Standard & Poor’s (S&P) агентлаг Монгол Улсын зээлжих зэрэглэлийг “B, тогтвортой” хэвээр үлдээлээ. Тус үнэлгээний агентлагийн тайланд Covid-19 вирусийн цар тахлаас үүдэлтэй эдийн засагт тулгарч буй сорилт нь түр зуурынх байх бөгөөд дараагийн 12 сарын хугацаанд эдийн засгийн өсөлт сэргээх бөгөөд Монгол Улсын төсөв, гадаад өрийн хэмжэүүр тогтворжиход нөлөөлнө гэсэн хүлээлттэй байгааг дурдсан байна.

Зээлжих зэрэглэлд дараах хүчин зүйлс нөлөөлж байна.

• Нэг хүнд ногдох ДНБ
• Авлигын түвшин
• Инфляци –
• Төсвийн тэнцэл
• Ажилгүйдэлийн түвшин
• Эдийн засгийн урт хугацааны өсөлт

"Covid-19 тахлын улмаас Монгол Улсын түүхий  эдийн засаг саарч байна. Гэхдээ ойрын үед Хятадын эдийн засгийн сэргэлттэй зэрэгцэн Монголын эдийн засаг огцом сэргэнэ гэж найдаж байна" хэмээн Standard & Poor’s (S&P) агентлаг мэдээлэв.

S&P Global Ratings-ийн мэдээлснээр Монголын эдийн засаг 2020 оны 1 хувиар буурах бол 2021 онд 8.5 хувиар өснө хэмээн таамаглажээ.

Хэрэв Монгол Улс зэрэглэлээ сайжруулж чадах юм бол одоо байгаагаасаа өртөг багатай эх үүсвэр татах бүрэн боломжтой бөгөөд зээлжих зэрэглэлээ өсгөх замаар зээлийн хүүг бууруулах боломжтой юм.