Хүнд суртал баяртай | News.MN - Мэдээллийн эх сурвалж

Хуучирсан мэдээ: 2016.01.13-нд нийтлэгдсэн

Хүнд суртал баяртай

Улаанбаатар хотод өнөөдөр нэг сая иргэн аж төрж буй нь хүн амын гуравны нэг нь нийслэлд төвлөрсөн гэсэн үг. Хүн ам төвлөрсний хэрээр зарим төрийн үйлчилгээ авахад хүндрэл чирэгдэл үүсэх тохиолдол бий. Нийслэлийн нутгийн захиргааны байгууллагууд хүнд суртлыг халах зорилгоор Улаанбаатар хотын гурван цэгт “Төрийн үйлчилгээний супер маркет” ажиллуулж эхэлснээр нэг удаад 180, өдөрт 2400-4320 үйлчлүүлэгч хүлээн авч үйлчлэх боломжтой болжээ. Олзуурхууштай нь дээрх үйлчилгээгээр дамжуулж иргэд 223 нэр төрлийн үйлчилгээг нэг дор авахын зэрэгцээ 55 үйлчилгээг шууд шийдүүлэх юм байна.

Ажлаасаа чөлөн аван байж асуудлаа шийдүүлэхээр зорьж очиход нэг бол тухайн асуудлыг хариуцсан мэргэжилтэн нь байхгүй, эсвэл “Бид мэдэхгүй, даргаас асууна” гэхчлэн хойш нь тавих. Эсвэл нэг ажил хөөцөлдөхийн тулд олон газрын хаалга татах хэрэгтэй болж, даргын үүд сахин суух нь ч энүүхэнд. Зарим тохиолдолд төрийн үйлчилгээ авах биш элдвээр хэлүүлэн ажлаа ч бүтээсэн юмгүй гардаг. Одоо энэ талын хэл ам арилж, мөн даргын үүд ч сахих шаардлагагүй болж буй аж. Учир нь “Төрийн үйлчилгээний супер маркет” хамаг ажлыг таны өмнөөс гүйцэтгэх юм байна. Нөгөө талдаа энэ төвөөр орж ирээгүй өргөдлийг аль ч дарга шийдвэрлэхгүй. Хамаатан садан, танил тал татаж асуудлаа шийдвэрлүүлнэ гэх арын хаалга ч энэ үйлчилгээгээр дамжиж хаагджээ.

Хаягийг нь танд зааж өгье. Тодруулбал, Баянзүрх дүүрэгт “Дүнжингарав” худалдааны төвд “Төрийн үйлчилгээний супер маркет” нээгдсэн байгаа бол Хан-Уул дүүргийн “Мишээл экспо”, Сонгинохайрхан дүүргийн “Содон хороолол”-д тус бүр нээгдэх аж. “Төрийн үйлчилгээний супермаркет” ажлын өдрүүдэд 08.00-20.00 цаг хүртэл ажиллах бол бямба гаригт ч мөн ажиллах нь. Ажлын өдрүүдэд очиж амжихгүй бол амралтын бямба гаригт тааруулан очиход та олон төрлийн үйлчилгээг нэг дор авах нь.

Танд Архивын газар, Ерөнхий төлөвлөгөөний газар, Өмчийн харилцааны газар, Байгаль орчин ногоон хөгжлийн газар, Улсын бүртгэлийн газар зэрэг газруудаас үзүүлж байгаа үйлчилгээг харьяалал харгалзахгүйгээр авах боломжтойгоороо бас нэгэн давуу талыг бий болгожээ.

ТҮЦ машин ажиллах болсноор шөнийн 23.00 цагт иргэний үнэмлэхийн хуулбараас эхлээд гэрлэлтийн баталгаа зэрэг олон төрлийн үйлчилгээг авдаг болсон. Одоо харин үл хөдлөх хөрөнгө, архив гэхчлэн олон төрлийн үйлчилгээг “Төрийн үйлчилгээний супер маркет”-д хандсанаар авах боллоо.

Г.ДАРЬ

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2016-01-13 59.153.115.17

Ан хотын дарга сайн ажиллаж байгаа шүү

ах 2016-01-13 202.179.28.239

ЭНЭ РАВДАН ГЭЖ ЯМАР ХҮН БАЙДАГ БОЛ. ДАНДАА АТГАГ МУУ ЮМ БОДОЖ ХИЙСЭЭР БАЙГААД БӨГЖНИЙ ЭЗЭН ДЭЭР ГАРДАГ ШИГ. ЯААГАА ВЭ НЭГ ТИЙМ СЭЖГИЙН ЗАГАС ТҮҮХИЙГЭЭР НЬ ИДЭЭД БАЙДАГ. ХА ХА

Зочин 2016-01-13 172.101.82.153

Het hol, dunjingaraviig demjih bodlogo bna.

Zuraach, London 2016-01-13 86.145.231.110

Za, ene chini yostoi tom Xuwisgal baina daa! Bat-Vvliin bag vnexeer sain ajillaj baina. Aliin bolgon muulax we, odoo neg bayar xvrgechixeie!

Зочин 2016-01-13 103.26.193.218

СОНСОХОД ЧИХЭНД ЧИМЭГТЭЙ Л ЮМ

zochin 2016-01-13 83.76.211.182

Bolj dee.. neg ch gesen saixan medee sonsoxod uramtai baina.. baga bagaar ard tumniixee toloo ym xiij baigaad ni talarxal xurgie

Зочин 2016-01-13 103.9.90.194

Ашгүй дээ, сайхан санаа, сайн ажил байна. Баярлалаа

Зочин 2016-01-13 93.30.41.240

ASHGUI DEE. ARD TUMNEE BODSON BAS 1 AJIL NI BNA. AN-D BAYARLALAA. HAMAG AJLAA, HAIRAN ZAGAA BARIJ HEN NEGEN TENEG DARGA BOLON TANIL HARJ GUIKHGUI AMAR .

РАВДАН 2016-01-13 202.70.46.215

ХӨӨРХӨН ШҮҮ! РОМАНТИК ШҮҮ! АМИА Л БИТГИЙ ХОРЛОЧИХООРОЙ ДОО!