ЯАРААД ЯАХАВ ДЭЭ: Осол 59 хувиар буурчээ | News.MN

ЯАРААД ЯАХАВ ДЭЭ: Осол 59 хувиар буурчээ

ЯАРААД ЯАХАВ ДЭЭ: Осол 59 хувиар буурчээ

ЯАРААД ЯАХАВ ДЭЭ: Осол 59 хувиар буурчээ

Хөдөө орон нутгийг чиглэсэн тээврийн хэрэгслийн хөдөлгөөн нэмэгдэхийн хэрээр авто ослууд ч шил шилээ даран гарсаар байна. Энэ оны эхний хагас жилийн байдлаар зам тээврийн ослын улмаас 118 хүн нас барж, 338 хүн гэмтжээ. Ослын улмаас амь насаа алдах тохиолдол  аялал зугаалгын улиралд нэмэгддэг гэж Тээврийн цагдаагийн алба мэдээлэв. Тус алба нь Цагдаагийн ерөнхий газар /ЦЕГ/-тай хамтран “ЯАРААД ЯАХАВ ДЭЭ” аяныг хэрэгжүүлснээс хойш зам тээврийн осол, зөрчил 59 хувь буурчээ. Зам тээврийн ослоос урьдчилан сэргийлэх зорилготой уг аян хоёр дахь жилдээ хэрэгжиж буй.

Энэ сарын 1-ны өдрөөс эхэлсэн аяны хүрээнд ослын хар цэгүүдэд хяналт тавьж байгаа юм.Мөн аяны өдөрлөг  Төв аймгийн Сэргэлэн сумын нутагт өнөөдөр /2020.07.22/ боллоо. Өдөрлөгт олны танил эрхэмүүд залуус оролцон“ЯАРААД ЯАХАВ ДЭЭ” аянд нэгдэж буйгаа илэрхийллээ. Залуусын төлөөлөл орон нутгийн замд зорчиж буй жолооч нарт зорьсон газраа яаралгүй хүрч, аян замдаа хурд хэтрүүлэлгүй өөрийгөө  болон бусдыг хүндлэхийг уриалав.

ЖОЛООЧ НАР ӨӨРТӨӨ БОЛОН БУСДАДАА ХАЙРТАЙ БАЙГААСАЙ

 “Эмоушн” хамтлагийн дуучин Ц.САРНАЙ: 

Манай гэр бүлийн зүгээс иргэний үүргээ хүлээж “ЯАРААД ЯАХАВ ДЭЭ” аянд нэгдсэнээрээ нийгэмд дуу хоолойгоо хүргэж байгаадаа баяртай байна. Ялангуяа зам тээврийн ослоос урьдчилан сэргийлж бусдыгаа хүндэлж хайрлаж замын хөдөлгөөнд оролцоосой гэж жолооч нартаа уриалъя. Хэрэв та аян замд гарах гэж байгаа бол тээврийн хэрэгслийн аюулгүй байдлаа маш сайн шалгаарай. Замын хөдөлгөөнд оролцохдоо хурдаа хасч, бусдыгаа хүндлэх хэрэгтэй. Согтууруулах ундаа хэрэглэсэн үедээ битгий жолоо бариарай. Хэт их ядарсан бол жолоо барихаас татгалзаарай. Өөрөөс шалтгаалдаг анхаарах ёстой зүйлсээ анхаарах нь тийм ч хэцүү зүйл биш.

Харамсалтай нь нэг хүний хариуцлагагүй үйлдлээс болж бусад нь хохирч байгаа эмгэнэлт явдлууд гарсаар байна. Энэ жилийн баяр наадмаар иргэдийн замын хөдөлгөөнд оролцсон дүр зураг, орон нутагт гарсан зам тээврийн ослуудыг харахад  сэтгэлээр унаж сөхөрч унамаар байна.

Тиймээс жолооч нар өөртөө болон бусдадаа хайртай байгаасай. Өөртөө хайртай хүн бие биенээ хайрлана. Иймд “яараад яах вэ дээ” залуусаа.

МОНГОЛЧУУД МИНЬ “ЯАРААД ЯАХ ВЭ ДЭЭ”

 “Никитон” хамтлагийн даралтат хөгжимчин  Б.ЧИНБАТ: 

“Яараад яах вэ дээ” аянд хоёр дахь жилдээ оролцож  дуу хоолойгоо хүргэж байна. Өнгөрсөн жилийн аянд “Никитон” хамтлагт нэгдэж байлаа. Энэ жил манай гэр бүл нэгдэж жолооч нартаа замын хөдөлгөөнд оролцохдоо бие биенээ хүндэлж хайрлаж зөв соёлтой оролцохыг уриалж байна. Энэхүү аянд цаашид ч оролцох болно. Миний хувьд 1991 оны жолооч, аль болох хурдаа тохируулж замын хөдөлгөөнд оролцдог ч надаас шалтгаалахгүй хүчин зүйлс өдөр тутамд тулгарна. Тиймээс монголчууд минь “яараад яах вэ дээ” гэж уриалъя гэлээ.

Судалгаанаас үзэхэд орон нутгийн замд нийт ослын 70 хувь нь зуны гурван сард гардаг аж. Иймд жолооч нар орон нутгийн замд гарахдаа тээврийн хэрэгслийнхээ аюулгүй байдлыг шалгаж, хурдаа тохируулан замын хөдөлгөөнд оролцохыг цагдаагийн байгууллагаас анхааруулав.

Б.ЦЭЦЭГ

Энэ мэдээнд өгөх таны сэтгэгдэл?
2
ЗөвЗөв
2
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

10 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-07-22 66.181.181.22

Оюу толгой санхүүжүүлж хэрэгжүүлж байгаа хөтөлбөр. Шинэ маркетинг, менежментээр хэрэгжүүлж байгаа хөтөлбөр амжилттай болж байгаад баяртай байна. Дараа жил бүр багасгаарай. Тэрний дараа жил гэхэд аятайхан болчихно оо. Монголчууд бид юмыг амархан сурдаг, санаж сэрдэг ард түмэн шүү. Өмнө нь ямар аймаар байсныг төсөөлөх ч арга алга.

Avatar

Сэгсгэр Ганбаа 2020-07-22 182.160.32.28

Чинбат гэж нэг эр эм нь мэдэгдэхгүй г*** юм наад хар негртэйгээ нийлээд далдраач ээ.

Avatar

хүннү 2020-07-22 202.179.27.36

Чи юунд нь атаархаад байгаа юм. Чамайг бодвод монголчуудад хэрэгтэй хүмүүс, нэртэй ч хүмүүс…

Avatar

kk 2020-07-22 202.9.46.144

Chinba chin aya zohiogch Angirmatai yasn adilhn ym be

Avatar

Зочин 2020-07-22 202.21.112.4

яг элбэгдорж л харагдаад байгаа юм даа

Avatar

Зочин 2020-07-22 122.201.22.160

Наадмын хэдэн өдөр 20-30-аараа үхчихээд 60 хувь буурсан гэнэ үү? өмнө нь 50-60 хүн үхдэг байсан болж байна уу. жаахан логиктой юм бичвэл яасан бэ, сэтгүүлч ээ

Avatar

Зочин 2020-07-22 182.160.1.165

Больж үз. Харин ч эсрэгээрээ, 59 хувь ихэссэн.

Avatar

zochin 2020-07-22 202.179.24.96

BOLJ BNA BI YAARACHGUI EE

Avatar

Зочин 2020-07-22 202.21.97.30

ТАТВАРЫНХАН ЭНЭ ЯАРААД ЯАХАВ ДЭЭ ГЭДГИЙГ ХЭРЭГЖҮҮЛЭЭСЭЙ ТЭЭ

Avatar

yu ve 2020-07-22 202.9.46.144

2 amitan ch ym shig

NewsMN Гар утасны хувилбар Татах
NEWS.mn

Мэдээллийн эх сурвалж