Шадар сайд наадмын түрүү бөхөд шагнал гардууллаа | News.MN

Шадар сайд наадмын түрүү бөхөд шагнал гардууллаа

Шадар сайд наадмын түрүү бөхөд шагнал гардууллаа

Шадар сайд наадмын түрүү бөхөд шагнал гардууллаа

Монгол Улсын Шадар сайд, Үндэсний их баяр наадмыг зохион байгуулах хорооны дарга Я.Содбаатар өнөөдөр Үндэсний их баяр наадамд түрүүлж, үзүүрлэн, шөвгөрсөн бөхчүүдэд бай шагнал гардуулж, чимэг олголоо. Тулгар төрийн 2229 жил, Их Монгол Улсын 814 жил, Ардын Хувьсгалын 99 жилийн ой, Үндэсний их баяр наадмын Үндэсний бөхийн барилдаанд ес даван түрүүлж, Улсын аварга цол хүртсэн Пүрэвийн Бүрэнтөгс, үзүүрлэсэн Намсрайжавын Батсуурь, их шөвөгт үлдэж Улсын заан цолоо баталсан Баатархүүгийн Пүрэвсайхан, шинээр Улсын заан цол хүртсэн Мягмарын Бадарч нарт бай шагнал гардуулж баяр хүргэсэн юм.

Түүнчлэн Үндэсний их баяр наадмын Үндэсний бөхийн барилдаанд найм даван үзүүрлэсэн Улсын аварга Намсрайжавын Батсуурьт "Тод сонин", долоо даван Улсын заан цолоо баталсан Баатархүүгийн Пүрэвсайханд "Саруул сайжрах", зургаа даван шөвгөрсөн Улсын арслан Рэнцэнбямбын Пүрэвдагвад "Үнэн зоригт", тав даван Улсын начин цолоо баталсан Баярсайханы Орхонбаярт "Өсөх идэр" чимэг тус тус олгосон үнэмлэхийг гардуулж баяр хүргэлээ.

Мөн Зохион байгуулах хорооны шийдвэрээр 2019 оны Үндэсний их баяр наадамд тав давсанд тооцон Улсын харцага Оргихын Хангайд "Өсөх идэр" чимэг олгосон үнэмлэхийг гардуулан чин сэтгэлийн талархал илэрхийлсэн юм.

Ирэх жил Ардын хувьсгалын 100 жил, тэгш ой тохиож байгаа. Ойг угтан бэлтгэл ажил хангах хүрээнд Шадар сайд Я.Содбаатар баяр наадам зохион байгуулах хороо болон үндэсний бөхийн салбар хороонд тодорхой үүрэг чиглэл өглөө. Тодруулбал баяр наадмын тухай хуулийг шинэчлэх чиглэл өгсөн юм. Ингэхдээ 1024 бөх барилдсан тохиолдолд ес давсан бөх Улсын арслан цолтой хэвээр үлдэх үү, аварга цол хүртэх үү зэрэг нарийн асуудлыг тодорхой тусгаж өгөхийг чиглэл болголоо гэж Монгол Улсын Шадар сайдын Ажлын албанаас мэдээллээ.

Энэ мэдээнд өгөх таны сэтгэгдэл?
3
ТэнэглэлТэнэглэл
1
ЗөвЗөв
1
ХөөрхөнХөөрхөн
0
ХахаХаха
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Ган үзэгтэн 2020-07-17 66.181.182.9

Бөхөд бай шагнал өгөхийг зөв гэж боддог. Ер нь ямар ч үр дүнд хүрэхийн тулд хүнээс хичээл зүтгэл, шаргуу хөдөлмөр шаарддаг. Тиймээс бөхчүүдээ шагнаж урамшуулах нь зөв өө

Avatar

Zochin123 2020-07-17 122.201.21.135

Turuulsen buhchuuded shagnaliig n uguh n zuv shde . Bas l hulsuu ursgaj mahaa idej bj turuulj bgaa.

Avatar

ы 2020-07-17 202.126.92.99

бөхийн эрэмбэ хэзээ гарах уу. Пүрэвсайхан заа Жаргалбаярын дээр эрэмбэлэгдэх үү

Avatar

Зочин 2020-07-17 124.158.107.35

бэлэн мөнгө өгч болохгүйшд ямар казинод байгаа биш, татвараа хасаад батламж өгөх хэрэгтэй тэнэг улсууд юмаа

Avatar

Зочин 2020-07-17 203.91.115.50

Ene neg heden yumnuudad yaasan ch ih yum ugdug yum? Nuguuduul ni avaad l bhaas ugnu gj medehgui yaasan ch sanaa zovdogguin… manai tur zasag heden teneg buhchuuded heden sayaar ni yaasan ch ih ugdug, yaasan ch ih mungutein… tsaana ni uyer bolood idej uusan zam ni nuraad hun uheed bdag… oor hiih ajil oldohgui bnuu shadar said guai?

NewsMN Гар утасны хувилбар Татах
NEWS.mn

Мэдээллийн эх сурвалж