Халдварт өвчин судлалын үндэсний төвийн Яаралтай түргэн тусламжийн тасагт өнөөдөр /2020.07.11/ найман иргэн хандаж зөвлөгөө авчээ. Харин тус эмнэлгийн шуурхай албаны 100 дугаарт дуудлага ирээгүй байна.

Баяр наадмын өдрүүдэд эмнэлгийн ажилчид өндөржүүлсэн бэлэн байдалд ажиллаж байгаа юм. Одоогоор ХӨСҮТ-д нийт 222 хүн эмчлүүлж байгаагаас 27 нь коронавируст халдвараар өвчилсөн иргэд аж. Халдварын улмаас тусгаарлагдан эмчлүүлэгчдийн 24 нь биеийн байдал хэвийн байгаа бол гурав нь хүндэвтэр байна.

Б.ЦЭЦЭГ