Говь-Алтай аймгийн Жаргалан сумын  Бүрэн багийн малчин Р.Төмөрсүх гэдэг айлын  гэрийн багананд хос хараацай үүрээ засчээ. Ингэхдээ сүүлийн гурван жил дараалан хараацай үүрээ засч,  өндөгнүүд нь хагарахаар  үүрээ орхиод явдаг байна.  "Нүдэнд харагдахгүй нэг л өдөр зассан байдаг" хэмээн гэрийн эзэн ярьжээ.

Хараацай хавар манай оронд нүүдэллэн ирдэг бөгөөд монголчууд итгэл найдвар, аврагчийн билэг тэмдэг хэмээдэг. Нутгийн иргэд энэхүү үйл явдлыг билэгшээн үзэж, өндөглөсөн айл нь баяждаг хэмээн хуучны яриа бий.