Хүний эрх зөрчсөн хэмээн Чечений удирдагчийн гэр бүлийг АНУ хар жагсаалтдаа нэмлээ | News.MN

Хүний эрх зөрчсөн хэмээн Чечений удирдагчийн гэр бүлийг АНУ хар жагсаалтдаа нэмлээ

Хүний эрх зөрчсөн хэмээн Чечений удирдагчийн гэр бүлийг АНУ хар жагсаалтдаа нэмлээ

Хүний эрх зөрчсөн хэмээн Чечений удирдагчийн гэр бүлийг АНУ хар жагсаалтдаа нэмлээ

Вашингтон Чечений удирдагч Рамзан Кадыров болон түүний эхнэр, охидыг хэд хэдэн удаа хүний эрхийг ноцтой зөрчсөн хэмээн хориг тавьж, хар жагсаалтдаа нэмжээ.

АНУ-ын Төрийн нарийн бичгийн дарга Майк Помпео өчигдөр/2020.07.20/ Кадыров болон түүний гэр бүлийг АНУ-д нэвтрэхийг хориглосон хэмээн мэдэгдсэн байна. Мөн тэрбээр Чечений удирдагч арван хэдэн жилийн өмнөөс шүүхийн шийдвэргүй цааз зэрэг хүний эрхийг ноцтой зөрчсөн хэд хэдэн хэргийн ард буй талаар баттай мэдээлэл бий хэмээн ярьжээ.

Помпео энэ талаар цааш нь нарийн ширийнийг хэлээгүй ч Чеченд ЛБГТИК+ хүмүүсийн эрхийг байж боломгүйгээр зөрчиж байгааг дурьджээ. Харин Чечен үүнийг тууштай үгүйсгэж буй.

Мэдэгдэлд мөн “Бид Кадыров өдгөө коронавирусийн цар тахлыг ашиглан хүний эрхийг зөрчих үйлдлүүдээ улам ихэсгэж байгааг олж мэдсэн. Ийнхүү хориг тавьж байгаагаараа Кадыровт хүний эрхийг аймшигтайгаар зөрчиж байгаа нь эргээд өөрийх нь болон гэр бүлийх нь хувьд аюултай үйлдэл гэдгийг сануулахыг хүсч байна. Мөн Вашингтон хүний эрхийг зөрчсөн бүх хэргийн хариуцлагыг хүлээлгэхийн тулд боломжит бүх аргыг хэрэглэнэ” хэмээн ярьсан аж.

АНУ-ын эрх баригчид Кадыров болон түүний эхнэр Медни, том охид болох Айшат, Карина нарт ийнхүү хориг тавихдаа хугацаа заасангүй.

Харин хариуд нь Кадыров цахим хуудаснаа “Помпео, бид тулалдахад бэлэн. Үнэхээр сонирхолтой байх болно гэдэгт итгэлтэй байна” хэмээх тайлбартай, зэвсгийн агуулах дотор хоёр автомат хүнд буу барин зогсож буй зургаа нийтэлжээ.

Вашингтон ийнхүү Кадыровт хориг тавьж буй нь анхны удаа биш билээ. Тухайлбал 2017 онд АНУ-ын Сангийн яам Кадыровт эдийн засгийн хориг тавьсан юм. Харин жилийн дараа Кадыров АНУ-д хандан “Чечен дэх хүний эрхийн байдал АНУ-ынхаас хамаагүй дээр. Чеченд хүн амь, хулгай, дээрэм, хүчин, хүчирхийлэл, танхай зэрэг гудамжны гэмт хэргийн тоо маш багаас гадна үндэстэн, шашнаар ялгаварлан гадуурхах үзэл байдаггүй” хэмээн хэлж байжээ.

Эх сурвалж: RT.COM

Энэ мэдээнд өгөх таны сэтгэгдэл?
6
ЗөвЗөв
3
ХахаХаха
1
ТэнэглэлТэнэглэл
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-07-21 202.21.109.54

Путин энэ хүнээ хүмүүжүүлээчээ. ОХУ-ын нэг субьектийн албан ёсны удирдагч хүн гэхэд ямарч дипломат соёл байхгүй юм.

Avatar

Путин цаанаас нь 2020-07-21 103.229.121.148

Путин цаанаас нь хатгаад байгаа юм чинь. Тэгээд ч яг хүний эрхийн талаар Путин энэ хүнээсээ илүү гарах юм байхгүй.

Avatar

Olon ulsiin huulich 2020-07-21 74.105.51.49

Orosiin shadar said baisan reformist Nemtsoviig checheneer aluulsaiig sanatsgaaya. Ene yanzaaraa bol udahgui Mongold ch hunii ergiig zurchij helmegduulel yavuulj baigaa uls turch udirdagchdiin asuudal uusehiig ugui geh gazargui bolj baina shuu !

Avatar

Ovgon 2020-07-21 202.55.188.86

hoorhii chechenio ard tumnees uravsan vladolf putleriin buunii nohoi undesnii hog shaaar gej ene de, putleriig iim l alia sabadai deeremchid toiron hureeldeg yum da. Ichmeerch yum da kkkk.

Avatar

anthony 2020-07-21 210.160.37.27

Jijig uls ornuud, jijig bie tei humuus tei ih tustei yum aa. Hooson ambiits, bolovsrol bhgui, bolhi bodoltoi. Hog. Hairan ard tumen

Avatar

Зочин 2020-07-21 103.229.122.71

Жонхуй ч гэсэн тун удахгүй энэ жагсаалтад орох байх даа.

NewsMN Гар утасны хувилбар Татах
NEWS.mn

Мэдээллийн эх сурвалж