"Ру-концерт" компанийн ерөнхий захирал Евгений Морозов Оросын топ дуучин Алла Пугачевагийн нэг удаагийн тоглолтын хөлсийг ил болгожээ.

Гэхдээ тэрбээр 1998 оны нэг тоглолтын гонорарын жагсаалтыг үндэслэн хэлсэн бөгөөд тухайн үед Аллагийн гонорар 25 мянган ам.доллар байжээ. “Түүнээс хойш 20 жил өнгөрчээ, энэ хугацаанд дуучдын хөлс багаар бодоход 10 дахин өссөн. Тиймээс 250 мянган ам.доллар гэж ойлгож болно” гэж Евгений Мороков хэлжээ.

Хэдий тийм ч нэгдсэн зохион байгуулалттай тоглолт биш ганцаарчилсан урилгын ханш нь 350 мянган евро байдаг хэмээн тэр тодотгожээ.

Эх сурвалж: РИА НОВОСТИ