Тесла компанийн гүйцэтгэх захирал Элон Маск нийт хөрөнгөөрөө Уоррен Баффетийг ардаа орхиж, дэлхийн хамгийн баян хүмүүсийн жагсаалтын долдугаарт бичигдлээ хэмээн Блүмберг мэдээлжээ.

Тесла компанийн хувьцаа 10.8 хувиар өсч, нэгж хувьцааны үнэ 1544 ам.доллар болсноор нийт үнэлгээ нь 286.5 тэрбум ам.долларт хүрчээ. Улмаар Маскын хөрөнгө өчигдөр/2020.07.10/ 6 тэрбум ам.доллараар нэмэгдсэн аж.

Маск компанийхаа 20.8 хувийн хувьцааг эзэмшдэг нь дангаараа 60 тэрбум ам.доллараар хэмжигдэх агаад хувийнх нь Space X болон газар доорх хонгил ухдаг компаниудых нь хөрөнгө асар ихээр хэмжигддэг билээ.

Харин Баффетийн хөрөнгө энэ долоо хоногт багассан нь Беркшайр Хатавэйн 3 тэрбум ам.доллартай тэнцэх хувьцааг буяны үйлст хандивласантай холбоотой аж. Энэ нь түүний ихэнх хөрөнгөө сайн дурын үйлст зарцуулах төлөвлөгөөний нэг хэсэг аж.

Өнгөрсөн нэг жилийн хугацаанд Тесла компанийн хувьцаа 500 гаруй хувиар өсч S&P 500-ийн бараг бүх компаний үнэлгээг давсан байна. Ялангуяа автомашин үйлдвэрлэлийн салбарт Тесла дэлхийн хамгийн үнэтэй компани болсон байна.

Энэ эрчээрээ хөрөнгө нь өсвөл Маск удахгүй дэлхийн хамгийн баян хүн болох Амазоны гүйцэтгэх захирал Жефф Безосын дээр гарч чадна хэмээн мэргэжилтнүүд таамаглаж байна.

Эх сурвалж: CNN.COM