Авлигачдыг барьдаг ч шүүх илдэг | News.MN

Авлигачдыг барьдаг ч шүүх илдэг

Авлигачдыг барьдаг ч шүүх илдэг

Авлигачдыг барьдаг ч шүүх илдэг

Авлигатай тэмцэх газар/АТГ/-ын мөрдөгчид гутлынхаа улыг эргэтэл явж, авлигачдыг барьдаг ч шүүгчид толгойг нь илээд явуулдаг тухай яриа оргүй биш болохыг Хятад иргэнээс 24 сая төгрөгийн хахууль авчихаад торгуулсан Э.Оргил-Эрдэнэ сонгодог жишээ нь болов.

Тэрбээр Зам тээврийн хөгжлийн яамны Авто замын бодлогын хэрэгжилтийг зохицуулах газрын даргаар ажиллаж байхдаа Дархан-Улаанбаатар чиглэлийн авто замыг барих гүйцэтгэгчээр шалгарсан Хятадын хөрөнгө оруулалттай компаниас 24 сая төгрөгийн хахууль авч байхдаа АТГ-ынханд баригдсан.

Хэргийг өчигдөр /2020.07.21/ Нийслэлийн Сүхбаатар дүүргийн Эрүүгийн хэргийн анхан шатны шүүхээр хэлэлцээд Х.Оргил-Эрдэнэд долоон сая төгрөгийн торгууль ногдуулж, нийтийн албанд ажиллах эрхийг таван жилээр хассан нь шүүмжлэл дагуулж эхэллээ. “24 сая төгрөгийн хахууль авчихаад долоон сая төгрөгөөр торгуулах нь 17 сая төгрөгийн цэвэр ашигтай ажилласан гэсэн үг” хэмээн үзэж байна.

Хоёр жилийн өмнө Мэргэжлийн хяналтын ерөнхий газрын Хил хорио цээрийн хэлтсийн дарга асан Н.Баярсайхан бизнес эрхлэгчээс авсан авлигын 10 мянган ам.доллараа оймсондоо нуусан бичлэг цацагдаж, Ерөнхий сайд У.Хүрэлсүхээс эхлээд олон хүн нүүр хийх газаргүй болж, шоолуулж байв.

Гэвч шүүхээр энэ хэрэг дэнслэгдэхэд хэргийг хөөн хэлэлцэх хугацаа нь дууссан үндэслэлээр хэргийн эзэд нь торгуулиад л өнгөрсөн.

Шийдвэр зөөлдсөн асуудлыг шүүхийнхэн “УИХ-аас баталсан Эрүүгийн хуульд нэмэлт өөрчлөлт оруулах тухай хуулийн хүрээнд хэрэг хөөн хэлэлцэх хугацааг бууруулсан нь авлигачдад хариуцлага тооцох боломжгүй болгож байна” хэмээн тайлбарласан. Харин одоо ямар тайлбар хийх вэ гэдэг бас л сонин.

Учир юу вэ гэвэл  дээрх дуулианаас үүдэлтэйгээр УИХ дотор хэрэг хөөн хэлэлцэх хугацааг бууруулсан буруутныг хайж эхлэхэд МАН-ын бүлгийн гишүүд болох Х.Нямбаатар, Ш.Раднаасэд нарын дунд “Чи хэрэг хөөн хэлэлцэх хугацааг бууруулсан” гэдэг хэл ам дэгдэж, эцэс сүүлдээ эзэнгүйдэхэд, ичсэн нүүрэндээ Хууль зүй, дотоод хэргийн сайдаар ажиллаж байсан Ц.Нямдорж Эрүүгийн хуульд өөрчлөлт оруулах хүрээнд тэрхүү “цоорхой”-г асуудалгүй болгосон гэж тайлбарласан ч нэмэр болсонгүй юу, эсвэл шүүх нь ажиллаад байна уу. 24 сая төгрөгийн хахууль авсан этгээд торгууль төлөөд сугараад үлдэв.

Г.ХОРОЛ

Энэ мэдээнд өгөх таны сэтгэгдэл?
5
ХахаХаха
3
ХарамсалтайХарамсалтай
1
ЗөвЗөв
1
ТэнэглэлТэнэглэл
1
БурууБуруу
0
ХөөрхөнХөөрхөн
0
ГайхмаарГайхмаар
Баярлалаа!

11 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-07-22 202.126.89.121

Ганцхан жишээ нь энэ. Оирлолдоод байдаг иргэний нийгмийнхэн хаачив

Avatar

Зочин 2020-07-22 66.181.180.54

Авах гээхийн ухаанаар

Avatar

Зочин 2020-07-22 203.91.112.146

Монголд хууль зүйн байгууллагууд тогтолцоогоороо ялзарч өөрсдөө авилгад идэгдэж
Адагийн муу цагдаагаасаа эхлээд бүгд захиалгаар ажиллаж авилгалаар амьдардаг болсон
Хууль сахиулахын нэртэй дээр үеийн цэргийн сургуулиас нь эхлээд бүгдийг нь 100 хувь өөрчилж шинчлэж байж энэ тогтолцоо эрүүлжих учиртай
Эргүү шинэ сайд би юу ч өөрчилгүй гэж хуцаж байналээ тэгэхээр энэ дөрвөн жил хуулийн байгуулагууд улам ялзарч монголд шударга ёс үгүй болж дарангуйлалын авилгажсан тотолцоо улам батжиана

Avatar

Зочин 2020-07-22 103.26.193.177

archaagui pizdal minee oorigo zahiry cahdahgui baiy busdiga bitgii zahirah geed uulaad mailaad htsaad baigal daa.

Avatar

Зочин 2020-07-22 103.50.206.40

Энэ ямар пялдаг гар вэ. Дэмжээрэй найзуудаа ч гэх шиг.

Avatar

Зочин 2020-07-22 59.153.85.93

Манай МАН ийм мундаг.Авилагчидыг бариад та нарт харуулаад үзүүлээд байгаа юм бишүү.Хөөн хэлэлцэх хугацааг өшөө ч багасгах хэрэгтэй юм байна гэж манай нам үзэж байгаа.Авилагчид өөрсдөө эртхэн илэрээд ялгүй болж салах нь ард түмэнд ил тод болж төрийн алба цэвэрлэгдэх юм шүү дэ.МАН ыг дэмжээрэй найзуудаа.

Avatar

зочин 2020-07-22 203.91.115.44

Азтай залуу юм аа торгуулиад өнгөрдөг одоо урьд баригдалгүй авлигаар авсан мөнгөөрөө сайхан амьдрах байлгүй дээ

Avatar

ЗОЧИН 2020-07-22 66.181.161.43

Гардуулсан 1 нь ялгүй мултарч байхад яагаа ч үгүй 1 нь ял аваад яацарсан шүүх вэ

Avatar

Хуульч 2020-07-22 66.181.161.103

Сэтгүүлч ажлаа сайн хийж, мэдээллээ зөв ав. Авлигын 24 саяыг нь хурааж, 7 саяар торгож байгаа.

Avatar

Зочин 2020-07-22 66.181.161.105

Энэ нөхрөөс өмнө энэ яамны маш том авилга авсан Доржханд авгайг яаж шүүсэн, хэдэн жил авсан бэ?

Avatar

Зочин 2020-07-22 192.82.71.8

Монголын хууль зүйн байгууллага хувьцаат компани болоод удаж байгаа. Болж өгвөл тэдний гарт орчихолгүйхэн шиг явахсан. Харамсалтай нь мөрөөрөө явж байгаад хэн нэгэн арын хаалгатай, бүдүүлэг этгээдийн золиос болох энүүхэнд. Яажшуу амьд явдаг юм бэ, мэдэхгүй ээ.

NewsMN Гар утасны хувилбар Татах
NEWS.mn

Мэдээллийн эх сурвалж