Залуучуудыг саналаа өгөхийг уриалсан сошиал медиа аянууд идэвхтэй өрнөж байгаад талархууштай. Илүү сайхан ирээдүйг авчрахад итгэл найдвар маш чухал байдаг. Энэ жилийн сонгуульд арай өөр дүр зураг, ардчиллын чухал үзүүлэлт олон намын төлөөлөл гарч ирэх байх гэж найдаж сууна.

Ирээдүй ямар байх нь хэнд илүү хамааралтай вэ? Мэдээж чамд! Тийм болохоор чи ямар ирээдүй хүсэж байна түүнийгээ сонгуулийн сонголтоороо дамжуулан саналаа өгч дуртайгаа сонго.

Энэ бол Монгол улсад Европын холбооны дэмжлэгтэй хэрэгжиж буй "Бүгд залуусын төлөө, Залуус бүгдийн төлөө" төслийн хүрээнд хэрэгжиж буй “Дуртайгаа сонго” кампанит ажлын гол утга санаа бөгөөд тус аяны хүрээнд видео контент, постер болон “ШИНЭ СОНГОГЧИЙН ЧЕКЛИСТ” анх удаа сонгууль буй залуучуудад зориулсан комик мөн ”СОНГУУЛИЙН СТЕРЕОТИП” буюу залуучуудын сонгуулийн үед гаргадаг үйлдлүүдийг үзүүлсэн хоёр төрлийн комик гаргасан байна. Тус хоёр комик нийт тус бүр 8 анги гарах бөгөөд “Caritas Czech Republic in Mongolia” фэйсбүүк хуудсаар үргэлжлүүлэн хүлээн авч үзээрэй.