ОХУ наймдугаар сарын 01-ний өдрөөс эхлэн Бүгд найрамдах Турк, Танзани, Их Британи Умард Ирландын Вант улс зэрэг орнуудтай харилцан агаарын хилээ нээгээд байгаа билээ. Энэ хүрээнд ОХУ-д байнга оршин суух үнэмлэхтэй бусад орны иргэдийг ОХУ-ын хилээр нэвтрүүлнэ гэх шийдвэр гаргасан байна.

Истанбул хот дахь Монгол Улсын Ерөнхий Консулын Газраас мэдээлснээр, монгол иргэд ОХУ руу Турк улсаар дамжин нисэх тохиолдол ихэсчээ. Гэвч Турк улсаас ОХУ-д байнгын оршин суудаггүй иргэдийг онгоцонд суулгахгүй тохиолдол гарч байгаа аж. Иймд монгол иргэддээ ОХУ-ын газар нутгаар дамжин нисэх шийдвэр гаргахаас өмнө мэдээллээ сайтар нягтлахыг анхааруулсан байна.

Б.ЖАРГАЛ