Испанийн зарим хэсэг болон Их Британид өнгөрсөн долоо хоногийн сүүлээр агаарын температур огцом нэмэгджээ. Испанийн хойд хэсгийн эргийн дагуу агаарын температур +42 хэм хүрч халсан нь 1955 оноос хойш хамгийн халуун өдөр болсон байна.

Түүнчлэн Газар дундын тэнгис дэх Испанийн Маллорка арлын Пальма хотод агаарын температур Целсийн 40.6 хэм хүрчээ. Тус улсад шөнийн температур хэдэн өдөр дараалан Целсийн 20 хэмээс доош буугаагүй аж.

Үүний зэрэгцээ Их Британийн хойд хэсгээр агаарын температур Цельсийн 37 хэм, Лондон хотын Хитроу олон улсын нисэх буудал орчим Цельсийн 37.8 хэм хүрчээ. Их Британид өнгөрсөн Баасан гаригт 2020 оны хамгийн халуун өдөр тохиосон аж.

Эх сурвалж: ASSOCIATED PRESS