Байнгын хорооны оронд чуулган хуралдана | News.MN - Мэдээллийн эх сурвалж

Байнгын хорооны оронд чуулган хуралдана

Хуучирсан мэдээ: 2016.01.21-нд нийтлэгдсэн

Байнгын хорооны оронд чуулган хуралдана

Өнөөдөр 08.30 цагт зарласан байсан УИХ-ын Төрийн байгуулалтын байнгын хорооны хуралдаан ирц бүрдэхгүйн улмаас хойшилж 13.30 цагт эхлэн Ерөнхий сайдыг огцруулах асуудлыг хэлэлцэхээр болсон ч дахин хойшлуулжээ. Учир нь 14.00 цагт УИХ-ын чуулганы нэгдсэн хуралдааныг зарласан байна.

Чуулганы нэгдсэн хуралдааныг хийж дууссаны дараа УИХ-ын Төрийн байгуулалтын байнгын хороог хуралдуулахаар болж хуралдааны хуваарьт өөрчлөлт оруулжээ. Тус хуралдаанаар Гацууртын ордын төрийн эзэмшлийн хувь хэмжээ тогтоох тухай УИХ-ын тогтоолын төслийн эцсийн хэлэлцүүлэг, Ноён уулыг улсын тусгай хамгаалалтад авах тухай УИХ-ын тогтоолын төслийн анхны хэлэлцүүлэг зэрэг анхаарал татах асуудлууд хэлэлцэгдэх юм.

Г.ДАРЬ

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Хоёр барын зодоон 2016-01-21 103.26.195.10

АН цагаан сарын өмнө маш их маргаан дагуулах зүйл санаачиллаа даа.Хөндлөнгийн хүн юу гэж дүгнэж байна гэвэл: 1/АН өмнө нь хотод илүү санал авч байсан.Энэ сонгуульд ч гэсэн өмнөх хэмжээндээ биш юм аа гэхэд хөдөөгөө бодвол илүү санал авах магадлалтай. Сонгуулийн хууль батлагдсаны дараа энэ асуудлыг сөхөхөөр эртнээс шийдэж.Үүнийг Баттулгаар гаргуулахаар ярилцсан байна.Энэ санаачилгыг бүр эрт нам дотроо хэлэлцсэн байсан болов уу.Сонгуулийн хуультай хамт яригдвал сонгуулийн хууль батлагдахгүй байх магадалтай тул энэ хөзрөө нууцалсан байна.Улс төр бохир тоглоом гэдэг ч үнэний хувьтайдаг шүү.2/АН яагаад хөдөөний иргэдээсээ айгаад байна гэвэл үнэндээ энэ 4 жил хөдөө аж ахуйгаа тоож үзээгүй.Баттулга, Түвдэндорж, Бурмаа гээд сайдаар томилсон хүмүүсийг нь хөдөө аж ахуйн салбарынхан хүлээж аваагүй.Тэгэхдээ АН-ын удирдлага үүнийгээ ойлгоод сүүлийн үед малчид руу чиглэсэн зарим арга хэмжээг саяхнаас санаачилж эхлээд байгаа юм. Үүнийг буруутгах аргагүй.3/МАН өмнөх сонгуулиар хотод маш муу өрсөлдсөн.Энэ сонгуулиар ч мундаг амжилт гаргах магадлал бага. Яагаад гэвэл, хотын дарга Бат-Үүлийн баг энэ бүрэн эрхийн хугацаанд муугүй ажилласан гэдгийг хотын иргэд бид мэднэ.Өмнө нь хотын дарга байсан Батбаяр, Мөнхбаяр нартай харьцуулаад байгаа хэрэг л дээ.3/Энэ хоёр намын хэрүүл маргаан юун дээр төвлөрөх вэ гэвэл, АН-ынхан Үндсэн хуульд заасан тэгш эрхийн зарчим нь сонгуульд санал өгч байгаа иргэн бүрт хамаарна, хот, хөдөө гэж ялгаварлавал Үндсэн хуулиа зөрчсөн, иргэдээ ялгаварласан болно, бид хөдөөнийхнийг ад үзээд байгаа юм биш, Үндсэн хуулийн зарчмаа баримталж байна, зарим нам ч ийм саналтай байгаа гэх мэтээр саналын үндэслэл хөвөрч өгнө дөө.Тэгэхдээ энэ талаар хэн санал гаргах вэ гэвэл, намын жагсаалтаар нэр дэвших, эсхүл хотод нэр дэвших магадлалтай хүн л гаргана. Харин унах нүхээ л ухах гээгүй бол хөдөө нэр дэвших хүн энэ саналыг гаргах магадлал бага юм.Харин МАН-ынхан сонгуулийн тойргийн хүний тоог тогтоохдоо зөвхөн оршин суугчдын тоог харгалзах нь өрөөсгөл. Хотын иргэн, хөдөөний иргэн хоёр тэс өөр нөхцөлд амьдарч байгаа гэдгийг харгалзах ёстой гэх мэт үндэслэлүүд хэлэх байх. Бас бусад улсуудад алслагдсан орон нутагт амьдарч байгаа, мөн үндэсний цөөнх зэргийг харгалзаад заавал тойргын хүний тоо тэгш байдаггүй, тийм боломж ч байхгүй гэх мэт үндэслэл ярих болов уу. 4/Энэ асуудлыг шийдэхэд АН, МАН хоёрын аль нь УИХ-д суудалтай бусад нам, эвсэл, бие даагч гишүүдийг өөртөө татаж саналаа дэмжүүлэхээс хамаарна. Иргэд бид ч яахав дээ.Хот, хөдөөгөөрөө талцсан хоёр барын зодооныг уулан дээрээс хараад суухын үлгэрээр л хөндлөнгөөс ажиглаж суухаас өөр яахав. Эцэст нь дүгнэж хэлэхэд, АН НИЙСЛЭЛД, МАН ХӨДӨӨД ГОЛ НАЙДВАРАА ТАВЬЖ БАЙГАА болохоос АН Үндсэн хуулиа мундаг хамгаалаад юм уу, МАН хөдөөнийхөндөө мундаг хайртайдаа ч биш л дээ.Нийгмийн баялгаас ахиухан хүртэх гол арга зам бол сонгууль учраас яалтай ч билээ.ХУД-ийн иргэн Ш.Раднаа 2016.1.17