Хятадын Засгийн газар өнөөдөр (2020.7.8) Аюулгүй байдлын оффисоо Хонгконгод нээжээ. Хонгконгод Аюулгүй байдлыг сахиулах хуулийг баталсны дагуу тус албан газрыг жагсагчдын ихээр цугладаг Козуэй-Бей худалдааны дүүрэг дэх "Метропарк" зочид буудлын барилгад нээсэн байна. Тус албан газар нь Хонгконгод аюулгүй байдлыг сахиулах хүрээнд салан тусгаарлах, хорлон сүйтгэх, гадаадын хүчинтэй хамтрах,  терроризмын гэмт хэргийн эсрэг хуулийн хэрэгжилт, ял шийтгэл оноох асуудлыг хянах аж.

"Метропарк" зочид буудалд Аюулгүй байдлын оффисыг нээх ажиллагаанд тус албан газрын дарга Зан Яншион болон Хонгконгийн захирагч Кэрри Лам нар оролцжээ.

Эх сурвалж: Reuters