ТикТок 2019 оны долдугаар сараас арванхоёрдугаар сард дүрмийг нь зөрчсөн гэх 49 сая гаруй бичлэгийг устгасан гэдгээ зарлалаа.

Устгагдсан бичлэгүүдийн дөрөвний нэг орчим нь садар самуунд уруу татсан шинжтэй байсан гэнэ. Түүнээс гадна цагдаа болон засгийн газраас 500 орчим хамтарч ажиллах санал ирсний 480-ыг нь зөвшөөрчээ.

Сүүлийн үед Энэтхэг улс иргэддээ ТикТок хэрэглэхийг хориглосон бөгөөд АНУ ч мөн адил ТикТокын хэрэглээг хязгаарлахаар судалж байгаагаа мэдэгдсэн билээ. Учир нь олон улсад хэдэн зуун сая хэрэглэгчтэй тус платформ хэрэглэгчдийнхээ мэдээллийг БНХАУ-ын засгийн газартай хуваалцан, тагнуулын шинжтэй үйл ажиллагаа явуулж байж болзошгүй хэмээн Майк Помпео анхааруулсан юм.

Эх сурвалж: BBC.COM