Телевизийн шууд нэвтрүүлгийн үеэр ямар нэгэн алдаа дутагдал гаргавал засч, янзлах боломжгүй байдаг. Гэсэн ч урьдчилан таамаглахын аргагүй гэнэтийн зүйлс тохиолддог. Саяхан Украины нэгэн телевизийн нэвтрүүлэгчид шууд дамжуулалтын үеэр хүндхэн явдал тохиолдсоныг хэвлэлүүд онцолжээ.

Маричко Падалко гэх энэ бүсгүй 1+1 телевизийн нэвтрүүлэгч бөгөөд амралтын өдрийн дугаараар мэдээ уншиж байхад нь түүний үүдэн шүд нь гэнэт унасан байна.

Гэсэн хэдий ч тэр жинхэнэ мэргэжлийн хүний ур чадвар гаргаж, юу ч болоогүй мэт унасан шүдээ гараараа авч, мэдээгээ үргэлжлүүлэн уншсаар шууд нэвтрүүлгээ дуусгасан байна. Хэчнээн хичээсэн ч гярхай үзэгчдийг тэр дөнгөж чадсангүй. Цахим сүлжээнд түүний талаар хүмүүс ам уралдан ярьж эхлэв. Маричко ч болсон явдлын талаар өөрийн инстаграмдаа тайлбарлан бичжээ. Тэрбээр “Үнэнийг хэлэхэд хүмүүс миний гаргасан алдааг анзаарахгүй байх гэж бодсон. Гэхдээ би үзэгчдийг дутуу үнэлжээ” гээд арваад жилийн өмнө охин нь төмөр сэрүүлэгтэй цагаар тоглож байгаад шүдэн дээр нь унагааснаас болж үүдэн шүдээ хугалж, хиймэл шүд хийлгэсэн тухайгаа тайлбарласан байна. Эцэст нь тэрбээр “Ямар ч нөхцөлд тайван байгаарай. Маргааш өглөө дахин уулзъя” хэмээн бичжээ.

Эх срувалж: BBC