ОХУ-ын ахмад эмч нарын нэг, хүүхдийн мэс засал, гэмтэл согог судлалын хүрээлэнгийн ерөнхийлөгч профессор Леонид Рошал "Форбс" сэтгүүлд ярилцлага өгөхдөө "Covid-19" өвчнийг биологийн дайны бэлтгэл ажил буюу дэлхийн эрүүл мэндийн тогтолцоог шалгах шалгалт хэмээн тодорхойлжээ.

Тэрбээр "Бүх улс уг шалгалтад унаж, бэлтгэл маш хангалтгүй байгаагаа харууллаа. Мөн аль ч улс одоогоор иргэдээ дархлаажуулж чадахгүй байна. Би одоогийн нөхцөл байдлыг биологийн дайны туршилт хэмээн дүгнэж байна. Би энэ вирусийг хүн төрөлхтөн бүтээсэн гэж хэлэхгүй ч улс орнуудын бэлтгэл, эрүүл мэндийн тогтолцооны хүчин чадал зэргийг шалгасан шалгалт болж байна” хэмээн Рошал ярьсан байна.

Рошал эмч мөн коронавирустэй амжилттай тэмцэж буй засгийн газар болон ард иргэдээ сайшааж, цаг тухайд нь гаргасан зөв шийдвэр, дорвитой арга хэмжээнүүдийг нь магтан биширч буй тухайгаа ярьжээ.

Одоогийн байдлаар ОХУ-д халдвар авсан 856 264 хүн бүртгэгдсэн бөгөөд дэлхийн хамгийн олон халдварын тохиолдолтой улсуудын дөрөвт жагсаж яваа билээ.

Эх сурвалж: RT