Төлөөгүй НДШ-ээ эзэд илчилжээ | News.MN - Мэдээллийн эх сурвалж

Төлөөгүй НДШ-ээ эзэд илчилжээ

Хуучирсан мэдээ: 2016.01.11-нд нийтлэгдсэн

Төлөөгүй НДШ-ээ эзэд илчилжээ

Эдийн засгийн ил тод байдлын тухай хуулийн хэрэгжих хугацааг энэ оны хоёрдугаар сарын 20 хүртэл хойшлуулсан. Анх хэрэгжихдээ 2015 оны сүүлийн өдрөөр тасалбар болгохоор заасан уг хуулийн хүрээнд хувийн хэвшлийнхэн нууж дарсан татвараа илчлээд зогсохгүй төлж барагдуулаагүй нийгмийн даатгалын шимтгэл /НДШ/-ээ ч үнэн зөвөөр мэдүүлж эхэлжээ.

Өнгөрсөн оны арванхоёрдугаар сарын 31-ний байдлаар аймаг, дүүргийн Нийгмийн даатгалын хэлтэст нийт 1257 ажил олгогч тайлангаа шинээр ирүүлснээс 174 нь нийгмийн даатгалд огт бүртгэлгүй байжээ. Дээрх аж ахуйн нэгжүүд нийт 3290 даатгуулагчийн шимтгэлийг нөхөн төлсөн байна. Өөрөөр хэлбэл, тэд нийт 11 тэрбум төгрөгийн цалингийн сангаа ил болгож, 2.4 тэрбум төгрөгийн шимтгэл төлөөд байгааг НДЕГ-аас мэдээлжээ. Хэрвээ ил тод байдлын хууль батлагдаагүй байсан бол 2.4 тэрбум төгрөгийн шимтгэлийг аж ахуйн нэгжүүдээр төлүүлэхийн дээр 1.2 тэрбум төгрөгийн алданги ногдуулж, хариуцлага тооцох байжээ. Эдийн засгийн ил тод байдлын хуулийн хэрэгжих хугацаа өндөрлөх хараахан болоогүй байгаа болохоор цаашид ч нууж далдалсан НДШ багагүй хэмжээгээр ил болох магадлалтайг мэргэжилтнүүд тодотгосон юм. Тэр хэрээр ажил хөдөлмөр эрхэлж буй хэрнээ НДШ төлдөггүй ажилтнуудын эрх ашигт эерэг нөлөө үзүүлнэ гэж тэд үзэж буй юм.

Д.ЦЭЭНЭ

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Гочоо 2016-01-11 119.40.100.222

Сүүлийн хэд хоногт тэтгэвэрт гарах дөхсөн хүмүүс, бас тэтгэвэрт гарсан хүмүүс дуу дуугаа авалцан бөөн бөөнөөрөө өндөр хэмжээний шимтгэл НД руу шилжүүлж эхлээд байна. Үр дүнд нь тэтгэврийн зардал огцом нэмэгдэх болно жил бүр ойролцоогоор 2.0 орчим тэрбум тэтгэвэрт нэмж зарна гэсэн үг. Нэг талаасаа хувь хүний орлого нэмэгдэж байгаа нь сайн хэрэг боловч, нөгөө талаасаа системээ алж байна гэсэн үг

иргэн 2016-01-11 122.201.22.114

Гарчиг нэг бшээ.Нутгийн хэллэг юм болов уу.

Зочин 2016-01-11 202.179.28.74

Ажилласан жил тасалдсан хүмүүс нөхөн шимтгэл төлж байгаа. Мөн тэтгэвэрт суух дөхсөн хүмүүс 5 жилийн дундажаа нэмэгдүүлэх боломж олдож байгаа учраас л олон хүн хамрагдаж байгаа. Түүнээс нуусан аа ил гаргаж илчлээд байгаа юм биш. Нөхөр ёсоор хэлэхэд тэтгэвэрт гарах дөхсөн болон ажилласан жил тасалдсан хүмүүс энэ боломжийг ашиглаад аваарай гэж зөвлөх байна.

Зочин 2016-01-11 202.70.41.218

Эдийн засгийн өршөөлийн хуулиар нууц юм энэ тэр баймаар юм даа

Зочин 2016-01-11 122.201.22.197

Төлөөгүй НДШ-ээ эзэд илчилжээ. Ийм гарчиг тавих нь зөв үү? Улс нэг гараараа өршөөж хууль гаргачихаад нөгөө амаараа муу хэлээд байж болох уу? хүмүүсийг ажлаар хангаж амьдрах боломжийг нь нэмэгдүүлж байсан үндэсний үйлдвэрийнхээ эздийг ингэж доош хийж болохгүй шүү дээ. ЖДҮ-ийн борлуулалтын орлогын 60% материал түүхий эд, 10% татвар, 10% цалин, 10% ашиг, 10% бусад төлөвлөөгүй зардалд зарцуулагддаг гэдгийг мэдмээр юм

Зочин 2016-01-11 202.21.106.112

баабар яасан бол. мань баабар ч улайхаа ч больчихсон цайчихсан гар даа.