Цэцэрлэг, сургуулийн хичээл есдүгээр сарын 01-нд эхэлнэ | News.MN

Цэцэрлэг, сургуулийн хичээл есдүгээр сарын 01-нд эхэлнэ

Цэцэрлэг, сургуулийн хичээл есдүгээр сарын 01-нд эхэлнэ

Цэцэрлэг, сургуулийн хичээл есдүгээр сарын 01-нд эхэлнэ

Засгийн газрын хуралдаан 2020 оны 07 дугаар сарын 29-ний өдөр болж бүх шатны сургалтын байгууллагын хичээлийг 09 дүгээр сарын 01-нээс эхлүүлэхээр шийдвэрлэлээ.

Цэцэрлэг, сургуулийн хичээл 09 дүгээр сарын 01-нд эхэлнэ

Бүх шатны сургалтын байгууллагын хичээлийг 09 дүгээр сарын 01-ний өдрөөс үе шаттай эхлүүлэх Улсын онцгой комиссын шийдвэрийг Засгийн газрын хуралдаанаар хэлэлцэн дэмжив. Энэ дагуу:

–  Цэцэрлэг, ерөнхий боловсролын сургуулийн хичээл 09 дүгээр сарын 01

–  Мэргэжлийн сургалт, үйлдвэрлэлийн төвийн хичээл 09 дүгээр сарын 14

–  Их, дээд сургууль, коллежийн хичээл 10 дугаар сарын 05-ны өдрөөс эхлэх боллоо. Хичээлийг танхимын болон теле хичээл, цахим гэсэн хосолсон хэлбэрээр явуулна.

Сум, баг, тосгоны сургууль танхимаар, аймгийн төв, нийслэлийн сургууль гурван өдөр танхимаар, хоёр өдөр теле хичээл, цахим хэлбэрээр орох юм. Хүүхдүүд өдөрт 4-6 цаг хичээллэх бөгөөд нэг хичээл 35-40 минут байхаар тооцсон байна. Хүчин чадлаас хамаарч 3-4 настай нийт хүүхдийн тодорхой хувийг, таван настай хүүхдийг бүхэлд нь цэцэрлэгт хамруулах бол хоёр настай хүүхдийг энэ удаа авахгүй байхаар болжээ. Цэцэрлэгт хамрагдаж чадаагүй хүүхдүүдэд теле хичээл орохоор болсон байна. Энэ шийдвэрийг 10 дугаар сарын 01 хүртэл мөрдөх бөгөөд КОВИД-19-ийн нөхцөл байдалтай холбогдуулан хэвийн горимд шилжүүлэх эсэхийг тухайн үед нь шийдэх юм. Халдвар хамгааллын дэглэм баримтлах, хүүхэд, багш, ажилчдыг халдвар авахаас сэргийлэх, ариутгал, халдваргүйжүүлэлт хийх, гар угаах болон ариутгах бодис, халуун хэмжигч багажаар хангахаар боллоо. Томуу, томуу төст өвчлөл нэмэгддэг учир 12 дугаар сарын 01-нээс 02 дугаар сарын 15 хүртэл хугацаанд улирлын амралтыг эхлүүлэхээр тооцож бэлтгэлээ хангахыг Монгол Улсын Ерөнхий сайд У.Хүрэлсүх холбогдох сайд нарт чиглэл болгов гэж Засгийн газрын Хэвлэл мэдээлэлтэй харилцах хэлтсээс мэдээллээ. 

Энэ мэдээнд өгөх таны сэтгэгдэл?
4
ЗөвЗөв
4
ТэнэглэлТэнэглэл
1
БурууБуруу
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Иргэн 2020-07-29 202.131.225.197

Ийм нэг санаа байна. Өмнө нь 10 жилийн сургууль 6 өдөр хичээллэдэг байсан. Иймд 1-6 ангиудыг 1, 3, 5 өдрүүдэд, 7-12 ангиудыг 2, 4, 6 өдрүүдэд 30 минутаар хичээллүүлбэл.
1. Сургууль дээр тухайн өдрийн сурагчдын ирц 50 хувь байна.
2, Зай барих хязгаар орон зай болон тэнхимийн хүчин чадал нэмэгдэнэ.
3. Хичээлийн явц тасалдахгүй хэвийн явагдах боломжтой.
4. Болзошгүй эрсдлийг 20-30 хувь буухуулах боломжтой.

Avatar

Иргэн 2020-07-29 103.111.68.3

Тийм шүү даалгавараа өдөр өдөрт нь өгч байх хэрэгтэй. 7 хоногоор нь өгдөг.

Avatar

Иргэн 2020-07-29 103.111.68.3

Хувийн сургуулиудын төлбөр дээр хөнгөлөлт хийлгэх хэрэгтэй. Өнгөрсөн жил бүтэн төлбөр аваад заасан юм байхгүй байгаа шүү. Ялангуяа яармагийн ШИНЭ МОНГОЛ сургууль " ОРЧЛОН " сургуулийн онлойн сургалтаас туршлага авах хэрэгтэй. бага ангийн сурагчдад. Эцэг эхчүүд бид багшийн үүргийг гүйцэтгэж зааж сургаж байна. Багш цаасан дээр хэдэн юм бичээд өгнө . Тэрнийгээ тайлбарлаж өгөхгүй, эцэг эхчүүд бид гомдол гаргаж байж л нэг юм харьцдаг болсон. Онлойн хичээлийг хийхдээ гол биш хэр ойлгосондоо гол нь

Avatar

Иргэн 2020-07-29 103.111.68.3

Шийдвэртэй санал нэг боловч хичээлийг 8 дугаар сарын 15 – наас эхлэхлүүлэх боломж байхгүй байсан юм уу. Гадаадын орнууд тэгдэг юм байна лээ.

Avatar

Зочин 2020-07-29 202.126.88.133

Энэ гадаад биш хамаа…

NewsMN Гар утасны хувилбар Татах
NEWS.mn

Мэдээллийн эх сурвалж