15 тоосгон гарааш, гурван төмөр чингэлэгийг албадан буулгаж газар чөлөөллөө | News.MN

15 тоосгон гарааш, гурван төмөр чингэлэгийг албадан буулгаж газар чөлөөллөө

15 тоосгон гарааш, гурван төмөр чингэлэгийг албадан буулгаж газар чөлөөллөө

15 тоосгон гарааш, гурван төмөр чингэлэгийг албадан буулгаж газар чөлөөллөө

Нийслэлийн Засаг даргын 2020 оны А/513 дугаар газрын зөрчил арилах захирамжийн дагуу Баянзүрх дүүргийн 6 дугаар хорооны иргэд болон 136 цэцэрлэгээс удаа дараа ирүүлсэн гомдлын дагуу 22Б байрны зүүн талд байрлах 15 тоосгон гарааш, гурван төмөр чингэлэгийг албадан буулгаж газар чөлөөллөө.

Тус хороо нь барилгажилт ихтэй, хүн ам шигүү суурьшсан, хүүхэд тоглох, хөгшид нарлаад суух нийтийн эзэмшлийн зам талбай, ногоон байгууламж байхгүй. Хорооллын дунд байдаг ганц цэцэрлэгээ ийнхүү тоосгон гарааш, төмөр чингэлэгээр дугуйруулан хашжээ. 22Б байрны зөвхөн зүүн талд гэхэд 10-аас дээш жилийн насжилттай хуучин тоосгон гарааш 26, төмөр чингэлэг гурав байна. Хичээлийн шинэ жилээс өмнө газар чөлөөлөлт хийгдэж байгаад оршин суугчид баяртай байгаа бол гараашийн эзэд бухимдалтай байгаа аж.

Баянзүрх дүүргийн 6 дугаар хорооны Засаг дарга Г.Ариунболд “Манай хороонд нийтийн эзэмшлийн зам талбай битгий хэл хоёр машин зөрөөд өнгөрөх зайгүй болчихоод байна.  Тухайлбал, 21Б байрны орчимд ямар сул чөлөөтэй талбайгүй болохоор хоёр эгнээтэй замын нэг урсгалд оршин суугчид машинаа тавьдаг. Нэг урсгалаар нь машинууд зохицоод зөрж өнгөрдөг. Эдгээр тоосгон гараашийг буулгаж, нийтийн эзэмшилд өгч ногоон байгууламж бүхий тоглоомын талбай байгуулах эсвэл цэцэрлэг сургуульд зориулж авах саналыг оршин суугчид удаа дараа ирүүлсэн. Энэ бол нийтийн эрх ашгийн төлөө хийгдэж байгаа арга хэмжээ юм” гэлээ.

Баянзүрх дүүргийн Газар зохион байгуулалтын албаны ахлах мэргэжилтэн Ц.Отгонбямба “Өнөөдрийн буулгалтаар 15 гарааш, 40 тн гурван ширхэг төмөр чингэлэг албадан буулгаж газрыг чөлөөллөө. Цаашид 28 гарааш буулгаж газрыг бүрэн чөлөөлж, нийтийн эзэмшилд хүлээлгэн өгөх болно” гэв.

22Б байрны зүүн талд газар чөлөөлөлт хийгдсэнээр мянга гаруй м2 талбай нийтийн эзэмшилд шилжих юм.

НИЙСЛЭЛИЙН ГАЗАР ЗОХИОН БАЙГУУЛАЛТЫН АЛБА

Энэ мэдээнд өгөх таны сэтгэгдэл?
17
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

mgl 2020-08-03 202.9.40.163

zuv, ezed ni har amia bodood buhumdaj l baig, hot gedeg uur soyoltoi gazar.

Avatar

Зочин 2020-08-03 202.179.24.164

зөв ажил

Avatar

Зочин 2020-08-03 103.57.94.128

Yostoi zow 11 r horoolol 2r surguuli orjim bituu graj buulgad ogoojee

Avatar

Ozchin 2020-08-03 202.126.88.152

Зөв. Одоо СБД-ийн 10-р хороонд байгаа гражуудыг буулгах хэрэгтэй. Сургууль цэцэрлэг тойрсон олон гражууд нийтийн эрх ашгийг боогдуулж байна. Сургууль цэцэрлэг тарах үеэр эцэг эхчүүд

Avatar

Зочин 2020-08-03 103.26.193.171

Бичсэн сэтгэгдэлийг битгий устгаад бай.

Avatar

Зочин 2020-08-03 103.26.193.171

120 000 – ын иргэд шиг нэгдэж байж НААД газраа хамгаалж хүүхдийн тоглоомын талбай хийх хэрэгтэй . Хотод зөвшөөрөлгүй ийм үргэлжилсэн гараж олон бий шүү . Бүгдийн унтаагаараа . Зарим газар явах зай байтугай амьсгалах агаар алга .

Avatar

Бас л ухарч байгаа юм шүү 2020-08-03 202.126.89.210

Бас л ухарч чадаж байгаа юм шүү. Одоо төдхөн энэ газар дээр нь нэг барилга баригдана. Анхнаасаа бариулчихсан хүний өмчийг нурааж байж бид ардчилал байгуулахгүй ээ. Газар олгосон албан тушаалтанд ямар хариуцлага тооцсон юм. Бусдын өмчийг сүйд хийснийхээ төлөө ямар нөхөн төлбөр өгсөн юм. Ингээд л цамнаад байвал энэ байдал удахгүй байх даа. Монголчууд бидэн чинь эрх чөлөөний мэдрэмж өндөртэй улс. Шударга ёсыг ч бас гүн гүнзгий мэдлэг. Гэхдээ харин ингэж дэгэсдүүлбэл зүгээр суухгүй нь лав

NewsMN Гар утасны хувилбар Татах
NEWS.mn

Мэдээллийн эх сурвалж