"Монгол иргэдэд туслахыг хүсч, 55 улсад ноот бичиг илгээсэн" | News.MN

"Монгол иргэдэд туслахыг хүсч, 55 улсад ноот бичиг илгээсэн"

"Монгол иргэдэд туслахыг хүсч, 55 улсад ноот бичиг илгээсэн"

"Монгол иргэдэд туслахыг хүсч, 55 улсад ноот бичиг илгээсэн"

Гадаад харилцааны яамнаас өнөөдөр /2020.7.24/ цаг үеийн асуудлаар мэдээлэл хийлээ. Тус яам долоо хоног бүрийн Баасан гаригт “Мэдээллийн цаг” арга хэмжээ зохион байгуулахаар төлөвлөжээ.

ЭЛЧИН САЙДЫН ЯАМДАД ӨДӨР БҮР ХИЙСЭН АЖЛАА ТАЙЛАГНАХЫГ ҮҮРЭГДЖЭЭ

ГХЯ-ны Бодлого төлөвлөлтийн газрын захирал Ш.Одонбаатар мэдээллийн эхэнд Covid-19-тэй холбоотойгоор ГХЯ нь гадаадад байгаа иргэдийн асуудлыг тэргүүн чиглэл болгосныг дурдлаа. Энэ хүрээнд оршин суух зөвшөөрөл, виз, хөрөнгө санхүүгийн тал дээр монгол иргэдийг дэмжиж ажиллахыг дипломат газруудад үүрэг болгосон байна. Мөн Гадаад харилцааны сайд Н.Энхтайван үүрэгт ажлаа хүлээж авснаас хойш Монгол Улсад суугаа Элчин сайдуудтай уулзаж, тодорхой асуудлуудыг шийдвэрлэснийг онцлов.

Тэрбээр “Шинэ сайд маань дэлхийн 55 улсын Засгийн газарт хандаж, цар тахалтай холбоотойгоор тухайн оронд амьдарч, ажиллаж байгаа монгол иргэдийг дэмжиж ажиллахыг хүссэн ноот бичиг илгээсэн. Шинжилгээ өгөх, эмчилгээнд хамрагдах шаардлагатай болсон, санхүүгийн бэрхшээлтэй байгаа иргэдэд тухайн улсын Засгийн газраас дэмжлэг үзүүлэхийг хүссэн. Тухайн улсын эрх баригчидтай уулзаж, энэ чиглэлээр ажил зохион байгуулна” гэв.

Түүнчлэн Монгол Улсаас гаднын оронд суугаа дипломат төлөөлөгчийн 44 газарт үүрэг өгчээ. Үүнд цар тахалтай холбоотойгоор бүх дипломат төлөөлөгчийн газар өндөржүүлсэн бэлэн байдалд шилжиж, 24 цагаар ажиллах, гадаадад байгаа иргэдэд мэдээллийг цаг алдалгүй шуурхай хүргэж байх үүрэг өгчээ. Мөн удаан хугацаанд гадаадад байгаа иргэдийн оршин суух эрх, визийн асуудал хүндэрч, иргэд торгуульд холбогдож байгаа тул Элчин сайдын яамдад холбогдох байгууллагуудтай хамтарч ажиллахыг үүрэгдсэн байна. Элчин сайдын яамдад төвдөө буюу Гадаад харилцааны яаманд өдөр бүр хийсэн ажлаа тайлагнах үүрэг өгчээ.

ЯПОНООС ХОЁР САЯ АМ.ДОЛЛАРЫН САНХҮҮЖИЛТ ОЛГОСОН

ГХЯ-ны Ази, Номхон далайн орнуудын газрын захирал Э.САРАНТОГОС:

-Гадаад харилцааны сайд энэ долоо хоногт Япон, Энэтхэг, БНСУ, ХБНГУ, Франц, БНАСАУ зэрэг орны Элчин сайдуудтай уулзсан. Монгол Улсыг Covid-19-ийн халдварыг даван туулахад зориулан Япон Улсын Засгийн газраас 2 сая ам.долларын санхүүжилт олгоод байгаа. Мөн төслийн бус буцалгүй тусламжаар 9.3 сая ам.долларын үнэ бүхий эмнэлгийн төхөөрөмжийг нийлүүлэхээр ажиллаж байна. Япон улсын Засгийн газраас зарим улсад яаралтай хөнгөлөлттэй зээл олгохоор судалж байгаа бөгөөд эхний орнуудын жагсаалтад манай улс багтсан. Удахгүй Японы Засгийн газар хэр хэмжээний зээл олгохоо шийдвэрлэнэ. Уг зээл нь эдийн засгийг дээшлүүлэхэд чухал ач холбогдолтой байх болно. Япон руу зорчих горимыг өөрчлөх, хөнгөвчлөх хэлэлцээр хийж байгаа бөгөөд энэ 10 орны тоонд Монгол Улс багтаж байна. Энэтхэгт улстай дипломат харилцаа тогтоосны 65, БНСУ-тай 30 жилийн ой тохиож буй бөгөөд ойг цахимаар явуулах бодолтой байна.

ЕВРОПЫН ХОЛБООНЫ УЛСААС 50.8 САЯ ЕВРО, ХБНГУ-ААС НЭГ САЯ ЕВРОГИЙН ТУСЛАЛЦАА ҮЗҮҮЛЖ БАЙНА

ГХЯ-ны Европын газрын захирал М.ЦЭНГЭГ:

-Гадаад харилцааны сайд Н.Энхтайван энэ долоо хоногт Европын холбооны улс, Герман, Франц улсаас Монгол Улсад суугаа Элчин сайдуудтай уулзаж ярилцсан. ХБНГУ-ын Засгийн газраас Covid-19-тэй тэмцэхэд зориулан нэг сая еврогийн тусламж үзүүлж буйгаа мэдэгдсэн. Европын холбооны улсаас манай улсын төсөвт дэмжлэг үзүүлж, 50.8 сая еврогийн туслалцаа үзүүлж байгаа. Үүний эхний 16 сая евро ойрын хугацаанд хийгдэнэ. Ойрын болон дунд хугацаанд нийт 37.5 сая еврог төслүүдээр дамжуулан олгохоор болсон. Франц улстай дипломат харилцаа тогтоосны 55 жилийн ойг шинэ хэлбэрээр зохион байгуулна.

Р.ДУЛАМ

Энэ мэдээнд өгөх таны сэтгэгдэл?
14
ТэнэглэлТэнэглэл
2
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

18 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-07-24 202.9.46.58

Цогтбаатар гэж сайдын үед ажиллаж байсан бүх хар тамхины наймаачдаас ГХЯамыг цэвэрлэх ёстой шүү Хүрэлсүх сайдаа ! Консулын газрын захирал Мөнхтүшиг гэж хар тамхины наймаачин ажлаа хийж л бн ! Мөн ГХЯамны консулын газарт ажилладаг Бямбадорж гэж хар тамхины наймааны гол зуучлан зохицуулагч, Цогтбаатар, Мөнхтүшиг нарын гарын хүн ажилаа хийсээр байгааг зохих байгууллагууд нь анхааралдаа аваасай !!!

Avatar

Зочин 2020-07-24 122.201.22.143

Гадаад хүмүүсийн яам юм биш үү

Avatar

Зочин 2020-07-24 174.196.150.47

Manai huuchin darga maani baina. Saihan haragdaj baina shuu. Amjilt huseye!

Avatar

Зочин 2020-07-24 107.77.208.129

Wow.gaihaltai.not.ilgeesen.gej.bna.shuudeeeeee. Odoo.deeshee.haraad.hevtej.baihaas.esvel.nogoo.tiisheech.umuu.harj.hevtenees

Avatar

Fadsfa 2020-07-24 45.72.203.62

Shivshig, hule neeged irgede oruulj chadahgui baij gadnaas tuslamj guigad baihda yahav de, ichmeer umaa

Avatar

zochin 2020-07-24 202.21.108.140

тусламжийн мөнгөний зарцуулалтыг хянаж ард түмэнд тайлагнах естой шүү!!!!!!!!

Avatar

Lip Service 2020-07-24 72.136.108.31

Өөрийн иргэдээ яаяа гэж байгаа хүмүүс Монголчуудад туслах уу? Жаахан логиктой, амьдралд ойр баймаараа. Харин Монголд байгаа тухайн жлсын иргэдээр нь солилцоо хийх маягаар явуулбал юу юм гэхээс, яг л баригдсан ьагнуул солилцдог шиг…

Avatar

Зочин 2020-07-24 176.63.23.193

Хэдэн сая хүн ирүүлэх гэж байгаа мэт ингэж сүржигнэж, нөгөө хэдэн Монголынхоо ч цөхрөлийг барж, гадаад улсад ч арчаагүй улс гэж харагдаж байхаар хэл амгүй бүгдийг нь хурдан авчрах зохион байгуулалтаа л хийлдээ. 10 мянган хүн бүгд л халдвартай байв гэж

Avatar

Зочин 2020-07-24 202.70.34.70

2 сая 90 мянган ам.долларын санхүүжилт ЖАЙКА-гаар дамжуулан Японы Засгийн газраас олгосон гэсэн байгаа. News.mn мэдээгээ дахин нягтална уу.

Avatar

Зочин 2020-07-24 64.119.25.110

2900 доллар уу?

Avatar

Зочин 2020-07-24 192.82.71.89

Энийг ажил гэх үү

Avatar

зочин 2020-07-24 202.126.92.99

Гадаадаас ирэх иргэдийг тусгаарлах байр, хамгаалах цагдаа нь хүрэлцэхгүй байна шүү

Avatar

Зочин 2020-07-24 202.126.89.98

Зуны цагт гэр баривал тусгаарлөх байр асуудалгүй. 10000 хүн юм чинь нэг лагер кампус бариад хүлээж авахад л болнл

Avatar

Gsfafs 2020-07-24 45.72.203.62

S h a a erunhiilugchiin medliin bayangol hooson shahuu baij l baina

Avatar

Зочин 2020-07-24 103.229.122.93

unendee ene gadaadaa ireh irgediin jagsaaltiiig budiluulj baigaa nuhduud chin Gadaad yamnii konsuliin heltsiihen shuu dee,

Avatar

гадаадад гацаад буй өндөр настан 2020-07-24 94.10.49.66

Англи улсаас иргэдээ шууд нислэгээр татаж авах арга хэмжээ аваач ээ! Бараг ганц удаагийн нислэгээр л хүсэлт гаргасан бүх иргэд явчих боломжтой байна шүү дэ.Энд хэдийгээр өвчлөл нэг үеэ бодвол гайгүй болж байгаа боловч өртөг өндөр газар удаан хөл хоригдсон хүмүүс санхүүгийн хүнд байдалд ороод байнаа.Татаж авах боломжгүй байдаг бол санхүүгийн дэмжлэг үзүүлэх арга хэмжээ аваач ТӨР ЗАСАГ минь.

Avatar

Зочин 2020-07-24 202.70.34.70

ta yah gej yavsan um be?

Avatar

гадаадад гацаад буй өндөр настан 2020-07-24 94.10.49.66

holondoo hagalgaa hiilgeheer lreed 10 sar bolloo. gehdee ovoo ni oortoo zoriulj tur zasgaas sankhuugiin demjleg husej baigaa yum bishee!!! end baigaa zaluuchuud ,huuhedtei humuus, nastai humuust uneheer busdin demjleg heregtei ni haragdaad bainaa. Khunii nutagt argagui baidald orson eleg negtenuudee haraad ,yariltsaad,medreed ireheer oort baigaagaasaa iluuchleed urool busdig urialj baigaa ni ene l de !!! Gehdee ter eserguutseed baigaa 9 hunees bish tur zasagtaa hansan yum.Yag nariindaa bol …

NewsMN Гар утасны хувилбар Татах
NEWS.mn

Мэдээллийн эх сурвалж