Ашигтай ажилласан газрууд 368.8 сая төгрөг нийслэлийн төсөвт төвлөрүүлнэ | News.MN

Ашигтай ажилласан газрууд 368.8 сая төгрөг нийслэлийн төсөвт төвлөрүүлнэ

Ашигтай ажилласан газрууд 368.8 сая төгрөг нийслэлийн төсөвт төвлөрүүлнэ

Ашигтай ажилласан газрууд 368.8 сая төгрөг нийслэлийн төсөвт төвлөрүүлнэ

Нийслэлийн ИТХ-ын Тэргүүлэгчид өнгөрсөн баасан гарагт хуралдсан билээ. Уг хуралдаанаар нийслэлийн өмчит үйлдвэрийн газруудын ашиг орлогын хуваарилалт тогтоох тухай асуудлыг хэлэлцсэн юм. Нийслэлийн хэмжээнд 2019 оны жилийн эцсийн байдлаар нийт 32 үйлдвэрийн газар үйл ажиллагаа явуулснаас нийслэлийн төсвийн санхүүжилттэй 15 төсөвт үйлдвэрийн газар , өөрийн  үйл ажиллагааны орлогоор санхүүждэг 17 аж ахуйн тооцоотой үйлдвэрийн газар байна. Үүнээс  15 үйлдвэрийн газрын үйл ажиллагаа хэвийн, хоёр үйлдвэрийн газар нь менежментийн хувьчлалын жагсаалтад орсон байна. 2019 онд үйл ажиллагаа явуулсан  17 орон нутгийн өмчит аж ахуйн тооцоотой үйлдвэрийн газрууд нь нийт 268,9 тэрбум төгрөгийн орлого олж, 304,4 тэрбум төгрөгийн зардал гарган 35,5 тэрбум төгрөгийн алдагдалтай ажилласан байна. Дээрх  дүнгээс харахад орлогын төлөвлөгөө 102,1 хувийн биелэлттэй, зардал 2,6 хувиар хэмнэгдэн, алдагдлын хэмжээ зорилтот түвшнээс 10,4 тэрбум  төгрөгөөр буюу 22,8 хувиар буурсан байна. Орон нутгийн өмчит аж ахуйн тооцоотой найман үйлдвэрийн газар  нийт 370,6 сая төгрөгийн цэвэр ашигтай , есөн үйлдвэрийн газар нийт 35,8 тэрбум төгрөгийн алдагдалтай байна. Алдагдалтай гарсан газруудын тухайд элэгдлийн зардал өндөр гардаг гэдгийг  хуралдааны үеэр онцолж байсан юм.
Энэ үеэр Нийслэлийн ИТХ-ын дарга Р.Дагва Орон нутгийн өмчит аж ахуйн тооцоотой үйлдвэрийн газруудын алдагдлыг бууруулж, цаашид ашигтай ажиллуулах тал дээр анхаарч ажиллахыг холбогдох албаныханд үүрэг болгов.
Улмаар ашигтай ажилласан орон нутгийн өмчит аж ахуйн тооцоот долоон үйлдвэрийн газрын цэвэр ашгаас нийслэлийн төсөвт нийт 368,8 сая төгрөгийг төвлөрүүлэхээр тогтлоо.

Нийслэлийн ИТХ-ын ХМОНХТ
Энэ мэдээнд өгөх таны сэтгэгдэл?
1
ХахаХаха
1
ХарамсалтайХарамсалтай
0
ЗөвЗөв
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

zochin 2020-08-03 64.119.22.179

Aldagdaltai ajillaj baigaa gazruudaa huvid ugvul yasan yum be, esvel chaddag hund ni uguuch dee.

NewsMN Гар утасны хувилбар Татах
NEWS.mn

Мэдээллийн эх сурвалж