Өнгөрсөн жил анхы хүүхдээ төрүүлсэн 30 настай  супермодель хөхөөр хооллолтыг дэмжсэн хууль гарвал эхчүүд хүүхдээ дор хаяж зургаан сар хөхөөр нь хооллодог болно гэж үзэж байна. Тэрбээр эхчүүд хүүхдээ угжаар хөхүүлж байгааг буруутгаж байгаа аж. Жизель “Bazaar” сэтгүүлд өгсөн нэгэн ярилцлагадаа “Зарим эмэгтэйчүүд хүүхдийг хөхөөр нь хооллох шаардлагагүй гэж боддог. Гэхдээ эхчүүд  нялх хүүхдэд химийн найрлагатай  зүйл өгч чадаж байгааг би ойлгодоггүй. Би дэлхий нийтээрээ эхчүүд хүүхдээ эхний зургаан сар хөхөөр нь хооллож байх хуультай болоосой гэж хүсч байна” гэжээ.