Оросын "Газпром" компани Латвийн байгалийн хий дамжуулагч оператор компани болох Conexus Baltic Grid-д эзэмшиж байсан 34 хувиа зарлаа.

Хувьцааны наймааны хэлцэл оны эхээр эхэлсэн ч зарим нэг нөхцөлөөс шалтгаалан сунжирсны эцэст сая төлбөр нь хийгдсэн байна. “Газпром” 34 хувиа 77 сая еврогоор зарав.

“Газпром” компани 2017 онд Латвийн байгалийн хий дамжуулалтын монопол Latvijas Gaze компанид бүтцийн өөрчлөлт хийх үеэр Conexus Baltic Grid-ийн 34 хувийг худалдан авсан юм. Гэвч Европын холбооны Эрчим хүчний III багц баримтад тусгасан байгалийн хий олборлогч компани байгалийн хий дамжуулан түгээгч компанийн хувьцааг эзэмших эрхгүй гэсэн заалтын дагуу ийнхүү “Газпром” хувиа зарах шаардлагатай болсон ажээ.

Эх сурвалж: РИА НОВОСТИ