Гадаадаас иргэдээ татаж болно, дотоодын эрсдэлээ тооцох ёстой | News.MN

Гадаадаас иргэдээ татаж болно, дотоодын эрсдэлээ тооцох ёстой

Гадаадаас иргэдээ татаж болно, дотоодын эрсдэлээ тооцох ёстой

Гадаадаас иргэдээ татаж болно, дотоодын эрсдэлээ тооцох ёстой

Дэлхийн 216 улсад тархсан коронавирусийн халдвар одоо ч намжих болоогүй, хүн төрөлхтнийг “айдас”-т автуулж байна. Цар тахлын улмаас улс орнууд хилээ хааж, хөл хорио тогтоосон нь Монгол Улсын иргэдэд хүндхэн тусч буй. Тиймээс ч эх орондоо ирэх хүсэлтэй иргэдийн тоо өдрөөс өдөрт нэмэгдэж байгаа юм. Гадаад харилцааны яамны мэдээлсээр долдугаар сарын 24-ны өдрийн байдлаар дэлхийн 55 улсаас 11 мянга 951 иргэн нутаг буцах хүсэлт гаргажээ.

Монгол Улс гадаад улсад байгаа эх орондоо ирэх хүсэлтэй иргэдийг татан авах ажиллагааг нэгдүгээр сарын 28-аас эхлэн зохион байгуулж, долдугаар сарын 28-ны өдрийн байдлаар 45 улсаас агаарын болон авто зам, төмөр замаар нийт 14 мянга 755 иргэнийг татан аваад байна.

Тодруулбал, 40 удаагийн тусгай нислэгээр 44 орноос иргэдээ татан авчээ. Долдугаар сард нийт 12 удаагийн нислэг үйлдэхээр төлөвлөж байсан бол гурван нислэгийг нэмж, 15 болгосон. Ингэснээр өнөөдөр /2020.07.29/ Улаанбаатар-Сөүл чиглэлд БНСУ-д байгаа иргэд, маргааш Улаанбаатар-Сидней чиглэлд Австралид байгаа нийт 950 иргэн эх орондоо ирэх аж.

Долдугаар сард хийгдсэн тусгай үүргийн нислэгүүдийг тоймлон хүргэе.

  • Долдугаар сарын 4-ны өдөр Токио-Улаанбаатар чиглэлийн тусгай үүргийн онгоцоор нийт 263 иргэн эх орондоо ирсэн. 
  • Долдугаар сарын 7-ны өдөр Сөүл-Улаанбаатар чиглэлийн  тусгай үүргийн онгоцоор нийт 172 иргэн ирсэн. 
  • Долдугаар сарын 8-ны өдөр Сөүл-Улаанбаатар чиглэлийн  тусгай үүргийн онгоцоор нийт 258 иргэн ирсэн.
  • Долдугаар сарын 9-ны Туркийн Истанбул  чиглэлийн  тусгай үүргийн онгоцоор нийт 261 иргэн ирсэн.
  • Долдугаар сарын 12-ны өдөр Афганистанаас 62 энхийг сахиулагч эх орондоо ирсэн.
  • Долдугаар сарын 14-ны өдөр “Хүннү Эйр” ХХК-ийн тусгай үүргийн онгоцоор 51 энхийг сахиулагч эх орондоо ирсэн.
  • Долдугаар сарын 15-ны өдөр хоёр удаагийн транзит нислэг үйлдэж, АНУ, Сингапур, Тайланд, Бразил, Аргентин улсад байсан иргэдээ авчирсан. Эхний онгоцоор АНУ, Сингапур, Тайланд, Бразил, Аргентин улсад байсан нийт 261 иргэн эх орондоо ирсэн бол хоёр дахь тусгай үүргийн онгоцоор АНУ, Сингапур, Тайланд, Бразил, Аргентин улсад байсан нийт 167 иргэн эх орондоо ирсэн.
  • Долдугаар сарын 20-ны өдөр Сөүл-Улаанбаатар чиглэлийн  тусгай үүргийн онгоцоор нийт 265 ирсэн ирсэн. 
  • Долдугаар сарын 21-ны өдөр Токио-Улаанбаатар чиглэлийн  тусгай үүргийн онгоцоор нийт 260 иргэн ирсэн.
  • Долдугаар сарын 27-ны өдөр Франкфурт-Улаанбаатар чиглэлийн тусгай үүргийн онгоцоор Европоос 264 иргэн эх орондоо ирсэн. 
  • Долдугаар сарын 28-ны өдөр Сөүл-Улаанбаатар чиглэлийн тусгай үүргийн онгоцоор 262 иргэн эх орондоо ирсэн. 

Тэгвэл өчигдөр /2020.07.27/ Улсын Онцгой комисс хуралдан ирэх наймдугаар сард 14 удаа захиалгат нислэг үйлдэн 3500 орчим иргэнийг татаж авахаар шийдвэрлэсэн.

  • Наймдугаар сарын 01-нд Сөүл-Улаанбаатар
  • Наймдугаар сарын 05-нд Сиатл-Улаанбаатар
  • Наймдугаар сарын 06-нд Шинэ Дели-Улаанбаатар
  • Наймдугаар сарын 07-нд Токио-Улаанбаатар
  • Наймдугаар сарын 08-нд Франкфурт-Улаанбаатар
  • Наймдугаар сарын 10-нд Прага-Улаанбаатар
  • Наймдугаар сарын 14-нд Сөүл-Улаанбаатар
  • Наймдугаар сарын 15-нд Сөүл -Улаанбаатар/транзит
  • Наймдугаар сарын 20-нд Истанбул-Улаанбаатар
  • Наймдугаар сарын 21-нд Франкфурт-Улаанбаатар
  • Наймдугаар сарын 22-нд Сөүл-Улаанбаатар
  • Наймдугаар сарын 24-нд Токио-Улаанбаатар
  • Наймдугаар сарын 26-нд Франкфурт-Улаанбаатар
  • Наймдугаар сарын 27-нд Сидней-Улаанбаатар чиглэлд тусгай нислэг үйлдэнэ.

Мөн тусгаарлах байрны хүрэлцээ зэргийг харгалзан АНУ, Бүгд Найрамдах Казахстан Улс зэрэг улс руу нэмэлтээр дөрвөн нислэг үйлдэх боломжийг судалж байгаа аж.

Гэтэл гадаадын улс орнуудаас ирж буй иргэдийг дор хаяж 21 хоног тусгаарлаж байгаа. Тусгаарлалтад буй хүмүүс эмнэлгийн хяналтаас гарч амжаагүй байхад чартер нислэгээр иргэдээ татан авчирсаар байгаа нь ёстой л саваа бэлдээгүй байж саалиа бэлдэхийн үлгэр болж байна гэвэл нэг их буруудахгүй болов уу.

Эрүүл мэндийн салбарын хөгжил тааруу манай улсын хувьд халдварыг тогтоон барих гэж эмч мэргэжилтнүүд нь эрвийх дэрвийхээрээ зүтгэж байхад гаднаас иргэдээ татан авсаар байвал муугаар ярихад нэг өдөр халдварыг алдах ч эрсдэлтэй.

Улсын онцгой комиссын Шуурхай штабаас ч бас тусгаарлах байрны нөөц хязгаарлагдмал гэдгийг учирлаад байна. УОК-ын дэргэдэх Шуурхай штабын дарга хурандаа Б.Ууганбаярын мэдээлснээр нэг өрөөнд нэг хүн тусгаарлана гэсэн шаардлагаас шалтгаалан байрны хомсдол үүсч байгаа аж.  Товчхондоо, гадаадаас эх орондоо ирж буй иргэдийн тоо нэмэгдэхийн хэрээр тусгаарлах байрны хүрэлцээ хомс байгаа нь нууц биш. Өнөөдрийн байдлаар Монгол Улсад коронавируст халдварын нийт 289 тохиолдол бүртгэгдсэн нь бүгд гаднаас зөөвөрлөгдсөн. Эдгээрээс ХӨСҮТ-ийнхөн 222  хүнийг эдгээсэн ч  тайвшрах асуудал биш.

Бид нэг л удаа алдаа гаргавал халдварыг дотоодод алдах аюултай. Цар тахлын аюултай халдварыг дотооддоо алдсан тохиолдолд хүн амын нэг хувь буюу улсын хэмжээд 32 мянга 760 хүн халдвараар өвчилнө гэсэн тооцоо бий. Нөгөө талаар дотоодын олон аж ахуй нэгж, байгууллагуудын нийгмийн хариуцлага, тэдний хэрэгцээ одоо л чухал байна. Зочид буудлуудын үйл ажиллагаа зогссон, гадаад, дотоодын аялагчдын тоо эрс буурсан энэ үед нийгмийн хариуцлагын хүрээнд улсдаа тусгаарлах байраар туслах хэрэгтэй байна. 

Э.БУРАМ

Энэ мэдээнд өгөх таны сэтгэгдэл?
5
ЗөвЗөв
1
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

14 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-07-29 76.66.100.104

Зарим компаниудын оффисыг ч гэсэн суллавал их зай гарна даа, сайхан том зай эзэлсэн хэнд ч хэрэггүй байшингууд

Avatar

Зочин 2020-07-29 76.66.100.104

Бүх зочид буудлуудыг суллаж оруулах хэрэгтэй, тэгсэн тэгээгүй хүн орохоо больсонБүх зочид буудлуудыг суллаж оруулах хэрэгтэй, тэгсэн тэгээгүй хүн орохоо больсон

Avatar

Зочин 2020-07-29 76.66.100.104

Вакцин гарсанч гэсэн хэт нь гадаадад явах иргэдийг эрсдлээ өөрсдөө тооцно тэнд нүд анисан ч хамаагүй гоншгонохгүй гэсэн гарын үсэг зуруулж байх нь зөв юм байна.

Avatar

Зочин 2020-07-29 76.66.100.104

Дотоодын үйлдвэрээ хөгжүүлцгээе !!! Гадаадад явахаа больцгооё!!!

Avatar

Зочин 2020-07-29 66.181.189.254

жонхуу н**ш баян гол буудлаа гаргаад өгчих сэтгэлгүй амьтан

Avatar

Зочин 2020-07-29 202.126.89.192

odoo bolioochee dendlee dotoodoo aldval bugd duusaa naad malnuuudaa tend hay hay davarsan pisdu nar

Avatar

Одоо б 2020-07-29 103.9.90.98

Одоо больё. Давсаар давсаар Давгын оронд гэгчээр…, биднийг авсангүй гээд аваад ирэхээр суулт хийнэ. Одоо цогцост зөөдөг болох нь байна шүү дээ. Тэндээ байж л байж. Биднийг энэ улс орны төлөө ажиллаж амьдарч байхад биднийг муу хэлж арчаагүй энэ тэр гэч гадны хоолонд цадагсдыг авчирах шаардлагагүй

Avatar

Зочин 2020-07-29 103.9.90.130

Эрдсдэлээ зөв тооцож иргэдээ авчирах нь Засгийн газрын чадвар харагдана.

Avatar

Зочин 2020-07-29 202.131.244.234

Гадаадад гацсан иргэдээ татах нь зөв өө, гэхдээ хэт олноор хавтгайруулж татсанаас болж ачаалал ихсэхээр дотоодод халдвар алдах эрсдэл нэмэгдэнэ, гадаадад байгсад жоохон тэсвэртэйхэн байх хэрэгтэй байхаа, тэгэхгүй бол бууриа сахин суугсад чинь халдварт өртвөл хэцүүднэ шүү, магтан сайшаагаад байдаг өндөр хөгжилтэй улсууд чинь буугаад өгчихсөн халдварт өртчихгүйг хичээж байгаа хэдэн ядарсан иргэдээ бас бодмоор байна, гадаадаас ирэгсэд хэл амгүйхэн шиг хэд хоног байж чадахгүй бол авахаа болио

Avatar

Zochin 2020-07-29 202.126.88.61

Manai uls " heterkhii mergen jaraahai" shig bna da. Gadaad ertuntsuus taslagdaj humursun togoon dotooddoo orloo.
Manai emch nar sain shuu dee. Harin ene onts bdliin Udirdlagiin togtoltsoo n eruul bus bna da. 4 n jil tarhia ygaalgaj social ye ruu butsaj bna.

Avatar

Зочин 2020-07-29 66.181.176.215

Хамаагүй л авчраад бна даа. Хөлийнхөө хирээр хөнжлөө жиймээр бна. Дээр нь аюул 10, 11 сард гээд мэргэжлийн байгууллага анхааруулаад бдаг. Гэтэл бүх сургуулиа нээх шийдвэр гаргаж бдаг. Юу л болох бол доо.

Avatar

Зоя 2020-07-29 73.93.153.79

60,0 мянган иргэнээ татсан гээд байсан нь яалаа. Ам ажил хоёр нь зөрсөөр өдийг хүрлээ. МИАТ- н алдагдлыг нөхөхийн тулд ажиллаад байна уу УОК? Төрийн төмөр нудрагаа үзүүлж үйлчилгээ нь зогссон зочид буудлуудыг тусгаарлах байр болгохоор ажиллаач. Ирсэн хүмүүсийг ялгаварлаж шоронгоос арай л дээр хөгц өмхий үнэртсэн газар байрлуулж доромжилж байдгаа болиочээ. Хоол нь хоолой давахгүй угаадас өгч байгаа гэсэн шүү Баянхангай гэдэг амралт юмуу хаашаа юмб.

Avatar

irgen 2020-07-29 192.82.64.208

засаг хүнээ иргэнээ авчрах үүрэгтэй хэдий ч улсын эмч мэргэжилтнүүдийн хүрэлцээн дээр маш тооцоотой хандах нь зөв хүнээ бодож байна гээд нэг л алдаа гарвал манайх хүчрэхгүй шүү гэдгийг дарга сайд нар мэдэж байгаа гэж найдья……………………

Avatar

Irgen 2020-07-29 202.21.120.187

ЁСТОЙ ЗӨВ, МАНАЙ ОРОН ШИГ ИРГЭДЭЭ ИЙМ ОЛОН ТООГООР ТАТАЖ БАЙГАА ОРОН ГЭЖ АЛГА. ЭМЯ ВИРУСТАЙ ОРЖ ИРСЭН ХҮМҮҮСИЙГ ЭМЧЛЭЭД ЭДГЭЭД ГАРЧ БГАА Л ГЭЭД БГАА, СҮҮЛИЙН ҮЕД ЭНЭ НЪ ДАХИАД БГАА ГЭЖ БГАА. КОРОНА ВИРУС ӨӨРӨӨ МУТАЦД ОРДОГ ХУВИРДАГ АМАРХАН ЭДГЭРДЭГГҮЙ ИЙМ АЮУЛТАЙ ӨВЧНИЙГ ЭМНЭЛГИЙН САЛБАР НЪ УНАСАН МАНАЙХ ШИГ ОРОН ЯАЖ ИНГЭЖ ЗОРИГЛОЖ ХҮМҮҮСИЙГ ОЛНООР НЪ ТАТАЖ БНАА. МАШ ӨНДӨР ЭРСДЭЛ !!!

NewsMN Гар утасны хувилбар Татах
NEWS.mn

Мэдээллийн эх сурвалж