"Эдүгээ бид ирээдүйд цэгнэгдэх түүхээ бүтээж буйгаа санацгаая" | News.MN

"Эдүгээ бид ирээдүйд цэгнэгдэх түүхээ бүтээж буйгаа санацгаая"

"Эдүгээ бид ирээдүйд цэгнэгдэх түүхээ бүтээж буйгаа санацгаая"

"Эдүгээ бид ирээдүйд цэгнэгдэх түүхээ бүтээж буйгаа санацгаая"

Тулгар төрийн 2229, Их Монгол Улс байгуулагдсаны 814, Ардын хувьсгалын 99 жилийн ой, Үндэсний их баяр Наадмын нээлт XIII зуун цогцолборт нээж, Монгол Улсын Ерөнхийлөгч Х.Баттулга үг хэллээ.

Монгол Улсын Ерөнхийлөгч Х.Баттулга хэлсэн үгэндээ:

“Хөх манхан тэнгэр, хөрст эх нутгаа эзэгнэнхэн заяасан миний эх орны ард иргэд ээ!

Он цагийн эрх, түүхэн хувь тохиолоор дэлхий даяхнаар тархан түгсэн элэг нэгт монгол угсаатнууд аа!

Монголчууд бид төрт ёсныхоо цэнгэлийн манлай – Үндэсний их баяр наадмаа эрх чөлөө, тусгаар тогтнол, эв нэгдэл, хүсэл мөрөөдөл, чин зориг, гүн бахархлынхаа бат илэрхийлэл болгож, үеэс үед өртөөлөн залгамжилж, эрхэмлэн сахисан өнө мөнхийн голомт нутагтаа ёслол төгөлдөр тэмдэглэх гэж байна.

Бидний ихэс дээдэс эртнээс нааш наран, саран, ариун галаа тахиж, Есөн хөлт Их Цагаан тугаа цэнгүүлж, эрийн гурван наадмаа хийдгээ эцэг мөнх тэнгэр, этүгэн эх газар, эрдэнэт их хүмүүний гурамсан их баяр цэнгэл гэж үзсээр ирсэн билээ.

Эрийн гурван наадам бол монгол угсаатны мянганаас мянганд улбаалсан нүүдэлчин соёлын цөм, түүх шастир, сүсэг бишрэл, ёс заншил, үндэсний сэтгэхүйн цогц, Монгол төрийн оршин тогтнохуйн оюун санааны дархлааны онцгой чухал хэсэг нь билээ.

Монгол наадам нь эх дэлхийгээ хайрлах хүмүүн байгалийн төгс зохирол, шүтэн барилдлага болохын хувьд хүн төрөлхтний иргэншил, соёлын оюун санааны үнэт өв хэмээн нэгэнт хүлээн зөвшөөрөгдсөн болохыг онцлон тэмдэглэхэд нэн таатай байна.

Монгол үндэстэн Төв Азийн өндөрлөгт налайх уудам тал нутагтаа зуун зуунаар аж төрж, дэлхийн соёл иргэншил, хүн төрөлхтний хөгжил дэвшлийн төлөвийг хоёр зууны турш тодорхойлсон гайхамшигт түүхтэй ард түмэн. Бидний өвөг дээдсийн оюун ухааны бяд, баларшгүй соёл, давтагдашгүй өв дэлхий даяар оршсоор байна.

Эдүгээ бид ирээдүйд цэгнэгдэх түүхээ бүтээж буйгаа бас санацгаая.

Дэлхий даяар бэрх цагийг туулж, түүнээс шалтгаалсан хүндрэл бэрхшээлийг даван гарах хүндхэн сорилттой нүүр тулцгаалаа. Тусгаар тогтносон, эрх чөлөөт, ардчилсан Монгол Улсын төр засаг ард олныхоо амь нас, ахуй амьдрал, эдийн засгийн тусгаар тогтнолыг хамгаалж, бэхжүүлэх тууштай бодлого хэрэгжүүлэн баталгаажуулахад цаг алдах ёсгүйг дэлхий нийтийн өнөөгийн төлөв байдал нотолж байна.

Монгол төрийн алтан босгыг давсан мөчөөс хувийн болоод харийн эрх ашиг, зуурдын санаархал өчүүхэн төдий ч байх ёсгүй. Үүнийг умартаж, хөсөрдүүлвээс төрийн хууль цааз, түмний итгэл найдвар, өнгөрсөн ба ирээдүй үе биднийг хэрхэвч өршөөхгүй.

Хурмаст тэнгэр хур бороогоо хайрлаж, газар дэлхий өнгө гэрлээ асааж, монгол хүн бүр уламжлалт соёл, үндэсний үнэт зүйлээ эрхэмлэн дээдэлж, шинэ цагийн хөгжил дэвшил, шинжлэх ухаан технологийн эрин үеийн ололттой хөл нийлүүлэн алхах сайхан цаг үе айлчлан ирээд байна. Энэхүү шинэ эриний босгон дээр монгол хүний эрдэм чадал, Монгол орны суу алдар дэлхий даяар дуурсах олон сайхан учир тохиол бүрдлээ.

Монгол төрийн их баяр цэнгэл наадамдаа эрэмгий хүчит бөхчүүдийн маань бяр мэх нь даацтай байж, эгэлгүй хийморьт хүлгийн хурд шандас нь эрчтэй байж, эрхий мэргэн харваачдын цэц мэргэ нь ончтой байх болтугай.

Мөнх тэнгэрийнхээ хүчин дор Монгол төр мөнхөд оршиж, монгол түмний маань хийморь заяаг ивээг.

Сайхан наадаарай” гэлээ.


Тулгар Төрийн 2229, Их Монгол Улс байгуулагдсаны 814, Ардын хувьсгалын 99 жилийн ой, Үндэсний их баяр Наадмын нээлт өнөөдөр /2020.07.11/ 11.00 цагт XIII зуун цогцолборт эхэллээ. Энэ жилийн Үндэсний их баяр наадам covid-19 вирусийн цар тахлын үед болж байгаа тул бөөгнөрөл үүсгэхгүй гэдэг үүднээс XIII зуун цогцолборт хийхээр болсон. Харин хурдан морьдын уралдаан уламжлал ёсоор Хүй долоо худагт болж байна. Энэ үеэр Улаанбаатар хотоос гарах хөдөлгөөнийг хаана. Харин Улаанбаатар руу орох хөдөлгөөн нээлттэй байх аж.

Covid-19 цар тахалтай холбоотойгоор баяр наадмын талбайд нийтэд үйлчлэх үйлчилгээ зохион байгуулагдахгүй.

Энэ жил бөхийн барилдаанд 800, шагай, сурын харваанд 1000 гаруй хүн оролцоно. Наадмын өдрүүдэд 13-р зуун, болон Хүй долоон худагт зөвхөн наадмыг зохион байгуулах комисс болон бөхчүүд, тамирчдыг нэвтрүүлэх аж. Үзэгчгүй наадам болох тул жирийн иргэд болон тээврийн хэрэгслийг дотогш нэвтрүүлэхгүй. Наадмыг зохион байгуулах талбайг тойроод цагдаагийн алба хаагчид бүрэн хамгаалалтдаа авч ажиллана.

Мөн Үндэсний их баяр наадмын нээлт, хаалтын үйл ажиллагаа, Үндэсний бөхийн барилдаан, хурдан морины уралдаан, сур болон шагайн харвааг радио, телевизээр болон цахимаар шууд дамжуулах юм. Мөн энэ жилийн наадмыг үзэгчгүй наадам гэхээсээ илүүтэй зайнаас хамгийн олон хүн үзэх боломжтой. Дэлхийд ганцхан Монгол наадмыг олон улсын хэмжээнд үзүүлэх боломжтой гэдгийг албаныхан тайлбарлаж буй.

Энэ талаар Үндэсний их баяр наадмын зөвлөх, Монгол Улсын Хөдөлмөрийн баатар, хөгжмийн зохиолч Н.Жанцанноров хэлэхдээ “Би 1980 оноос хойш Үндэсний их баяр наадмын нээлтийн ажилд жил алхсалгүй оролцсон. Бидний зохион байгуулсан зүйлс бүх хүний сэтгэлд нь хүрдэггүй. Гэхдээ дийлэнх нь наадмын нээлт, хаалт гайгүй боллоо гэсэн яриатай хоцордог. Жил бүр наадмын нээлтийг Монгол Улсын хүн амын нэг хувьд ч хүрэхгүй хүн буюу 13 мянга орчим хүн биеэр очиж үздэг. Түүнчлэн Хүндэтгэлийн концерт СТӨ-нд 1200 хүн сууж үздэг. Үүнээс ихэнх нь УИХ-ын гишүүд, гадаад дипломат төлөөлөгчдийн газрынхан байдаг. Харин бодит байдал дээр 600 иргэн л үздэг. Энэ нь хүн амын 0.1 хувьд ч хүрэхгүй тоо юм. Тиймээс наадмын нээлт үзэж чадахгүй гэдэг нь цөөхөн хүний яриа бөгөөд тэдгээр хүмүүст л хамаатай асуудал. Жил бүр телевизүүд наадмыг шууд дамжуулахад маш их анхаардаг ч техникийн маш их алдаа гарч, сүүлд нь хэцүүхэн бичлэг үлддэг. Энэ жилийн хувьд эртнээс бэлдэж байгаа учир ямар нэг техникийн алдаа гарахгүй. Тиймээс энэ жил наадмын нээлт, хүндэтгэлийн концертыг Монгол Улсын хүн амын 99.99 хувь нь өнгөрсөн жилүүдийнхээс гурав дахин илүү чанартай түвшинд хүлээж авна. Хамгийн гол нь наадмын нээлт, хүндэтгэлийн концертыг хальс дээр буулгаж, Монголчуудын Үндэсний их баяр наадмын тухай Дэлхий дахинд үзүүлэх контент гаргаж авах юм” гэв.

 

           ТУЛГАР ТӨРИЙН 2229, ИХ МОНГОЛ УЛСЫН 814, АРДЫН ХУВЬСГАЛЫН

99 ЖИЛИЙН ОЙ, ҮНДЭСНИЙ ИХ БАЯР НААДМЫН ХӨТӨЛБӨР

 

ЦагҮйл ажиллагаа

 

Байршил
7 дугаар сарын 09.  Пүрэв гараг

 

11:40Монгол Улсын Төрийн тугийг цэнгүүлэх ёслолТөрийн ордон,

Жанжин Д.Сүхбаатарын талбайд

7 дугаар сарын 10.  Баасан гараг

 

07:00-11:00Хязаалан насны морьдын уралдаан              Хүй долоон худагт

Шууд дамжуулалт

МҮОНРТ, ETV, NTV, 25-р суваг телевиз, Эх орон

 

08:00-22:00Шагайн харвааны эхний хэсгийн тоглолтБаяр наадмын төв талбай Шагайн асарт

Шууд дамжуулалт

МҮОНРТ, UBS, SBN, Eagle,TV8

 

09:00-19:00Урианхай сурын харваа

 

Баяр наадмын төв талбай Сурын талбайд

Шууд дамжуулалт

 МҮОНРТ, C1, VTV,STAR,TM

 

09:00-19:00Буриад сурын харваа
09:00Монгол Улсын Төрийн далбааг мандуулахЖанжин Д.Сүхбаатарын талбайд

 

12:00-13:00Урианхай, Буриад сурын харвааны нээлтБаяр наадмын төв талбай Сурын талбайд

Шууд дамжуулалт

МҮОНРТ,  C1, VTV,STAR,TM

 

12:00-14:30Эрлийз дунд насны морьдын уралдаанХүй долоон худагт

Шууд дамжуулалт

МҮОНРТ,ETV, NTV, 25-р суваг телевиз, Эх орон

 

 

15:00-18:00

 

Шүдлэн насны морьдын уралдаан                   

19:00-21:00Төрийн хүндэтгэлийн концертБүх телевиз
7 дугаар сарын 11. Бямба гараг

 

07:00-11:00Азарганы уралдаан                                   Хүй долоон худагт

Шууд дамжуулалт

МҮОНРТ, ETV, NTV, 25-р суваг телевиз, Эх орон

 

08:00-11:00Шагайн харвааны хоёрдах хэсгийн тоглолтБаяр наадмын төв талбай Шагайн асарт

Шууд дамжуулалт

МҮОНРТ, UBS, SBN, Eagle,TV8

08:30-12:00Үндэсний сурын хана харвааны эхэн өрөгБаяр наадмын төв талбай Сурын талбайд

Шууд дамжуулалт

 МҮОНРТ, C1, VTV,STAR,TM

 

11:00Тулгар төрийн 2229, Их Монгол Улсын 814, Ардын хувьсгалын 99 жилийн ой, Үндэсний Их Баяр наадмын ажиллагааг Монгол Улсын Ерөнхийлөгч Халтмаагийн Баттулга нээж, Төрийн туганд хүндэтгэл үзүүлнэ.

 

Баяр наадмын төв талбайд

 

Бүх телевиз

11:10Үндэсний их баяр наадмын нээлтийн арга хэмжээ

 

Бүх телевиз
11:40-12:40Шагайн харвааны нээлтийн ажиллагааБаяр наадмын төв талбай Шагайн асарт

Шууд дамжуулалт

МҮОНРТ, UBS, SBN, Eagle,TV8

 

11:50-15:00Хүчит бөхийн барилдааны нэгийн давааБаяр наадмын төв талбайд

Шууд дамжуулалт

МҮОНРТ, Монгол HD,

TV-5,TV-9, Боловсрол телевиз

 

12:00-13:00Үндэсний сурын харвааны нээлтБаяр наадмын төв талбай Сурын талбайд

Шууд дамжуулалт

 МҮОНРТ, C1, VTV,STAR,TM

 

12:00-15:00Их насны морьдын уралдаан                       Хүй долоон худагт

Шууд дамжуулалт

МҮОНРТ, ETV, NTV,

25-р суваг телевиз, Эх орон

 

13:00-16:00Үндэсний сурын хана харвааны дунд өрөгБаяр наадмын төв талбай Сурын талбайд

Шууд дамжуулалт

МҮОНРТ,  C1, VTV,STAR,TM

 

13:00-20:00Шагайн харвааны хагас шигшээ тоглолтБаяр наадмын төв талбай Шагайн асарт

Шууд дамжуулалт

МҮОНРТ, UBS, SBN, Eagle,TV8

 

15:20-18:00Хүчит бөхийн барилдааны хоёрын давааБаяр наадмын төв талбайд

Шууд дамжуулалт

МҮОНРТ, Монгол HD,

TV-5,TV-9, Боловсрол телевиз

 

16:00-19:00Эрлийз дээд насны морьдын уралдаанХүй долоон худагт

Шууд дамжуулалт

МҮОНРТ, ETV, NTV,

25-р суваг телевиз, Эх орон

 

16:00-17:30Үндэсний сурын хана харвааны адаг өрөг

 

Баяр наадмын төв талбай Сурын талбайд

Шууд дамжуулалт

МҮОНРТ,  C1, VTV,STAR,TM

 

17:30-20:30Үндэсний сурын хасаа харвааны эхэн өрөг
21:00-24:00Улаанбаатарын үдэш 2020 наадмын үдшийн онлайн шоу тоглолтБүх телевиз
23.00Баяр наадмын ёслолын буудлагаЖанжин Д.Сүхбаатарын талбайд, Баянхошуу, Маахуур толгой, Дамбадаржаа
7 дугаар сарын 12.  Ням гараг

 

07.00-11.00Соёолон насны морьдын уралдаан              Хүй долоон худагт

Шууд дамжуулалт

МҮОНРТ, ETV, NTV,

25-р суваг телевиз, Эх орон

 

08.00-13.00Шагайн харвааны шигшээ 8 багийн тоглолтБаяр наадмын төв талбай Шагайн асарт

Шууд дамжуулалт

МҮОНРТ, UBS, SBN, Eagle,TV8

 

09:00-12:00Үндэсний сурын хасаа харвааны дунд өрөгБаяр наадмын төв талбай Сурын талбайд

Шууд дамжуулалт

МҮОНРТ,  C1, VTV,STAR,TM

 

09.00-11.00Хүчит бөхийн барилдааны гурвын давааБаяр наадмын төв талбайд

Шууд дамжуулалт

МҮОНРТ,Монгол HD,

TV-5,TV-9, Боловсрол телевиз

 

11:20-12:40Хүчит бөхийн барилдааны дөрвийн  давааБаяр наадмын төв талбайд

Шууд дамжуулалт

МҮОНРТ, Монгол HD,

TV-5,TV-9, Боловсрол телевиз

 

12:00-14:00Дааганы уралдаан                                        Хүй долоон худагт

Шууд дамжуулалт

МҮОНРТ, ETV, NTV, 25-р суваг телевиз, Эх орон

 

12:00-13:30Үндэсний сурын хасаа харвааны адаг өрөгБаяр наадмын төв талбай Сурын талбайд

Шууд дамжуулалт

МҮОНРТ,  C1, VTV,STAR,TM

 

13:30-14:10Хүчит бөхийн барилдааны тавын давааБаяр наадмын төв талбайд

Шууд дамжуулалт

МҮОНРТ, Монгол HD,

TV-5,TV-9, Боловсрол телевиз

 

14:00-14:30Шагайн харвааны 4-8 дугаар байрт шалгарсан баг харваачдад шагнал гардуулахБаяр наадмын төв талбай Шагайн асарт

Шууд дамжуулалт

МҮОНРТ, UBS, SBN, Eagle,TV8

 

14.00-15.30Үндэсний сурын түрүү тодруулах шилдэг 16 харваачийн шигшээ харвааБаяр наадмын төв талбай Сурын талбайд

Шууд дамжуулалт

МҮОНРТ, C1, VTV,STAR,TM

 

14:20-15:00Хүчит бөхийн барилдааны зургаагийн давааБаяр наадмын төв талбайд

Шууд дамжуулалт

МҮОНРТ, Монгол HD,

TV-5,TV-9, Боловсрол телевиз

 

15:00-15:30Монгол Улсын Ерөнхийлөгч Халтмаагийн Баттулга Үндэсний сур, шагайн харваанд түрүүлсэн харваачдад шагнал гардуулна. Улсын цолны болзол хангасан сурын харваачдад цол олгож, үнэмлэх, энгэрийн тэмдэг гардуулна.

 

Баяр наадмын төв талбайд

 

Бүх телевиз

15:00-16:30Эрлийз бага насны морьдын уралдаанХүй долоон худагт

Шууд дамжуулалт

МҮОНРТ, ETV, NTV,

25-р суваг телевиз, Эх орон

 

15:30-16:10Хүчит бөхийн барилдааны долоогийн давааБаяр наадмын төв талбайд

Шууд дамжуулалт

МҮОНРТ, Монгол HD,

TV-5,TV-9, Боловсрол телевиз

 

16:10-16:30Монгол Улсын Ерөнхийлөгч Халтмаагийн Баттулга “Улсын начин”, “Улсын харцага” цолны болзол хангасан бөхчүүдэд цол олгож, энгэрийн тэмдэг гардуулна.Баяр наадмын төв талбайд

 

Бүх телевиз

16:30-17:20Хүчит бөхийн барилдааны наймын давааБаяр наадмын төв талбайд

Шууд дамжуулалт

МҮОНРТ, Монгол HD,

TV-5,TV-9, Боловсрол телевиз

 

17:00-19:00Түрүүлж айрагдсан морьдын цол дуудаж, хурдан морь унаач хүүхдүүдэд бэлэг, шагнал гардуулна.

 

Хүй долоон худагт

Шууд дамжуулалт

МҮОНРТ, ETV, NTV,

25-р суваг телевиз, Эх орон

 

17:20-17:50Монгол Улсын Ерөнхийлөгч Халтмаагийн Баттулга “Улсын заан” цолны болзол хангасан бөхчүүдэд цол олгож, үнэмлэх, энгэрийн тэмдэг гардуулна.Баяр наадмын төв талбайд

 

 

Бүх телевиз

17:50-18:30Хүчит бөхийн барилдааны есийн давааБаяр наадмын төв талбайд

Шууд дамжуулалт

МҮОНРТ, Монгол HD,

TV-5,TV-9, Боловсрол телевиз

 

18:30-19:00Монгол Улсын Ерөнхийлөгч Халтмаагийн Баттулга Үндэсний их баяр наадмын хүчит бөхийн барилдаанд түрүүлж, үзүүрлэсэн бөхчүүдэд цол олгож, үнэмлэх, энгэрийн тэмдэг, шагнал гардуулна.

 

Баяр наадмын төв талбайд

 

Бүх телевиз

19:00Тулгар төрийн 2229, Их Монгол Улсын 814, Ардын хувьсгалын 99 жилийн ой, Үндэсний их баяр наадмын ажиллагааг Монгол Улсын Ерөнхийлөгч Халтмаагийн Баттулга хаана.

 

Баяр наадмын төв талбайд

 

Бүх телевиз

19:10Үндэсний их баяр наадмын хаалтын ажиллагаа, Монгол Улсын төрийн тугийг Баяр наадмын төв талбайгаас Төрийн ордон руу залах ёслол

 

Баяр наадмын төв талбайд

 

Бүх телевиз

 

  СОЁЛ УРЛАГИЙН ҮЗВЭР, ҮЙЛЧИЛГЭЭНИЙ ХӨТӨЛБӨР

 Монголын гэрэл зурагчдын нэгдсэн холбоо       

7 дугаар сарын 09-13-ны өдрүүдэд

“Монгол бахархал”  гэрэл  зургийн үзэсгэлэн

http://ub.life/

http://inet.mn/

http://mopa.mn

 НЗДТГ-ын LED дэлгэцээр

     Монголын урчуудын эвлэлийн үзэсгэлэнгийн танхимд

7 дугаар сарын 10-15-ны өдрүүдэд

09.00-16.00 “Монголын сайхан орноор” уран зургийн үзэсгэлэн

Үндэсний музейд

7 дугаар сарын 10-15-ны өдрүүдэд

9.00 – 16.30 “Эрийн гурван наадам” үзэсгэлэн

Богд хааны ордон музейд

7 дугаар сарын 11-15-ны өдрүүдэд

09.00-18.00 Өөрийн сан хөмрөгийн үзмэрээр үйлчилнэ.

Чойжин ламын сүм музейд

7 дугаар сарын 10-15-ны өдрүүдэд

09.00-17.00 Өөрийн сан хөмрөгийн үзмэрээр үйлчилнэ.

Байгалийн түүхийн музейд

7 дугаар сарын 11-15-ны өдрүүдэд

09.00-18.00 Өөрийн сан хөмрөгийн үзмэрээр үйлчилнэ.

Монголын уран зургийн галерейд

7 дугаар сарын 11-15-ны өдрүүдэд

09.00 – 17.00 “Түүх агуулсан плакатууд”

“Хотын байгаль”

“Аж байдлын монгол зураг”

“Хосгүй үнэт бүтээлүүд”

Сэтгэлгээний эрх чөлөө

“Монголын соц-реалист дүрслэх урлаг” үзэсгэлэнгүүд

Улаанбаатар хотын музейд

7 дугаар сарын 11-15-ны өдрүүдэд

09.00-18.00 Өөрийн сан хөмрөгийн үзмэрээр үйлчилнэ.

Г.Занабазарын нэрэмжит Дүрслэх урлагийн музейд

7 дугаар сарын 11-15–ны өдрүүдэд

10.00-17.00  “Монголын нэг өдөр”  Нэгэн сэдэвт зураг, кино толилуулах

Виртуал музейгээр аялуулах

Хүүхдийн урлагийн боловсролын хөтөлбөрийн хүрээнд:

Цаасан нугалбар тоглоом”

Эвлүүлдэг тоглоом танилцуулах

Монгол арт галерейд

7 дугаар сарын 10-15-ны өдрүүдэд:

10.00-17.00  Монголын ахмад алдарт зураачдын шилдэг  уран зургууд

Залуу уран бүтээлчдийг дэмжсэн “Монгол арт маркет”  үзэсгэлэн худалдаа

Урлаг судлалын ухааны доктор, зураач Ч.Болдбаатарын үзэсгэлэн

Улсын дуурь бүжгийн эрдмийн театр

7 дугаар сарын 10-15-ны өдрүүдэд

Ц.Дамдинсүрэн “Учиртай гурван толгой” тоглолт

“Best of classics”

UBS, TV1, Боловсрол телевиз, TV 25 сувгуудаар

Улсын драмын эрдмийн театр

7 дугаар сарын 10-наас 17-ны өдрүүдэд

“Найргийн тэнгэр” контент  UBS телевиз болон

байгууллагын албан ёсны сошиал сувгуудаар

 

 

Энэ мэдээнд өгөх таны сэтгэгдэл?
8
ТэнэглэлТэнэглэл
4
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

29 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ХЕРО БААТАРТ ЗӨВӨЛГӨӨ ӨГДӨГ БАЙЖ... 2020-07-11 103.57.94.232

Нэгэнт СТАДИОННЫ хэмжээнд баригдахгүйгээр ХӨДӨӨ ХЭЭР ГАЗАР Монгол наадмын нээлтээ хийж байгаа БОЛ зориудаар тал дүүрэн таван хошуу малаа бэлчээгээд, илүү олон үндсэний хувцастай хүмүүсийг талаар нэг тараан бүжиглэж дуулуулаад, хүчит бөхчүүүдээ хошин шогын жүжигчид биш жинхэнэ бөхчүүдээ олноор нь нь гаргаж дэвүүлээд, хурдан морьдыг нас насаар нь бэлчээгээд, цангинасан сайхан уртын дуугаараа наадмаа эхлүүлээд ХЭТЭРХИЙ ИХ ШАМБААРАЛДУУЛАХГҮЙ, жинхэнэ ТАЛЫН МОНГОЛЫН ТАЛ ДҮҮРЭН НААДАМ ХИЙХ байлаа.

Avatar

Зочин 2020-07-11 66.181.176.246

Энэ бол баячуудын наадам гэтэл ядуус голын зах бараадаад үр хүүхэдээ салхинд гаргаж байгаа даанч өр өвдөж байлаа…байдаг л урлагийнхны эвлүүлэг яг хошин шогийн эвлүүлэг шиг..тэнд оролцож байгаа хүмүүс нь нөгөө ул болсон хэдэн дуучид ийм зүйлд их мөнгө зарах хэрэг байсан юм уу тэр тоглолт яг нэг хэмэл дор явж байгаа нь уйтгар төрүүл ж б.а бүжигчид нь нэг хөдөлгөөн давтсан бидний мэдэх олон дууны клипийг санагдуулж байлаа .

Avatar

Зочин 2020-07-11 89.131.18.220

Ene Battulga gej neg saihan hoshnogo bnaa. Tom tom ungaad l…

Avatar

Гэнт баяжсан наймаачин 2020-07-11 46.19.141.86

Талх-чихэр, Мах-импекс, Жуулчин компани, Баян-Гол гээд социалист нийгмийн сор болсон бүтээн байгуулалтууд мөн биз. Тэгвэл тэр том бүтэн нийгмийн Улаан-баатарчуудын хоол унд, талхны гол зангилааг энэ хүн хэрхэн атгаж авсан байх уу. Хятадууд энэ хүнийг албаар баяжуулж Монголын сор болсон үйлдвэрүүдийг худалдаж авсан. Хоол хүнс хэзээ ч дампуурдаггүй бизнес. Талхны үнэ өсөх хэрээр хүмүүсийн амьдрал сөнөж байлаа. Улаанбаатарын таксинууд бараг талхны ханшаар үнэ тогтоодог байсан гэхэд болно.

Avatar

МОНГОЛ Наадам 2020-07-11 67.81.184.102

КОНЦЕРТ БОЛООД ШҮЛЭГЧ УНШИГЧ АР ХАЛХЫН НААДАМ ГЭЖ ОЛОН ХЭЛЛЭЭ
ТИЙМ ЮМ БОЛ ХАЛХ НАР ӨӨРСДӨӨ НААД.
БУСАД ЯСТАНУУДЫН УРЛАГИЙГ АШИГЛАХАА БОЛЬ.ЭСВЭЛ МОНГОЛЫН НААДАМ ГЭЖ ҮГ ХЭЛ,ДУУ,ШҮЛГЭНДЭЭ ХЭЛЖ БАЙ.
ХАСГУУДИЙГ ХАРСАНГҮЙ,ОРУУЛ.
НАЙРУУЛАГЧ,ЗӨЛӨХ МУУ ,ЖҮЖИГЧИД САЙН Б.А.ЖАЛГА ДОВНЫ ҮЗЭЛ АРИЛАХ БОЛТУГАЙ!

Avatar

Зочин 2020-07-11 46.19.141.86

Хятадууд Монголыг ар халх гэж дууддаг учир юу гэвэл манай ар улс гэсэн утгатай Өвөр Монголыг өвөр халх гэдэг. Баттулга хэжээнээс Хятад сэтгэлгээтэй болж Монголд бүх юмыг Хятад хүний сэтгэлээр хийдэг. Хэлж ярьж байгаа бүхэнд сайн ажиглавал ийм хандлага их шингэсэн байдаг.

Avatar

Ирэх жил сонгогдохгүйгээ мэдээд тултал нь хийэжээ 2020-07-11 64.119.19.79

Ирэх жил сонгогдохгүйгээ мэдээд тултал нь хийэжээ

Avatar

СҮРЖИГНЭХЭЭ боль 2020-07-11 67.81.184.102

МОНГОЛЫН ТӨР ХИЛ НЭЭЖ ХҮНЭЭ ОРУУЛАХГҮЙ БАЙГАА НЬ ГЭМТ ХЭРЭГ

Avatar

Зочин 2020-07-11 43.228.131.151

Erhem Erunhiilugchuu ! Tani dergediin hvmvvs dendvv bolovsrolgvi uls yumuu daa,tanaar tun bazaahgvi yum yariulaad baihiimaa. Hamgiin naad zah ni hvn turulhtun
“ tvvhiig shvvdeggvi, zuvhun sudaldag” gedegiig ch meddeggvi l yum bna daa.

Avatar

Зочин 2020-07-11 66.181.161.112

Ter bayachuudtaigaaa uuriinxuu amraltab deer saixan naadaj bna uu.erunxiilugchuu

Avatar

зочин 2020-07-11 66.181.161.82

Ек нь Ард иргэддээ хандаж ,, МИНИЙ эх орны ард иргэдээ ,, гэхлээр их л сонин санагдаж байна шд . Минийх биш Женкогын эх орон ч юм шиг .. Зүгээр л ,,Эх орон нэгт ахан дүүсээ ,, л гэчихгүй дэ . .. Аль эсвэл нэрээ ганцхан Женкогын эх орон л болсон юм уу ?

Avatar

Зочин 2020-07-11 202.126.90.94

Ичээсэй , өөрийнхөө хувийн компанид улсаас санхүүжилт хийлгэж наадам хийж л байдаг . Япон , Солонгос зэрэг соёлтой оронд бол шууд шоронд орох биз дээ . Айна , ичнэ гэж байхгүй муухай хүмүүс төрийн толгойд гарч дээ .

Avatar

АРДЫН НАМЫН ХУЛГАЙЧ НАРЫН БЭЛДСЭН БИЧЛЭГ ҮЗҮҮЛЭЭД ЭНЭ ОДОО НААДАМ УУ!!! 2020-07-11 139.5.219.67

АРДЫН НАМЫН ХУЛГАЙЧ НАРЫН БЭЛДСЭН БИЧЛЭГ ҮЗҮҮЛЭЭД ЭНЭ ОДОО НААДАМ УУ!!!

Avatar

Зочин 2020-07-11 66.181.161.104

Мэдэхгүй ээ. Монголчууд Жэнкогийн түүхийг бүтээлцэх болж байна уу, харин эсрэгээрээ. Жэнко яаж ийгээд нэг юм буух байлгүй дээ. Тэр цагт монгол наадам контентыг Жэнко Тур Бюро засагтай булаацалдаад шүүхдээд явж байвал цочирдохгүйгээр сэтгэл зүйн бэлтгэлтэй л байхыг бодъё.

Avatar

Зочин 2020-07-11 59.153.112.170

Tsuvuun tsagiin naadam.

Avatar

Цагаан сар, Нааадам хоёроо үнэхээр санаж байна 2020-07-11 103.57.94.232

Одоо яая гэхэв дээ. Хүж Дэлхий амгалан байг ээ, Хүн бүрий эрүүл байг ээ

Avatar

Миний Монголын Ард түмээн Баяр наадмын мэнд хүргэе 2020-07-11 103.57.94.232

Миний Монголын Ард түмээн сайхан наадарай

Avatar

Зочин 2020-07-11 66.181.187.245

Saihan naadaaeai novshiin noydoo

Avatar

Зочин 2020-07-11 203.91.115.51

Ийм баяр наадам нэртэй мөнгөний шоу үздэг л юм байна. Шоу ч биш тв-ийн баримтат зураг юм уу даа. Ерөнхийлөгч нь ядаж шууд бичлэгт үг хэлсэнгүй. Ард түмнээ арай л дорд үзэж байна даа. Наадам ч наадам биш болж дээ.

Avatar

Зочин 2020-07-11 66.181.161.104

Үндэстний биш Жэнкогийн баяр наадам.

Avatar

Зочин 2020-07-11 202.9.40.120

монголын хөрөнгөтнүүдийн наадам эхэллээ борчууд бид гэр зуураа наадах байхаа

Avatar

zochin 2020-07-11 103.212.118.211

Ерөнхийлөгч энэ жил сайхан дээл өмссөн байна.

Avatar

Зочин 2020-07-11 43.228.131.151

Bv’s ni luun heetei , chamd aytaihan sanagdaad bna uu?

Avatar

Зочин 2020-07-11 66.181.177.67

tsenher mongol niigemleg bidnia rd tumen partisan stergii gabya mongol ulsaa chuluulsun bayar boly baihad hen negen hulgaich gamin chandruu said uhsen bol bidnii bauyar naadmaar gashuudal hiih heregui l dee. erh chuloogo oly abi ard tumen minee. hulgaich said gamin chandruu Portuna baabr hotoos hulgai hiihe bolison deer shu. pengshuig ustgasan bayar naadam boljino.naadam bol chini margun gashudal hiideg gazar bishee.

Avatar

Зочин 2020-07-11 66.181.177.67

ard tumen naadam bayar hen negen hulgaich saidin uhsenii budaalga bolgoh heregui l dee. ter zolbin said dursaad baih yum hiigegui. hulgaich said uheel biz bid naadam gashuudal hiihgui. nogoon zagalmail buleg

Avatar

Зочин 2020-07-11 66.181.177.67

manai nam songuulisd yalsan gesen hamag gishuude halaad yu boly baigan. yagaad heltesiin darga salbarin darga hooy baigan.

Avatar

zochin 2020-07-11 66.181.177.67

ene talbai ard tumeni talbai chini garii useg gey yu baidiin. chi hotiin hog achuulh bolhoos bidnig haana uulzahig zaahgui ee.

Avatar

zochin 2020-07-11 66.181.177.67

ih huraliin spnguulis setgel gutarsan songuulin dund sanal niilehgui zaluus ih janjin Suhbaatar talbai deer tsuglaarai. ene odor talbai deere naadam hiine. tor zasag bidniig yaj gomdooson tuhai yarina zalusa.

Avatar

Зочин 2020-07-11 66.181.177.67

janjin Suhbataar talbai deer tsuglaarai. naadam zasagt gomdson hohirson zaluus Janjin Suhbaatar talbai deer onoodor odorjin baih heregtei. heduule tor zasagt gomdson gomdoloo yarii. yagaad hubsgaliin partisan tsergiin huuhed ih hurald ory boldoguin .

NewsMN Гар утасны хувилбар Татах
NEWS.mn

Мэдээллийн эх сурвалж