Хөдөлмөр зуучлалын Работа.ру порталын хийсэн судалгаагаар ажлаас халагдагчдын 30 хувь нь цалин бага гэдэг шалтгаанаар халагддаг байна.

Судалгаанд оролцогчдын 31%  нь ажил олгогчийн зүгээс цалингаа нэмэх бодолгүй байгаа нь ажлаасаа халагдах гол шалтгаан болсон хэмээн хариулжээ. 15% нь ажлын байр таатай биш байдлаас үүдсэн стресс, 13% нь мэргэжил, чадварын хувьд өсөн дэвжих ирээдүйгүй байсан хэмээн хариулсан байна.

10% нь гэртэйгээ ойр ажилд орохын тулд халагдсан бол 7% нь ар гэртээ илүү цаг зарцуулах шаардлагатай болсон учраас халагдсан гэжээ.

Ажил хайгчдын 54% нь цалингийн хэмжээ ажлын графиктай нийцэж байгаад үндэслэн сонголтоо хийдэг байна. Харин 44% нь гэртээ ойр, 36% нь найдвартай компани, 34% нь ажиллагсад нь компанидаа дуртай, 31% нь мэргэжил, чадварын хувьд өсөх боломжтой гэдэгт үндэслэн ажилд ордог байна.