Засгийн газар гадаадын зээл тусламжуудыг юунд зарцуулав? | News.MN

Засгийн газар гадаадын зээл тусламжуудыг юунд зарцуулав?

Засгийн газар гадаадын зээл тусламжуудыг юунд зарцуулав?

Засгийн газар гадаадын зээл тусламжуудыг юунд зарцуулав?

Монгол Улс энэ оны нэгдүгээр сараас “Covid-19” цар тахлаас иргэдээ хамгаалах зорилгоор өндөржүүлсэн бэлэн байдалд шилжиж, хилээ хаасан. Улмаар эдийн засаг зогсонги байдал орж, экспорт эрс буурснаар төсвийн орлого оны эхний хагас жилийн байдлаар 1.2 их наяд төгрөгөөр тасраад буй.

Засгийн газраас иргэдийнхээ эрүүл мэнд, орлогыг хамгаалах, ААН-үүдээ дэмжих, эдийн засгийг сэргээх, эрчимжүүлэх чиглэлээр тодорхой арга хэмжээг авч хэрэгжүүлэхийн зэрэгцээ шаардлагатай нэмэлт санхүүжилт дайчилж байгаа талаар Засгийн газрын Хэвлэл мэдээлэлтэй харилцах хэлтсээс мэдээлэв.

Тодруулбал, хүүхдийн мөнгөн тэтгэмжийг 100 мянган төгрөг болгож нэмсэн, орлого багатай ядуу өрхүүдэд олгодог хүнсний бүтээгдэхүүн худалдан авах санхүүжилтыг хоёр дахин нэмсэн, орлого буурсан 6.9 мянган ААН-ийн 73 мянган хүнд сар бүр 200 мянган төгрөг, Нийгмийн халамжийн тэтгэвэр авдаг иргэд болон байнгын асаргаа шаардлагатай хүүхдэд олгодог тэтгэмжийг 100 мянган төгрөгөөр нэмсэн зэрэгт одоогийн байдлаар 768 тэрбум төгрөг нэмж зарцуулжээ.

Түүнчлэн иргэд, ААН, байгууллагуудын орлогыг хамгаалах зорилгоор нийт 1 их наяд 877.9 тэрбум төгрөгийн НДШ, Хувь хүний орлогын болон ААН-ийн орлогын албан татвар, түүний алданги, торгуулийг бүрэн чөлөөлсөн. “Covid-19” цар тахал нийтдээ 2.5 их наяд төгрөгийн төсвийн дарамт бий болгоод байгаа аж.

Төсвийн орлого их хэмжээгээр тасарч, төлөвлөөгүй зардал нэмэгдэн, нэмэлт эх үүсвэр зайлшгүй шаардагдаж байгаа ийм нөхцөлд Засгийн газар хөгжлийн түнш улс, олон улсын байгууллагуудтай идэвхитэй хэлцэл хийж нийт 301 сая ам доллар буюу 800 гаруй тэрбум төгрөгийн нэн хөнгөлттэй эх үүсвэрийг төсвийн дэмжлэг хэлбэрээр хүлээн авчээ.

Гадаадын зээл, тусламж болон төсвийн эх үүсвэрээр иргэд, олон нийтэд чиглэсэн цалин тэтгэвэр, халамж, хүүхдийн мөнгөн тэтгэмж, эрүүл мэндийн салбар зэрэг төрийн үйлчилгээний зардлуудыг төсвийн хуулийн дагуу цаг хугацаанд нь бүрэн санхүүжүүлж байгаа аж.

ЗГХЭГ-ын ТАЙЛБАР

1. АХБ-наас зээл 100 сая ам доллар.

Богино хугацаанд хэлэлцээр хийж, УИХ-аар соёрхон батлуулснаар 2020 оны 05 дугаар сарын 12-ны өдөр Төрийн санд хүлээн авсан.

2. ОУВС-аас зээл 99 сая ам.доллар. Энэ оны 6 дугаар сарын 8-нд хүлээн авсан.

3. Европын холбооноос буцалтгүй тусламж болох 50.8 сая евро буюу 59.7 сая ам доллар.

2020-2024 онд буюу 4 жилийн хугацаанд нийт 50.8 сая еврог буцалтгүй тусламжаар төсвийн дэмжлэг хэлбэрээр хүлээж авахаас 2020 онд 16 сая евро буюу 18 сая ам.доллар хүлээж авна. Хараахан орж ирээгүй байна.

Төсвийн дэмжлэгээс гадна Засгийн газар “Covid-19” халдвараас урьдчилан сэргийлэх, халдварыг оношлох, эмчлэх чадавхийг бүрдүүлэх зорилгоор эрүүл мэндийн салбарт нэн шаардлагатай тоног төхөөрөмж, багаж хэрэгсэл нийлүүлэх төслийн санхүүжилт хэлбэрээр нэн хөнгөлөлттэй зээл, тусламжийн эх үүсвэрүүд бүрдүүлсэн.

4. Дэлхийн банкнаас 26.9 сая доллар:

2020 оны 4 дүгээр сарын 09-ний Зээлийн хэлэлцээрт гарын үсэг зурсан. Ингэснээр Хан-Уул дүүрэгт байрлах 300 ортой төрөх эмнэлэг, АШУҮИС-ийн дэргэдэх сургалтын эмнэлэг, Улсын Гуравдугаар төв эмнэлэг болон Нийслэлийн 9 дүүргийн нэгдсэн эмнэлэг, орон нутаг дахь нэгдсэн эмнэлгүүдийг 1000 орчим нэр төрлийн 11.500 гаруй тоног төхөөрөмжөөр хангаж, 1000 ортой эмнэлэг дэлгэн ажиллуулах боломж бүрдэх юм. Төслийн хүрээнд тоног төхөөрөмж, багаж хэрэгслийн худалдан авалтыг Дэлхийн банкны журмын дагуу Эрүүл мэндийн яам зохион байгуулах бөгөөд санхүүжилт нь тоног төхөөрөмж нийлүүлэгч компани руу Дэлхийн банкнаас тухай бүр шилжинэ.

5. Японы Засгийн газраас 1.2 тэрбум иен буюу 9 сая 319 мянган ам доллар. Энэ оны 6 дугаар сарын 17-нд хоёр өөр тусламжийн нот бичигт гарын үсэг зурсан.

Эхний 1 тэрбум иенийг “Эдийн засаг, нийгмийн хөгжлийг дэмжихэд чиглэсэн буцалтгүй тусламж” хэлбэрээр буюу "Covid-19" цар тахалтай тэмцэхэд зориулан эмнэлгийн машин болон эмчилгээний аппарат, тоног төхөөрөмж, хэрэгсэл Япон Улсаас нийлүүлнэ. Эдгээрийг худалдан авах, тээвэрлэх, нийлүүлэх ажлыг JICS (Japan International Cooperation System) байгууллага шууд хариуцан гүйцэтгэх бөгөөд санхүүжилт нь Япон улс дотроо шууд шилжинэ.

249 сая иенийг Япон улсын их, дээд сургуулиудад Монгол Улсаас хүмүүс сургахад “Хүний нөөцийг хөгжүүлэх тэтгэлэгт хөтөлбөр”-ийн хүрээнд буцалтгүй тусламж хэлбэрээр зарцуулна.

6. АНУ-ын ЭСЯ-наас 1.2 сая ам.доллар

2020 оны 3 дугаар сарын 24-нд АНУ-ын Засгийн газар “Covid-19” халдварын эсрэг тэмцэхэд зориулж Засгийн газарт 1.2 сая ам. доллар буюу 3.3 тэрбум гаруй төгрөгийн дэмжлэг үзүүлэх болсон. Энэ дэмжлэгийг АНУ-ын Олон улсын хөгжлийн агентлагаар (ОУХА) дамжуулан ЭМЯ, Монгол дахь ДЭМБ, НҮБ-ын Хүүхдийн санд халдвараас сэргийлэх болон халдварын үеийн хяналтын тогтолцоог сайжруулах чиглэлээр олгоно.

7. НҮБ-ын Хөгжлийн хөтөлбөрөөс 200 мянган ам долларын зээл тусламж авсан

НҮБ-ын Хөгжлийн хөтөлбөр нь НҮБ-ын системийн байгууллагын хувьд ДЭМБ-тай нягт хамтран ажиллаж байгаа. НҮБ-ын системийн байгууллагууд УОК, ОБЕГ, ЭМЯ-тай “Covid-19” цар тахлын нөхцөл байдал үүссэн үеээс эхлэн шуурхай хамтран ажиллаж төрөл бүрийн шаардлагатай эм, эмнэлгийн хэрэгсэл, хамгаалах хэрэгсэл нийлүүлэх, халдвараас урьдчилан сэргийлэх, эмчлэх чадавхийг бэхжүүлэх хүрээнд дээрх тусламжийг үзүүлжээ.

Б.ЖАРГАЛ

Энэ мэдээнд өгөх таны сэтгэгдэл?
25
ТэнэглэлТэнэглэл
1
ЗөвЗөв
1
ХөөрхөнХөөрхөн
1
БурууБуруу
0
ХахаХаха
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

23 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-08-02 202.126.88.147

Тэтгэмж авсан компаниудаа нэр устай нь тавьчихаач!

Avatar

Зочин 2020-08-02 202.21.107.66

Маниусыг тэнэг гээд бодчиж. Эсвэл троллуудаа лаг гээд бодчиж. Ичээсэй

Avatar

Зочин 2020-08-02 210.238.186.160

Гурван саяхан хүн амын ажил амьдрал эрүүл мэнд дэд бүтцийг бүрэн шийдэхээр л маш их тусламж өгчээ. Яагаад тэгээд ядарсан ард түмэн, албан байгууллагаас хандив аваад байсан бэ. Эсэргээрээ ард олондоо туслах ёстой байтайл. Энэ бүгдийн задаргаа нарийн санхүүгийн тайланг хөндлөнгийн гадаад дотоодын аудитаар шалгуулаад ард түмэнд ил мэдээлэх нь зөв. Сонгуульд ямар мөнгөөр явагдсанг давхар шалгах хэрэгтэй. Гишүүдээсээ татвар авахгүй мөртлөө тэр их эх үүсвэр хаанаас сонгуульд олж ялав.

Avatar

Баатар 2020-08-02 66.181.182.210

Тусламж биш ш дээ, дандаа зээл. Тэгээд тэр зээлээ хэрэггүй юм маш их авж бгаа. Ер ингэж зээл авах хэрэггүй л бгаам

Avatar

Зочин 2020-08-02 5.183.179.176

Гадаадаас вирус тээгч нарыг авхад хэдэн тэрбум зарцуулж байгаа биз дээ. Энэ вирус тээгчдийн улс л авчирч байгаа шүү!

Avatar

Зочин 2020-08-02 202.131.243.186

тэр вирус тээгч гээд байгаа хүмүүс чинь өөрсдийн зардлаараа ирж байгаа шүү. тусгаарлах байрны зардлаа бас өөрсдөө гаргаж байгаа. гаргаж чадахгүй нь дараа нь ажил хийхээр болсон гээд байгаагүй бил үү. харин тэр урдуур хойгуур гүйц яваад орж ирсэн гэх хүмүүсийг чухам хэний зардлаар авч ирж байгааг мэдэхгүй юм.

Avatar

Зочин 2020-08-02 73.241.138.240

Энэ их мөнгөнөөс ард иргэддээ сар бүр нэг сая төгрөгийг тараан өгөөд цаана нь өчнөөн жижиг дунд бизнэс эрхлэгчдийг дэмжиж,
эмнэлгийн тоног төхөөрөмж авч болох хангалттай их мөнгө. Түүнчлэн үзэгчгүй наадам хийхийн оронд тэр төсөв мөнгөөр гадаадад байгаа иргэдээ бүрэн татах боломжтой байв. Даанч зөвхөн өөртөө болон ар гэр үр хүүхэдээ тэтгэж буй бололтой.

Avatar

Зочин 2020-08-02 202.126.90.81

Манай компани л лав тэр ажилгүйдлийн орлого буурсан гэдэш тэтгэмжийг аваагүйдэг.Тэр 70 хэдэн мянган хж ахуйн нэгжээ нэр устайгаар нь зарламаар байна

Avatar

Зочин 2020-08-02 106.102.128.95

Засгийн газрын ажил яаж зээл авч, яаж тэрийгээ хувааж идэх вэ л юм даа. Хүүхдийн мөнгө нэмэхдээ эгээ л халааснаасаа мөнгө гаргаж өгч байна илбэчин шиг л аашилж байсансан. Энэ мөнгөний зарцуулалтыг бүр нарийн задаргаатай олон нийтэд үзүүлэхийг шаардаж байна.

Avatar

БАТСҮРЭН 2020-08-02 158.208.192.248

МУУ л******д ЗӨВХӨН ХУВААЖ ИДЭХИЙГ Л УРЬДАВ БОЛГОСОН. ҮҮНИЙ ОРОНД ИРГЭДЭЭ ТАТАЖ АВААД ОЛИГОТОЙ ХАНГАМЖТАЙ БУУДАЛД ТУСГААРЛААД БАЙЖ БОЛОХ Л БАЙСАН. МӨН ИРГЭД ӨӨРСДӨӨ ХОЁР ДАХИН ӨНДӨР ЗАРДАЛ ТӨЛӨӨД ИРЖ БАЙГАА ШҮҮ ДЭЭ. ҮНЭХЭЭР ХӨГИЙН БЭРТЭГЧИН л******д ЯМАРЧ ЭХ ОРОН АРД ТҮМНЭЭ ГЭСЭН СЭТГЭЛ АЛГА.

Avatar

Их мэдэх 2020-08-02 139.5.216.201

Эдийн засгийн өндөр мэдлэг мэргэжилтэй цар тахлын үед хэрхэн з/б-тай ажиллаж чаддаг тийм л хүн ерөнхий сайд хиых естой. Та нар цэргийн дарга бэлтгэл дэслэгчээс ийм юм нэхэж байгаа бол хол очиж хуцаарай. Нэг хүнд хэт их итгэж үе үеийн дүр исгэсэн шударга хулгайчдадаа ээлжлэн итгэж хэдэн жилийн дараа нжлимах нь Монголчуудын тавилан юм даа

Avatar

Зочин 2020-08-02 103.229.122.246

Энэ их ер зээлээ болиочээ!!! Яаж менге еерсдее босгох, хямналт хийх, хариуцлагаа чангатгах замаар асуудлыг шийдэж болно. Хэрэггуй яам, орон тоог цомхотгох, терийн данхар бутэц, зардлыг хумих байсиймб!!!!!!!

Avatar

Зочин 2020-08-02 176.63.23.193

Эдийн засгийн эргэлтэнд оруулсан бол ч болж л байна. Арай ч өөрсдөө идчихээгүй байлгүй. Ковид цаашид ч үргэлжлэх магад тул эмнэлгийн тоног төхөөрөмж мэтээ сайн бэхжүүлээсэй. Хэрэгтэй төхөөрөмж байдаггүй, дампуурчихсан салбар болоод байна. Гадаадаас хүмүүсээ хурдан татаж эх орон нь эзэнтэй төр гэдгээ олон улсад харуул.

Avatar

Зочин 2020-08-02 122.201.24.231

Gadniikhan l maniusiig kharj khandaj tetgemj olgoson um bna. Tyynees manai zasgiin gazraas irgeddee zoeiulj gargasan zardal baikhgyi um bishyy. Bodvol ter mungunyyd n songuulid l yavaa bailgyi dee.

Avatar

Зочин 2020-08-02 66.181.189.105

Энэ мөнгийг авахгүйгээр нийгмийн арга хэмжээний зарцуулалтыг багасгаж,боломжоороо өрөө төлөх шаардлагатай байгаа юмаа???

Avatar

Иргэн 2020-08-02 59.153.114.27

мөнгөөр зодсон сонгууль болсон. Хэн хүнгүй мэднэ. Төрийн эрхийг мөнгөөр

Avatar

Иргэн 2020-08-02 172.58.143.29

Тайлагнах хэрэгтэй. Сая харж байхад сүржигнээд байсан мөртлөө хойд хил дээрээ ганц ч эмнэлгийн майхан бариагүй бсан. Бас иргэдээ нугалсан үнэ төлүүлэн авчирч, тусгаарлалтын зардал төлөөгүй бол онгоцонд суулгахгүй бга биз дээ. Ийм байж энэ их мөнгө яасан бэ.

Avatar

МАНгарууд 2020-08-02 202.126.90.73

Coнгуульд зарцуулсан байдаг

Avatar

Yu ve 2020-08-02 78.130.188.112

Ehnii 2 tuslamjiig idchij te? Yund zartsulah ni bhgui bhig bdohod

Avatar

Зочин 2020-08-02 66.181.161.113

Oros baihgui l um bna shd ah ah geed l daldaganaad l dollar uguud l bsan

Avatar

Зочин 2020-08-02 192.82.68.95

Харин ч нэг далимдуулж өөрсдийнхөө хэтэвчийг зузаалж. Хөрөнгөө арвижуулж байгаа биз өөр яадгийм чаддаг ажил нь тэр юм чинь

Avatar

Зочин 2020-08-02 66.181.186.62

Санаа муут яван хатна үйлс нь яаж бүтдэг юм болдоо 192,82 ,68 ,95 аа

Avatar

Bold o 2020-08-02 125.181.188.116

Gantshan Hyatad l ih tuslaad bgaa geed reklamdaad bsan chini baruunii ornuud japan Amerikaas tuslamj zondool ogson bn sh dee…Man namiinhan hu jaad unen hairtai yum aa..baruunii ornuudiin ogson tuslamjiig eroosoo yaridaggui bsan bn shuu..Hurelsuh ee chi tsusalj hanahgui bn uu

NewsMN Гар утасны хувилбар Татах
NEWS.mn

Мэдээллийн эх сурвалж