"Вирус дахин илэрсэн 11 хүний шинжилгээний хариу сөрөг гарлаа" | News.MN

"Вирус дахин илэрсэн 11 хүний шинжилгээний хариу сөрөг гарлаа"

"Вирус дахин илэрсэн 11 хүний шинжилгээний хариу сөрөг гарлаа"

"Вирус дахин илэрсэн 11 хүний шинжилгээний хариу сөрөг гарлаа"

Эрүүл мэндийн яам өнөөдөр /2020.7.26/ Covid-19-т халдварын цаг үеийн асуудлаар мэдээлэл хийлээ.

ХӨСҮТ-ийн Тандалт, шуурхай удирдлагын хэлтсийн дарга Д.НАРАНГЭРЭЛ: Covid-19-т халдвар дэлхийн 216 улс оронд бүртгэгдэж, 15 сая 918 мянган хүн халдвар авч, 645 мянга гаруй хүн нас бараад байна. Одоогоор 9.8 сая гаруй хүн эдгэрчээ. Сүүлийн 24 цагт 284 мянган хүн шинээр өвчилж, 6000 гаруй хүн нас барлаа. Энэ нь шинэ тохиолдол хамгийн өндөр байгаа хоёр дахь өдөр байлаа. Эрдэмтэд халдвар буурахгүй байгааг хөл хориог огцом сулруулсантай холбоотой гэж үзэж байна. Мөн буруу ташаа мэдээлэлд автах, залуучуудын хайхрамжгүй байдал зэрэг нь халдвар буурахгүй байгаад нөлөөлж байгаа гэж үзэж байна. Германы мах боловсруулах үйлдвэрт хийсэн судалгаагаар хүйтэн, сэрүүн, агааргүй үед Covid-19 нь найман метрт халдвар тархаах эрсдэлтэй гэж үзжээ. ДЭМБ-аас дархлаажуулалт зэрэг бусад эрүүл мэндийн үйлчилгээг орхигдуулж болохгүй гэж үзэж байна.

Монгол Улсад өчигдөр /2020.07.25/ 210 хүн ажиглалтад орж, 218 хүн ажиглалтаас гарлаа. Одоогоор 2566 хүн ажиглалтад байна. Эдгээр хүмүүст 182 төрийн албан хаагч үйлчилж байна. Цэргийн төв эмнэлэгт 39 хүн хэлтэн эмчлүүлж байна. Сүүлийн 24 цагт 119 тусгай утсан 124 хүн холбогдож Covid-19-т халдварын талаар зөвлөгөө, мэдээлэл авлаа.

ЭМЯ-ны Гадаад харилцаа хамтын ажиллагааны хэлтсийн дарга Б.ЯНЖМАА: БНАСАУ-д Covid-19-ийн халдварын анхны тохиолдол бүртгэгдлээ. АНУ-д нийт халдвар 4.9 сая, нас баралт 1455 мянгад хүрчээ. Бразилд нийт халдвартай хүний 1.6 сая нь эдгэрсэн бол 86 мянга 400 хүн энджээ. Энэтхэгт өчигдөр /2020.07.25/ 48 мянга 600 шинэ тохиолдол бүртгэгдэж нийт халвар 1.6 сая-д хүрчээ. ОХУ-д өчигдөр 5871 шинэ тохиолдол бүртгэгдэж, БНСУ-д 58 тохиолдол шинээр бүртгэгджээ. Үүний 46 нь дотоодын халдвар байсан байна. Японд 804 шинэ тохиолдол бүртгэгдлээ. Үүний 297 нь Токиод бүртгэгджээ. БНХАУ-д 46 шинэ тохиолдол бүртгэгджээ. Үүний 11 нь гаднаас зөөвөрлөгдсөн байна.

ХӨСҮТ-ийн захирал Д.НЯМХҮҮ: ХӨСҮТ-ийн хоёр, Дархан-Уул аймгийн салбар лабораторид өчигдөр /2020.7.25 /176 хүнд шинжилгээ хийлээ. Шинжилгээгээр бүгдэд нь вирус илрээгүй. Үүнд энхийг сахиулагчдын давтан шинжилгээ, тандалтын долоон сорьц, ажиглалтад байсан 16 хүний давтан, Алтанбулагийн боомтоор орж ирсэн 29 жолоочийн шинжилгээ багтаж байгаа. Ингээд Монгол Улсад батлагдсан тохиолдол 288 болсноос 218 нь эдгэсэн. Одоогоор ХӨСҮТ-д 70 хүн эмчлүүлж байна. Эмчлүүлж байгаа хүмүүсийн 61 нь хөнгөн, ес нь хүндэвтэр байна.

Эдгэрч сувилалд шилжээд байсан 23 хүнд шинжилгээ хийхэд эерэг гарч, хяналтад авсан талаар бид өмнө нь дурдсан. Эдгээр хүмүүсийн 11-д нь гурав дахь шинжилгээгээр вирус илрээгүй тул гэрийн тусгаарлалтад шилжүүллээ.

ЭМЯ: Коронавирусийн халдварын талаарх цаг үеийн мэдээллийг хүргэх гэж байна.

ЭМЯ: Коронавирусийн халдварын талаарх цаг үеийн мэдээллийг хүргэх гэж байна.

Posted by News.mn on Saturday, July 25, 2020

 

Энэ мэдээнд өгөх таны сэтгэгдэл?
7
ЗөвЗөв
2
ХахаХаха
1
ХөөрхөнХөөрхөн
1
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

16 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-07-26 66.181.161.1

Эх дэлхийн хэвлийг хайр найргүй ухах, Өрсөж хөгжих гэж уралдах, цөмийн з****г туршиж хүчтэй болох гэж айлгах, хэрэгцээнээс хэтрүүлж баяжих, хорт хий ялгаруулах, хэт их хөгжил зэрэг нь эргээд хүн төрөлхтнийг мөхөөхнээ. Энэ бол короно вирус. Өөр ямарч аюул гарч ирж мэднэ. ЭХ ДЭЛХИЙ, УС, НАР. АРИУН ТУНГАЛАГ АГААРАА ХАЙРЛАЯ ХҮМҮҮСЭЭ. УХААРААЧ УХААРААЧ. ИХ ХӨРӨНГӨ БИДЭНД ХЭРЭГГҮЙ ЭЭ. АЖЛЫГ ХЭТ ХӨНГӨВЧЛӨӨД Ч ХЭРЭГГҮЙ.

Avatar

Зочин 2020-07-26 66.181.161.1

Короног өвчин гэхээс илүүтэй байгаль дэлхий, амьтан, ургамалтай харгис хэрцгий хандсаны төлөө хүмүүсээс өшөө авч даажигнан тохуурхаж, та нар бол өт хорхойноос өөрцгүй шүү гэж сануулж байгаа дэлхий ертөнцийн гэсгээл гэж АЙЖ байна даа

Avatar

Од 2020-07-26 66.181.161.1

Монгол эмч нар минь маш хичээнгүй сайн ажиллаж байгаа болохоор бид дотооддоо аялж зугаалаад тарвалзаж байгаа шүү. Эмч нартаа маш их баярлаж явнаа. Та нартаа хайртай. Амжилт хүсье ээ

Avatar

Зөв амьдрах сайхан 2020-07-26 66.181.161.1

Манай эмч нар сайн ажиллаж байгаа шүү дээ. Долийсонч гэх шиг. Яаж тэгж хэлж чадаж байна аа. Чи өөрөө юу хийж чадах вэ. Чи хүн муулж л чадаж бна. Энэ дэлхийг донсолгосон айхтар өвчин. Манай эмч нар муу байсан бол бид яанаа. Ээ бурхан минь

Avatar

Зочин 2020-07-26 185.220.101.209

))) Хэрэв та нэг шөнө нь эмэгтэй олохыг хүсэж байна? Тавтай морилно уу — https://tinyurl.com/y9mh59ld

Avatar

Зочин 2020-07-26 66.181.179.188

Халдвар авсан нь сөрөг эрүүл сөрөг нь эерэг гарахыг үгүйсгэх аргагүй л юм байна тэр хооронд хүн хэлмэгдэж хохироод л халдвар авсан нь халдвартай болсноо мэдэлгүй халдвар тараагаад л эмчлэгдсэн гэгдэх хүмүүс ч баярлах аргагүй

Avatar

Зочин 2020-07-26 66.181.161.85

Энэ ямар ааштай, золигийн өвчин бэ? Тоглоод янз үзээд ч байгаа юм шиг. Ядарсан манайх шиг улсыг бол алцгануулсаар байгаад бүр туйлдуулчих юм шиг байна. Манай эрүүлийг хамгаалахын хэд бадар барьж оношлуур гуйсаар ертөнцийг хагасыг гүйцээчихсэн. Одоо эвенк, африкийн ширэнгийнхнээс бадарчлах л үлдсэн байх. Нээрэн ямар лайтай юм бэ.

Avatar

хэрэгт дурлагч 2020-07-26 139.5.217.17

эерэг гарсан 23 ын үлдсэн 12 нь ямар гарсан юм бэ.

Avatar

Зочин 2020-07-26 176.63.23.193

Оношлууртаа байгаа юм бишүү

Avatar

Зочин 2020-07-26 202.9.46.1

ugaasaa shinjil ch chadahgui baigaa yum baina doo. hahahahaa

Avatar

12345 2020-07-26 66.181.161.46

Эргэлзэхээс өөр шидгүй элийнүүд ихэсч зөв юмыг зөрүүлж хардаг балайнууд галзуурдаг болж дээ..кк

Avatar

Зочин 2020-07-26 66.181.183.222

Нямхүү гэж хүний бэлдсэн юм уншсан долийсон хулгайчыг солимоор юм

Avatar

Зочин 2020-07-26 103.57.95.201

Худлаа юм биш үү?

Avatar

иргэн 2020-07-26 139.5.219.247

Наад шинжилгээ чинь унэн юм уу даа. Одоо эргэлзэж эхэлж бна шуу

Avatar

Зочин 2020-07-26 192.82.69.219

Оношлогоо шинжилгээ нь хир зэрэг үнэн бодит баталгаатай байгаа юм бол доо

Avatar

Наран 2020-07-26 123.243.129.206

Хаанахын тест ашиглаж байгаа юм бэ,энэ тухай мэдээлэл өгмөөр байна.

NewsMN Гар утасны хувилбар Татах
NEWS.mn

Мэдээллийн эх сурвалж