Бурхны шашны тэргүүн Далай лам эмнэлгийн үзлэгт орохоор АНУ-ыг зорьжээ. Тэрбээр АНУ-ын Миннесота муж улсын Рочестер хотын “Mayo Clinic” эмнэлгийн эмч нарын хяналтад байдаг юм. Өдгөө 80 настай Далай лам өнгөрсөн 10 жилийн хугацаанд зөвхөн тус эмнэлгээр үйлчлүүлжээ. Далай лам ирэх гуравдугаар сард Энэтхэгийн Дармасала дахь гэр рүүгээ буцах гэнэ.

Өмнө нь өнгөрсөн есдүгээр сард Далай лам эмч нарын зөвлөснөөр АНУ дахь хэд хэдэн үйл ажиллагаагаа цуцалсан нь сүсэгтэн олны санааг чилээсэн юм.

Далай лам Хятадын эсрэг Түвдийн тэмцэлд ялагдсанаар эх орноосоо дүрвэж, 1959 оноос хойш Энэтхэгийн Дарамсалад шашин номын үйл хэргээ явуулж буй юм.

Б.АНХТУЯА

ЭХ СУРВАЛЖ: ASSOCIATED PRESS