Төв банк банкуудад 3.9 их наяд төгрөгийн санхүүжилт олгожээ | News.MN

Төв банк банкуудад 3.9 их наяд төгрөгийн санхүүжилт олгожээ

Төв банк банкуудад 3.9 их наяд төгрөгийн санхүүжилт олгожээ

Төв банк банкуудад 3.9 их наяд төгрөгийн санхүүжилт олгожээ

Covid-19 цар тахлаас урьдчилан сэргийлэх, эдийн засаг, айл өрх, аж ахуйн нэгжид учирч буй эрсдэлийг бууруулах үүднээс банкны салбарт хэд хэдэн арга хэмжээ авч байна. Энэ хүрээнд зээлийн эргэн төлөлт нь хүндрэлд орсон зээлдэгчдийн хэрэглээний зээлийн хугацааг 12 хүртэлх сараар, ипотекийн зээлийн хугацааг зургаан сараар сунгах шийдвэр гаргаад хэрэгжүүлж буй юм.

Монголбанкнаас мэдээлж буйгаар, зургадугаар сарын 19-ний байдлаар нийт хэрэглээний зээлийн багцын 12.9% буюу 65 мянга 491 зээлдэгчийн 572.8 тэрбум төгрөгийн хэрэглээний зээл, ипотекийн зээлийн 43% буюу 38 мянга 270 зээлдэгчийн 2 их наяд төгрөгийн зээлийн нөхцөлд өөрчлөлт оржээ.

Үүний зэрэгцээ Сovid-19-ийн улмаас иргэд, аж ахуйн нэгжийн орлого буурч байгаатай холбоотойгоор зээлийн шалгууртаа өөрчлөлт оруулж, орлого нь буурсан аж ахуйн нэгжийн ажилчдад зээл шинээр олгохгүй байх шаардлага тавьж эхэлсэн. Монголын банкны холбооноос гаргасан судалгаанаас харвал цалин, тэтгэврийн зээл олголт огцом буурчээ. Мөн боловсруулах, барилга, ХАА-н салбарт зээл олголт буурсан байна.

Энэ нь өөрөө банкны зээлийн эх үүсвэр хангалттай байгаа юу гэдэг асуудлыг дагуулах болов. Энэхүү асуултад Монголбанкны ерөнхийлөгч Б.Лхагвасүрэн Төв банкны албан ёсны сайтаар дамжуулан талбар өгчээ.

Тэрбээр хэлэхдээ "Банкуудын төлбөр түргэн гүйцэтгэх чадварын шаардлагыг 25%-иас 20% болгож бууруулсан. Уг үзүүлэлт системийн хэмжээнд 39.7%-тай байна. Төв банкны санхүүжилтийн хүү 10% болж, банкуудын санхүүжилтийн эх үүсвэрийн дийлэнхийг бүрдүүлдэг хадгаламжийн хүүнээс бага болсон.

Түүнээс гадна санхүүгийн зах зээлийн хэвийн үйл ажиллагааг хадгалах, банкуудын төлбөр түргэн гүйцэтгэх чадварыг дэмжих зорилгоор оны эхний зургаан сарын байдлаар ХХБ-ны 500 сая ам.долларын эргэн төлөлтийг эс тооцвол Монголбанкнаас банкуудад 3.9 их наяд төгрөгийн санхүүжилт олгосон бол үүний 2.4 их наядыг репо санхүүжилтээр, 1.5 их наядыг своп хэлцлээр олгоод байна.

Түүнчлэн зээлийн эргэн төлөлтийг хойшлуулах, хугацааг сунгах зэрэг арга хэмжээ нь зээлдэгч талдаа дэмжлэг болохын зэрэгцээ зээл чанаргүйдсэнээс бий болох эрсдэлийн сангийн зардлын дарамтыг бууруулж байгаа нь банкуудын өөрийн хөрөнгийн хүрэлцээнд дэмжлэг болдог. Энэ нь зээлийн тасалдлыг зөөлрүүлэхэд ч эергээр нөлөөлнө.

Болзошгүй эрсдэлээс сэргийлэн банкуудын төлбөр түргэн гүйцэтгэх чадварын түр зуурын хүндрэлийг шийдвэрлэх зорилготой барьцаат зээлийн нөхцөлийг өөрчлөөд мөрдүүлж эхлээд байна.

Өмнө нь Төв банк мөнгөний бодлого болгоомжтой, хатуу төлөвтэй байсан бол одоо бодлогын төлөв илүү зөөлөрсөн, бодлогын олон арга хэмжээнүүдийг хооронд нь нийцтэй байдлаар, багц маягаар авч хэрэгжүүлж байна” гэжээ.

Энэ мэдээнд өгөх таны сэтгэгдэл?
2
ХахаХаха
0
ЗөвЗөв
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

11 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-07-24 59.153.113.182

Монголчууд мөнгөөр амьдралыг дүгнэж материаллаг зүйлд шунаж хийсвэр сэтгэхүйгээр ирээдүйг

Avatar

Зочин 2020-07-24 66.181.161.79

Монголын нөхцөлд гадаад худалдааны тэнцвэрийг хангах маягаар үндсэн бодлогоо зангидаж, бага орлоготой иргэдийн үүрэх татвар татаасыг бууруулж, тансаг хэрэглээ, томоохон аан-д үүрүүлэх хариуцлагыг нэмэгдүүлэх зарчим баримталбал хямралыг зөөллөж магадгүй. Үнэ тогтворжуулах хөтөлбөр, валютын интервенцид дэмий их мөнгө зарлагадахаас зайлсхийх хэрэгтэй. Мал үлэмж өсөх болсон үед малчдаас малын хөлийн татвар тооцох тохиромжтой үе тохиож байна. Харин малын түүхий эдийг экспортлохыг хориглосон балай ту

Avatar

Зочин 2020-07-24 66.181.161.79

шаалаа цуцлах цаг болсон. Малчдад боломж олго. Элдэв урамшууллыг зогсоо. Малын түүхий эдийг экспортонд зөвшөөрчих. Амнат-ын хувь хэмжээг тогтвортой барь. Нийгмийн даатгалын санд шалгалт оруулж тэтгэвэр халамжийг дахин хянаж тоог цөөл. Төрийн албан хаагчдын тоог цөөл. Концессын гэрээгээр ажил гүйцэтгэх явцыг идэвхжүүл. Ипотекийн зээлийг зогсоо. Тодорхой тоогоор хязгаарла. Иргэдээ гадагш гарах урсгалыг дэмж.

Avatar

Зочин 2020-07-24 66.181.161.79

Репо нь засаг өөрийн гаргасан бонд, облигацийг үнэлгээг нь бууруулахгүй байх үүднээс өөрөө худалдаж авч буй үзэгдэл. Своп нь харилцагч банкинд итгэл үзүүлж урьдчилан бэлэн мөнгө байршуулж зузаатгал хийж байгаа үйлдэл. Хоюуланд нь засаг өөрөө маш их эрсдлийг үүрч байна. Магадгүй энэ тохиолдолд дахиад нэг Капиталын дампуурлын процессыг төрөөс ивээж буй операци явагдаж байхыг ч үгүйсгэхгүй. Тэгээд үндэсний үйлдвэрлэлд агшилт явагдаж байхад энэ нь инфляцийг хөөрөгдөх нэг үндэс болж өгөх магадгүй.

Avatar

Зочин 2020-07-24 66.181.161.79

Энэ мөнгийг хаанаас гаргаж байна? Зүгээр л хэвлэж байгаа юмуу? Таваар, эдийн засгийн эргэлт, эрэлт нийлүүлэлтээр баталгаажих боломжгүй ийм их мөнгийг сул хаяснаар инфляцийг хөөрөгдөх юм биш үү? Үнэ тогтворжуулах хөтөлбөрөөр засаг иргэдээ хэдий хугацаанд хуурч чадах вэ? Эсвэл засгийн толгойд гарсан ждүчидийн арми сурсан аргаараа мөнгө угаах гэж байна уу?

Avatar

Зочин 2020-07-24 196.53.0.17

Таваар таваар товарищ гуай … 19 дүгээр зуун…

Avatar

Зочин 2020-07-24 66.181.161.60

Их хэмжээгээр цаасан мөнгө хэвлээд банкуудаа санхүүжүүлээд байгаа юм уу?

Avatar

Зочин 2020-07-24 196.53.0.17

Монголд мөнгө хэвлэх үйлдвэр хаана байдаг юм бэ ?

Avatar

ЗОЧИН 2020-07-24 103.9.90.98

репо, своп санхүүжилт гэдэг нь юу гэсэн үг юм бол доо монголоор хэлж тайлбарлаач малуудаа

Avatar

Зочин 2020-07-24 202.21.108.201

Мэдэхгүй бол чи өөрөө мал.

Avatar

Зочин 2020-07-24 59.153.113.182

Банкууд мөнгөө хадгалаад мөнгөгүй юм шиг санагдахаар төв банк мөнгө олгоод байхаар яаж долларыг барих юм бэ

NewsMN Гар утасны хувилбар Татах
NEWS.mn

Мэдээллийн эх сурвалж