ОХУ-ын Ерөнхий сайд Михайл Мишустин өчигдөр /2020.07.24/ Засгийн газрын хуралдааны үеэр тус улс нь ирэх наймдугаар сарын 1-нээс Их Британи, Турк, Танзани улсууд руу нислэгээ сэргээхээр болсон тухай мэдэгджээ.

Гэхдээ зөвхөн нийслэл Москва, Санкт Петербург, Дон дахь Ростов хотуудын олон улсын нисэх буудлуудаас нислэг үйлдэж, хүлээн авах юм байна.

Мөн дээрх улсуудын бүх хотууд руу бус Оросын иргэдийн ихээр зорчдог Их Британийн Лондон, Турк болон Танзанийн хэд хэдэн хотуудтай агаарын тээврээ сэргээхээр болжээ. Түүнчлэн сонгосон хотууд нь коронавирусийн халдварын тархалт бусад хотуудаас харьцангуй бага хотууд аж.

Эх сурвалж: ТАСС