ХӨСҮТ: Нэг хүн эдгэрч, дараагийн сувилал руу шилжлээ | News.MN

ХӨСҮТ: Нэг хүн эдгэрч, дараагийн сувилал руу шилжлээ

COVID-19

ХӨСҮТ: Нэг хүн эдгэрч, дараагийн сувилал руу шилжлээ

ЭМЯ коронавируст халдварын талаарх ээлжит мэдээллээ хийж байна.

ЭМЯ-ны Тандалт, шуурхай удирдлагын хэлтсийн дарга Д.Нарангэрэл: Covid-19-т халдвар дэлхийн 216 улс оронд бүртгэгдэж, 15 сая 101 мянган хүн халдвар авч, 622 мянга гаруй хүн нас бараад байна. Гурван сарын хугацаанд нэг саяар өвчлөл нэмэгддэг байсан бол өнөөдөр 4-5 хоногт нэг сая хүн халдвар авч байна. Судалгаагаар арваннэгдүгээр сар гэхэд бүгд маск зүүгээд хэвшвэл өвчлөлийг 5000-аар бууруулах магадлалтай гэж үзэж байна. ОХУ-д 5862 хүн шинээр халдвар авсан байна. Тува, Буриад, Читад өвчлөл 19-38-аар нэмэгдлээ. Монгол Улсад 2958 хүн ажиглалтад байна. Цэргийн төв эмнэлэгт 68 хүн хэвтэн эмчлүүлж байна. Сүүлийн 24 цагт 119 тусгай утсанд 147, шуурхай аппликейшнд дөрвөн хүн холбогдож Covid-19-т халдварын талаар зөвлөгөө, мэдээлэл авлаа.

ЭМЯ-ны Гадаад харилцаа хамтын ажиллагааны хэлтсийн дарга Б.Янжмаа: АНУ-д нийт халдвар авсан хүн 3.8 сая болсноос 141 мянган хүн нас барсан байна. Бразилд 2.2 сая гаруйд хүрч 1.5 сая гаруй нь эдгэрсэн. БНЭУ-д өчигдөр /2020.07.22/ 37 мянга 700 шинэ тохиолдол бүртгэгдэж нийт тохиолдол 1.1 сая гаруйд хүрсэн. Японд өчигдөр 795 шинэ тохиодол бүртгэгдсэн. БНСУ-д өчигдөр 59 тохиолдол шинээр нэмэгдсэнээс 39 нь дотоодын халдвар байлаа. БНХАУ-д өчигдөр 22 шинэ тохиолдол бүртгэгдлээ. Үүний 19 нь дотоодын халдвар байлаа. БНХАУ-ын хэмжээнд шинж тэмдэггүй 167 тохиолдлыг хянаж байна.

ХӨСҮТ-ийн захирал Д.Нямхүү: ХӨСҮТ-ийн хоёр, Дархан-Уул аймгийн салбар лабораторид өчигдөр /2020.7.22/ 426 хүнд шинжилгээ хийлээ. Шинжилгээгээр бүгдэд нь вирус илрээгүй. Үүнд долдугаар сарын 21-нд Токио-Улаанбаатар чиглэлийн нислэгээр ирсэн 261 хүн, мөн өдөр Австралиас ирсэн 41 хүн багтаж байгаа. Өнөөдөр нэг хүн эдгэрч ХӨСҮТ-өөс гарч сувилалд шилжлээ. Энэ өвчтөн нь 34 настай эмэгтэй бөгөөд 15 хоног эмчлэгдлээ. Батлагдсан 287 болсноос нь 214 эдгэсэн. Одоогоор ХӨСҮТ-д 73 хүн эмчлүүлж байна. Эмчлүүлж байгаа хүмүүсийн 63 нь хөнгөн, 10 нь хүндэвтэр байна. ХӨСҮТ-д 104 хүн эмчилгээ, хяналтад байна. Тандалт, судалгаа шинжилгээ үргэлжилж байна. Тусгай нислэг хүлээж авах бэлтгэл алжаа хийж байна.

Энэ мэдээнд өгөх таны сэтгэгдэл?
8
ЗөвЗөв
2
ХарамсалтайХарамсалтай
1
ТэнэглэлТэнэглэл
1
БурууБуруу
0
ХахаХаха
0
ХөөрхөнХөөрхөн
0
ГайхмаарГайхмаар
Баярлалаа!

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-07-23 66.181.184.183

Эрхэм эмч болон дарга нараа хязгаарлалтын аргаар өвчинтэй түр зуур тэмцэж болно. Одоо эсрэг биет илрүүлэх шинжилгээгээ өргөн хүрээнд хийгээд вирусын тархалт ямар байгааг тогтоогоод дараагийн ажил аа төлөвлөвөл сайн байна. Өдөр болгон зурагдсан пянз шиг нэг л мэдээгээ тавтаад хэрэггүй. Юманд ШУ-ны үндэстэй хандмаар байна. Өвчинг улс төрөөр эмчлэхгүй. Өмнө нь монголд өвчиндөө баригдсан орныг ШУ Эмнэлгээр бүрэн эмчилж байсан туршилга байсан. Коронагаар улс төр хийж ханалаа шүү дээ. Амжилт хүсья

Avatar

Зочин 2020-07-23 66.181.183.46

Ийм мэдээлэл маш хэрэгтэй шүү иргэдэд. Энэ талаараа манай улс сайн ажиллаж байна.Дандаа өөрсдийгөө муулж, харлуулдгаа боль.

Avatar

Иргэн 2020-07-23 66.181.161.56

Хүнд болон эмчдээ итгэж чадахгүй бол өөрсдөө эмчдээ.чадахгүй үхэх болхоор эмч шиг хэрэгтэй юм байхгүй болдог.авдраар дүүрэн алт байгаад яах юм.өвдөөд үхэх болвол тэрийгээ аваад үхэхгүй.энэ гүндалай гэж тэнэг юм ажилаа хийж байгаа эмчийн доромжлоод шёзонь хөдөлсөн солиороод байх юм.өөрөө тийн мундаг эмч бол өдийд олигтой юм бүтээгээд явах нь яасан балай вэ? Хүн ажилаа хийгээд улс орондоо халдвар таарахгүй байвал нямхүү эмчийн ажилын үр дүн.гүнбалай гадаадад авсангүй гээд уйлаад согтуураад байсан

Avatar

Зочин 2020-07-23 192.82.78.130

Odoo ene ** medeelelee bolioch.mongoloos oor orond iim medeeleliig odor jolhon hiideggui.poorchigoo odoo chi boli,z**l.

Avatar

Зочин 2020-07-23 103.229.122.58

yag edgesenuu

Avatar

Зочин 2020-07-23 66.181.186.213

Дэлхийд энэ халдвар нас баралт чинь улам нэмэгдээд байгаа харагдах юм манайх 9р сард тэр сургууль цэцэрлэг эхлүүлэх талаар бодоод ч хэрэггүй ЭМЯ эртхэн хүсэлт гаргана уу өөрсдөө шийднэ үү сургууль цэцэрлэгийг эхлүүлж болохгүй гэсэн шийдвэрийг хурдан эртхэн гаргаж мэдээлсэн нь дээр аюул улам л ойртоод нэмэгдээд байна юун хүүдийн боловсрол эрүүл тэсэж үлдвэл аз үглээ дүлгэнэсэн хөгийн байж болохгүй байх

Avatar

Ариунаа. 2020-07-23 103.212.118.69

Эдгэрлээ эмнэлэгээс гарлаа гэсэн хирнэ эдгэсэн хүн нь дахин ковидын халдвар бна гэх юм.нэг өвдөөд эдгэрсэн бол дархлаа тогтдог гээд яриад бгаагүй билүү..Тэр өөрөө өвдсөнөө мэдэлгүй эдгэрсэн гэж нэг монгол эмэгтэй шум үүсгээд бсан.Тэрэнтэй уулзаж юу идэж уусныг нь асууж эмчилгээндээ ашигламаар юмдаа..

NewsMN Гар утасны хувилбар Татах
NEWS.mn

Мэдээллийн эх сурвалж