Covid-19 цар тахлаас сэргийлэх зорилгоор иргэд, аж ахуйн нэгжийн өгсөн 7 тэрбум төгрөгийн хандивыг юунд зарцуулснаа тайлагна гэдэг  шахалт шаардлагатай Улсын Онцгой Комисс/УОК/ тулсан бол Засгийн газар гадаад орнуудаас зээл, буцалтгүй тусламж хэлбэрээр авсан 301 сая ам.доллар буюу 800 гаруй тэрбум төгрөгийн “өр”-нд ороод байна.

Иргэд олон нийт Засгийн газрыг 800 гаруй тэрбум төгрөгийг юунд зарцуулснаа тайлагнахыг шаардсан бол Монгол Улсын Төрийн соёрхолт, гавьяат жүжигчин Д.Сосорбарам цахим хуудсаараа дамжуулан Ерөнхийлөгч Х.Баттулгад хандав.

Тэрбээр “Х Баттулгаа хорооноогоор далимдуулж 300 сая доллар буюу 850 тэрбум төгрөг завшсан дээрэмчдээ яах гэж байна? Нэн даруй мэдээл!. Өөрөө хамтраагүй л юм бол дугараач! Чамайг дуугай байвал хам хэрэгтэн гэхээс өөрцгүй шүү! Хүмүүс эрүүл сэтгэж, зөв харж байна мэдэж ав…!Тайлан хий!” хэмээн омогдоод байна.

УИХ сонгууль болохоос урьтаж, Монгол Улсын 2020 оны төсвийн хуульд тодотгол хийхгүй бол төсөв ч хүндэрч, эрх авалгүйгээр хөрөнгө мөнгө зарцуулсан хэрэгт унах вий гэдэг болгоомжлолыг эдийн засагчид өгч байсан ч Сангийн сайд Ч.Хүрэлбаатар  төсөв тодотгохгүй гэдэг тайлбарыг хэлж байсан удаатай. Гэхдээ шинээр бүрдсэн УИХ наймдугаар сарын 17-ноос ээлжит бусаар хуралдаж, Монгол Улсын 2020 оны төсөвт тодотгол хийх зайлшгүй шаардлага үүсээд байгаа юм.

Г.ХОРОЛ