Гурван сартайгаас эхлээд 15 нас хүртэлх нийт 23 бага насны хүүхдүүдийг хулгайлсан хэргийг хуулийнхан илрүүлжээ. Тэд хүүхдүүдийг Мексикийн өмнөд хэсэгт жуулчид ихээр зугаалдаг хотод гар урлал заруулдаг байсан аж.

Хүүхдүүдийг Мексикийн өмнөд хэсгийн Чиапас мужийн Сан Кристобал де Лас Касас дахь нэгэн байшингаас олсон хэмээн мужийн өмгөөлөгчдийн тайланд дурджээ.

Энэ хэрэгт гурван эмэгтэйг холбогдуулан, хүний наймаа, хүчээр ажил эрхлүүлсэн гэх хэргүүдээр мөрдөн байцааж эхэлсэн аж.

Тайланд дурдсанаар гурван сартайгаас 15 нас хүртэлх тэдгээр хүүхдүүдийг гэр бүлээс нь хулгайлан авч, бие махбодь төдийгүй сэтгэлийн дарамт үзүүлэн хүчээр ажиллуулан, гудамд бараа заруулдаг байсан гэнэ.

Уг гүйцэтгэх ажиллагаа зургадугаар сарын 30-нд ээжтэйгээ захаар үйлчлүүлж байгаад алга болсон нялх Дилан Исау Гомез Перезийг хайх ажиллагаагаар эхэлсэн аж. Гэвч олдсон хүүхдүүдийн дунд Дилан буй эсэх нь одоогоор тодорхой болоогүй байна.

Эх сурвалж: CNN.COM