эрхтэй байж магадгүй ч би хэзээ ч ингэж хэлэхгүй. Ингэж хэлвэл бид найзын, ахан дүүсийн харилцаагаа алдах юм. Украинчууд, оросууд та бүхэн бидний хувьд төрөл садан минь юм. Бид хагаралдах ёсгүй байсан. Хагаралдсан ч асуудлыг эртхэн шийдэх ёстой байсан юм” хэмээн хэлсэн байна.