Д.Нямхүү: 249 хүнд шинжилгээ хийхэд вирус илрээгүй | News.MN

Д.Нямхүү: 249 хүнд шинжилгээ хийхэд вирус илрээгүй

COVID-19

Д.Нямхүү: 249 хүнд шинжилгээ хийхэд вирус илрээгүй

ЭМЯ: Covid-19-ийн халдварын тархалтын талаарх цаг үеийн мэдээллийг хүргэж байна

ЭМЯ: Covid-19-ийн халдварын тархалтын талаарх цаг үеийн мэдээллийг хүргэж байна

Posted by News.mn on Thursday, July 30, 2020

Эрүүл мэндийн яам /ЭМЯ/ шинэ коронавирусийн тархалттай холбоотой асуудлаар ээлжит мэдээллээ хийж байна.

ХӨСҮТ-ийн Тандалт, шуурхай удирдлагын хэлтсийн дарга Д.Нарангэрэл:

Covid-19-ийн халдвар дэлхийн 216 улс орнд тархаж, 17 сая 111 мянга гаруй хүн коронавируст халдвараар өвчилж, 671 мянга гаруй хүн эндлээ. Мөн 10 сая 948 мянган хүн эдгэрлээ. Долдугаар сард дөрөв хоногийн дотор халдвар сая, саяар нэмэгдэж байна.

Сүүлийн 24 цагийн хугацаанд 253 мянган хүн шинээр халдвар авч, 5000 гаруй хүн энджээ. Өчигдөр ДЭМБ-ын хурлаар сүргийн дархлаа тогтоход одоогоор арай эрт байна. Тиймээс өөрийгөө болон бусдыг өвчлөлөөс урьдчилан сэргийлэх шаардлагатай байгааг хэлсэн. Маск зүүж, хүн хоорондын зай барьж, гараа ариутгах шаардлагатай. Залуучуудын дунд халдвар их байгаа тул залуучууд халдвараас хамгаалах зөвлөгөөг мөрдөхийг уриалсан. Хүн хоорондын зайг ягштал барихад халдварыг 62 хувь бууруулж байгааг тогтоосон. Манай улсын хувьд өчигдөр 283 хүн тусгаарлан ажиглалтад орж, 139 хүн гэрийн тусгаарлалтад шилжин, одоогоор 2593 хүн тусгаарлан ажиглалтад байгаа. Сүүлийн 24 цагт 119 тусгай дугаарт 176 дуудлага ирсэн бол шуурхай аппликэйшнээр гадаадаас 15 иргэн холбогдож зөвлөгөө мэдээлэл авсан байна. Мөн 24 цагийн дотор СЭМҮТ-д 11 хүн холбогдож зөвлөгөө авчээ.

ХӨСҮТ-ийн захирал Д.Нямхүү:

ХӨСҮТ-ийн хоёр, Дархан-Уул аймгийн салбар лабораторид өчигдөр /2020.7.30 / 249 хүнд шинжилгээ хийлээ. Шинжилгээгээр бүгдэд вирус илрээгүй. Үүнд энэ сарын 29-нд Сөүл-Улаанбаатар чиглэлийн тусгай нислэгээр ирсэн 164 хүний шинжилгээ, ажиглах байрны 41 хүн, Цэргийн төв эмнэлэгт тусгаарлагдсан найм, тандалтын хоёр хүн, Алтанбулагийн боомтын 32 жолооч, Сэлэнгэ аймагт тусгаарлагдсан хоёр иргэний шинжилгээ багтаж байгаа. Монгол Улсад нийт батлагдсан тохиолдол 291 болсноос 225 нь эдгэсэн. Одоогоор ХӨСҮТ-д 66 хүн эмчлүүлж байна. Эмчлүүлж байгаа хүмүүсийн 62 нь хөнгөн, хүндэвтэр гурав, нэг нь хүнд байна. Хяналт тандалт үргэлжилж байна.

ЭМЯ-ны технологийн зөвлөлийн нарийн бичгийн дарга Э.Оюунсүрэн:

Covid-19-ийн халдварын талаарх судалгааны ажлууд маш олон оронд хийгдэж байна. Судалгаанаас танилцуулахад Covid-19-ийн халдвараар нас барж байгаа нь буурай, хөгжиж буй оронд өндөр байна гэж үзжээ. БНХАУ-ын судлаачид хөдөлгөөний хязгаарлалт халдварын тархалтад хэрхэн нөлөөлж буйг судалсан. Хөдөлгөөнийг 20 хувь хязгаарлахад халдварыг 33 хувь бууруулж байна гэж үзжээ. Мөн хөдөлгөөнийг 40 хувь хязгаарлахад халдвар 66 хувь буурч байсан бол хөдөлгөөнийг 60 хувиар бууруулахад халдвар 91 хувиар буурч байна гэж үзжээ.

Энэ мэдээнд өгөх таны сэтгэгдэл?
12
ЗөвЗөв
1
ГайхмаарГайхмаар
1
БурууБуруу
0
ХахаХаха
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-07-31 109.199.163.244

Илрээгүй юм бол тусгаарлалгүй гэр рүү нь явуул л даа. Хүний эрх зөрчөөд. Хандивын оношлогооны аппратаа хил дээрээс авахгүй мөнгө идээд л байгаад байх юм ЭМЯ, хөөрхий эмч нар зогсоо зайгүй ажиллаж байхад хөдөлмөрийг нь үнэлээд ажлийг нь хөнгөлөөд өөр эмч нар сургаад хандивын оношлогооны аппратаа хурдан ажиллуул л даа. Яагаад хийсэн оношлогоондоо итгэхгүй 21 + 14 хоног тусгаарлаад байдаг юм бээ

Avatar

Oyutan gesen heden Durak uud Maskaa zyy ! 2020-07-31 202.179.27.228

Ter Ongzoor nisej irej baigaa " Durak uudaa " –
Helee Mask – aa zyy gej shaardah hergtei –
Oyutan geaen heden Durakuud !
Tanariin Hiisen neg jiliin ajiliig chin budaa bolgoj mednee " Mask – aa zyy gar sain ugaa duugai baij baigaad nisej iree gej Shaardah Hergtei baina !

Avatar

Зочин 2020-07-31 98.33.93.32

Одоо энэ балай юмаа больвол яасийн. УОК чинь нэр хүндгүй боллоо,та нарын бла благ тоодог ч хүн алга…. Гачин гачин хоолойтой эрүүл согтуу нь мэдэгдэргүй юмнууд тэдэн хүн үхлээ сэхлээ гээд л гоншигоноод байдаг,харин хүн нас барангуут сандраад л ковидаар нас бараагүй суурь өвчнөөр нас барсан болдог. Худлаа ингэж олны өмнө гарж ажил хийсэн болж сүржигнэж байхаар өөрсдийнхөө шууд хийх ажлаа хийгээд эмчлээд тусгаарлаад явбал барав

Avatar

Зочин 2020-07-31 192.82.69.243

Зурагдсан пянз шиг дахин дахин яриад л сануулаад анхааруулаад байдаг гэтэл хүн ард нь тайвширсан байдалтай ЗГ нь бүр тэс өөр шийдвэр гаргаад байдаг манай нөхцөлд сургууль цэцэрлэг бөөгнөрөлгүй зай барих нөхцөл бүрдэхгүй л болов уу даа

NewsMN Гар утасны хувилбар Татах
NEWS.mn

Мэдээллийн эх сурвалж