НӨАТ-ын урамшууллын энэ сарын сугалааны тохирол  маргааш болж, супер азтанаа тодруулна. Энэ удаагийн тохирлын супер шагнал 30 сая төгрөг ба "Боловсрол" телевизээр нэвтрүүлгийг шууд дамжуулна.

Иргэд өнөө орой 23:59 цагаас өмнө зургадугаар сарын 1-30-н хүртэлх хугацаанд худалдан авалт хийсэн цахим төлбөрийн баримтаа бүртгүүлэхийг  Татварын ерөнхий газраас зөвлөв.

Сануулахад, өнгөрсөн тавдугаар сарын НӨАТ-ын урамшууллын азтанаар дараах хүмүүс тодорч байв. Үүнд:

• 30 мянган төгрөгийн азтан 28,527
• 100 мянган төгрөгийн азтан 2,859
• Нэг сая төгрөгийн азтан 277
• Гурван сая төгрөгийн азтан 25
• Таван сая төгрөгийн  азтан 5 шалгарсан бол 30 сая төгрөгийн азтан шалгарсангүй.
• Супер шагналын тохирлын дугаар 48430530 байсан бөгөөд энэ удаагийн тохирлоор супер азтан тодорч чадаагүй юм. Супер шагнал 50 сая төгрөг байв.

Б.ЦЭЦЭГ