Эрүүл мэндийн яам /ЭМЯ/ шинэ төрлийн коронавирусийн тархалттай холбоотой асуудлаар ээлжит мэдээллээ хийж байна.

КОРОНАВИРУС БИТҮҮ, АГААРГҮЙ, ХАРАНХУЙ ОРЧИНД МАШ УДААН ХУГАЦААНД АМЬДАРЧ, 7-8 МЕТР ЗАЙД ХҮНД ХАЛДВАР ТАРААДАГ НЬ БАТЛАГДСАН

 ЭМЯ-ны Тандалт, шуурхай удирдлагын хэлтсийн дарга Д.НАРАНГЭРЭЛ:

-Дэлхийн эрдэмтэд цар тахлыг хзягаарлахад эрт илрүүлэг, тусгаарлалт эрт үеийн эмчилгээг эхлүүлэх нь үр дүнтэй хэмээн үзэж байна. Үүнээс гадна хувь хүнд энгийн гурвалсан аргыг дадал болгох, тодруулбал гараа сайтар угаах, амны хаалт зүүх, хүн хоорондын зай барих зэргийг мөрдөх шаардлагатай байна. 17 оронд хийсэн 173 судалгаагаар амны хаалт коронавирусийн халдвараас 85-90 хувь хамгаална гэсэн бол нүүрний хаалт 78-80 хувь хамгаална гэжээ. 

Дэгдэлтийн эхэн үед амны хаалт зүүсэн 42 оронд коронавирусийн тархалт, өвчлөл нас баралт хамгийн бага түвшинд байгааг судалгаагаар нотолсон. Мөн сүүлийн үеийн судалгаагаар битүү агааргүй харанхуй орчинд коронавирус маш удаан хугацаанд амьдарч 7-8 метр зайд хүнд халдвар тараадаг нь батлагдсан. Тиймээс битүү газар болох шөнийн клуб, хүнсний худалдааны төв, мал нядалгааны газарт ариун цэврийг  дээд зэргээр сахих нь халдвараас хамгаална.

Монгол Улсын хувьд тусгаарлалтад өчигдөр гурван хүн орж, 209 хүн гарч, гэрийн тусгаарлалтад шилжсэн бол 2351 хүн ажиглалтад байна. Үүн дотор 182 төрийн алба хаагч бий. Өнөөдөр тусгай үүргийн онгоцоор 266 хүн эх орондоо ирсэн. Тусгаарлах арга хэмжээ авч байна. Цэргийн төв эмнэлэгт тусгай үүргийн онгоцоор ирсэн 38 хүн хэвтэн эмчлүүлж байгаагаас хоёр хүний биеийн байдал хүндэвтэр байна.

ӨЧИГДӨР НИЙТ 264 ХҮНИЙ СОРЬЦОД КОРОНАВИРУС ИЛРҮҮЛЭХ ШИНЖИЛГЭЭ ХИЙХЭД БҮГД СӨРӨГ ГАРЛАА

ХӨСҮТ-ийн захирал Д.НЯМХҮҮ: