Наадмын өдрүүдэд Улаанбаатар хотоос 231 мянга орчим тээврийн хэрэгсэл орон нутгийг зорьсон талаар өмнө нь мэдээлсэн. Энэ нь өмнөх оны мөн үeтэй харьцуулахад хоёр дахин өссөн үзүүлэлт юм. Дээрх тээврийн хэрэгслийн хөдөлгөөн буцаад нийслэл рүү чиглэж эхэлсэн тул хөдөлгөөний аюулгүй байдлыг хангах, тарваган тахал өвчнөөс урьдчилан сэргийлэх зорилгоор Нийслэлийн онцгой комиссын даргын тушаалаар Улаанбаатар хотыг тойрсон шалган нэвтрүүлэх товчооноос гадна нэмэлтээр зургаан цэгт шалгалт явуулж байна. Тухайлбал, Багахангай дүүргийн автотээврийн шалган нэвтрүүлэх товчоо, Налайх дүүргийн дөрөвдүгээр зөрлөг, Тэрэлжийн уулзвар, Баянзүрх дүүрэг Хонхор, Хан-Уул дүүрэг Кувейтийн уулзвар, Сонгинохайрхан дүүрэг Эмээлтийн /Шар хөтөл/-ийн авто тээврийн шалган нэвтрүүлэх товчоодод Онцгой байдлын газартай хамтарсан хяналт шалгалтын постыг 24 цагаар ажиллуулж байна.