Хотын аж ахуйн нэгж байгууллага, оршин суугчдын анхааралд! | News.MN - Мэдээллийн эх сурвалж

Хотын аж ахуйн нэгж байгууллага, оршин суугчдын анхааралд!

Хуучирсан мэдээ: 2016.01.14-нд нийтлэгдсэн

Хотын аж ахуйн нэгж байгууллага, оршин суугчдын анхааралд!

Нийслэл Улаанбаатар хотын хэмжээнд сүүлийн жилүүдтэй харьцуулахад цас ихээр орж, хүйтний эрч чангарч байгаагаас шалтгаалан инженер хангамжийн байгууллагууд өвлийн оргил ачаалалд ажиллаж байна. Тиймээс хэрэглэгчид:

  • Цахилгаан, дулаан, усан хангамж, ариутгах татуургын инженерийн шугам сүлжээнүүдэд мөрдөж байгаа горим ажиллагааг тогтвортой хангах

  • Дур мэдэн өөрийн эзэмшлийн шугам тоноглолд үйлдэл хийж горим ажиллагаанд нөлөөлөхгүй байх, гэмтэл саатал гаргахгүй байх нөхцөл бололцоог хангаж байнгын хяналт тавьж ажиллах

  • Гэмтэл саатал гарсан нөхцөлд холбогдох байгууллагуудад шуурхай мэдэгдэж мэргэжил арга зүйн туслалцаа авч тэдний хяналтан дор залгалт таслалт, засварлах ажлуудыг гүйцэтгэх

  • Нийтийн эзэмшлийн талбайд зөвшөөрөлгүй газар шорооны ажил гүйцэтгэж инженерийн шугам сүлжээнд гэмтэл учруулахгүй байх

  • Ус, дулаан, цахилгаан эрчим хүчийг үр ашигтай хэмнэлттэй зарцуулахыг уриалж байна.

Таны дур мэдэн зөвшөөрөлгүй хийсэн нэг үйлдэл инженерийн шугам сүлжээний горим ажиллагаанд нөлөөлж өөрсдийгөө болон бусад хэрэглэгчдийг эрсдэлд оруулж болзошгүйг анхаарна уу. Түүнчлэн өдөр тутам гулгаа үүсч байгааг анхаарч автомашин хэрэглэгчид хурдаа тохируулж, аж ахуйн нэгжүүд орчныхоо 50 м газрыг тогтмол цэвэрлэхийг анхааруулж, автомашинаа асаахдаа гал алдаж эд хөрөнгөөрөө хохирохгүй байхыг нийт иргэдэд сэрэмжлүүлж байна.

ЭХ СУРВАЛЖ: УЛААНБААТАР ХОТЫН ЗАХИРАГЧИЙН АЖЛЫН АЛБА

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

asd 2016-01-14 59.153.112.129

Bat uul ahaa yaj us dulaanaa ur ashigtai zartsuulah ve ?