“Ливерпуль”-ийн довтлогч Фернандо Торресийн нэр бүхий 9 дугаартай өмсгөл Премьер лигийн тоглогчид дотроос хамгийн сайн борлуулалттай нь гэнэ. Испанийн шигшээ багийн довтлогч ийнхүү хоёр дахь жилдээ дараалан уг жагсаалтыг тэргүүлж байгаа бол Энфилдэд түүний хамт хүчин зүтгэдэг Стивен Жеррард топ 10-ын жагсаалтын хоёрдугаарт бичигдсэн байна. Харин “МанЮ”-гийн довтлогч Уейн Рүүни өнгөрсөн жилийнхээс нэг байраар ахиж, гуравдугаарт жагсчээ. Уг жагсаалтыг SportingiD-гаас аливаа клубын албан ёсны өмсгөлийн дотоод болон гадаад дахь борлуулалтын дүнг харгалзан үзэж, гаргадаг юм.

Шилдэг борлуулалттай өмсгөлийн эздийн жагсаалтын топ 10-ыг “Арсенал”-ын Сеск Фабрегас, Андрей Аршавин, мөн “Челси”-гийн Фрэнк Лампард, Дидье Дрогба, “МанЮ”-гийн Майкл Овен, “Ливерпуль”-ийн хамгаалагч Жейми Каррахер, “Ман Сити”-гийн довтлогч Карлос Тевез нар бүрдүүлжээ.

С.Цэлмэг