Гадаадын иргэн, харьяатын газрын 2020 оны эхний хагас жилийн тайланд дурдсанаар, Монгол Улсын харьяат нэг хүүхдийг гадаадын гэр бүлд үрчлүүлсэн байна. Ингэхдээ Монгол Улсын харьяат хүүхэд үрчлэн авах хүсэлт гаргасан гадаад улсын нэг гэр бүлтэй байгууллагын даргын 2010 оны А/395 дугаар тушаалаар баталсан “Монгол Улсын харьяат хүүхдийг үрчлэх хүсэлт гаргасан гадаадын иргэнтэй ярилцлага хийх журам”-ын дагуу ярилцлага хийн, Мэргэжлийн зөвлөлийн хурлаар хэлэлцүүлснээр Монгол Улсын харьяат нэг хүүхдийг үрчлүүлж, үрчлэгч эцэг, эхтэй үрчлэлтийн дараах хяналт тавих хоёр талт гэрээг байгуулсан.

Мөн гадаадын хоёр улсын есөн гэр бүлд үрчлүүлсэн есөн хүүхдийн үрчлэлтийн дараах тайланг хүлээн авч, мэдээллийн нэгдсэн санд баяжилт хийжээ.

А.АНИР