ОХУ шинэчилсэн жолооны үнэмлэхээ олгож эхэлжээ. ОХУ-ын Автохяналтын алба шинэ үнэмлэхийг олгож эхэлснийг Autonews мэдээлсэн байна.

Шинэ үнэмлэх хуучнаасаа хэд хэдэн зүйлээр ялгаатай, юун түрүүн үнэмлэхний нүүрэн талд гурван хэлээр мэдээллүүдийг бичсэн байна. Оросоос гадна англи, франц хэлээр бичжээ.

Оросын жолооны үнэмлэх нь олон улсын стандартад нийцэхгүй байсан учраас зайлшгүй солих шаардлагатай болсон юм. Тухайлбал, 1968 оны Замын хөдөлгөөний олон улсын конвенцийн дагуу энэхүү конвенцийг хүлээн зөвшөөрч нэгдсэн орнууд үндэсний жолооны үнэмлэхээрээ конвенцод нэгдсэн орны замын хөдөлгөөнд оролцох боломжтой байх ёстой юм. Энэхүү конвенцийг дэлхийн 80 гаруй улс хүлээн зөвшөөрөөд байгаа бөгөөд Европ тивийн бараг бүх улс нэгдсэн орсон юм.