Коронавирусийн цар тахалтай энэ үед Өмнөд Солонгосын алдарт жүжигчин Хён Бин киноны зураг авалтаар Йордан улсыг зорьжээ. Хён Бин болон бусад жүжигчид, кино багийнхан чартер нислэгээр Йорданд очсон байна. Тэд шинжилгээнд хамрагдаж, найм хоног тусгаарлагдсаны дараа кино зураг авалтаа эхлүүлжээ. Хён Бин хэзээ буцаж Сөүлд ирэх нь тодорхойгүй байгаа ч Йорданы Засгийн газраас хоёр сарын хугацаанд зураг авах зөвшөөрөл өгчээ.

“Хэлэлцээр” триллер киноны зураг авалтыг өнгөрсөн гуравдугаар сард Ойрхи-Дорнодод очиж хийхээр төлөвлөж байсан ч коронавирусийн халдвараас болж хойшилсон аж. Өмнөд Солонгост халдварын тархалт өнгөрсөн гуравдугаар сард өндөр байснаас Йордан нь тус улсын иргэдийг хил нэвтрүүлэхийг хориглосон байв.

“Хэлэлцээр” кинонд Хён Бин нь Үндэсний тагнуулын агентлагийн ажилтны дүрийг бүтээж, Ойрхи-Дорнодод барьцаалагдсан иргэдийг суллахыг хичээж буйгаар үйл явдал өрнөх гэнэ.

Хён Бин нь өнгөрсөн онд жүжигчин Сон Е Жиний хамтаар Монгол Улсад кино зураг авалтаар ирсэн билээ. Тэдний тоглосон “Чам дээр буух ослын буулт” цуврал үзэгчдээс өндөр үнэлгээ авсан.

Эх сурвалж: The Korea Times