Төр, үндэсний үйлдвэрлэгчдийн зөвлөгөөн болно | News.MN - Мэдээллийн эх сурвалж

Төр, үндэсний үйлдвэрлэгчдийн зөвлөгөөн болно

Хуучирсан мэдээ: 2016.01.10-нд нийтлэгдсэн

Төр, үндэсний үйлдвэрлэгчдийн зөвлөгөөн болно

Аж үйлдвэрийн салбарт энэ оныг “Дотоодын үйлдвэрлэл, борлуулалтыг дэмжих жил” болгож буйтай холбогдуулан “Үндэсний үйлдвэр эрхлэгчдийн зөвлөгөөн”-ийг 1 дүгээр сарын 15-нд “Туушин” зочид буудалд зохион байгуулах гэж байна.

Төрийн худалдан авалтыг эрчимжүүлэх, баялаг бүтээгчдийг дэмжих зорилго бүхий тус зөвлөгөөнийг Аж үйлдвэрийн яам, Ерөнхийлөгчийн тамгын газар хамтран зохион байгуулж байгаа юм. Зөвлөгөөний үеэр Чингис бондын үр дүн, ЖДҮХС-аас олгосон зээл, Аж үйлдвэрийн талаар баримталж буй бодлого, хэрэгжилтийн талаар мэдээлэхээс гадна төрийн худалдан авалтыг дэмжсэн санамж бичгүүдийг байгуулна. Тодруулбал, Аж үйлдвэрийн яам, БСШУЯ хамтран ажиллах санамж бичиг, АҮЯ, НЗДТГ-тай хамтран ажиллах санамж бичгүүдийг тус тус байгуулах юм. Мөн ГОК, МАК, Оюутолгой зэрэг томоохон үйлдвэрүүдтэй хамтран ажиллах санамж бичиг, худалдааны сүлжээ дэлгүүрүүдтэй хамтран ажиллах санамж бичиг, “Жижиг дунд үйлдвэр эрхлэгчдийн хоршоо” болон жижиг сүлжээ дэлгүүрүүдийн холбоотой хамтран ажиллах санамж бичгүүдийг тус тус байгуулна. Түүнчлэн “Үндэсний үйлдвэр эрхлэгчдийн  зөвлөгөөн”-д Аж үйлдвэрийн сайд Д.Эрдэнэбат, Сангийн сайд Б.Болор, Батлан хамгаалахын сайд Ц.Цолмон нар илтгэл тавина.

Зөвлөгөөнд УИХ-ын гишүүд, Засгийн газрын гишүүд, төрийн байгууллагууд, ТӨУҮГ-ууд, улсын төсөв, хөрөнгө оруулалтаар хэрэгжиж буй төсөл, хөтөлбөрүүд, үндэсний үйлдвэрлэгчид, мэргэжлийн холбоод болон орон нутгийн төлөөлөл, үйлдвэрлэгчид оролцож төрийн худалдан авалтыг эрчимжүүлэх асуудлаар санал солилцоно.

Ч.БОЛ

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2016-01-10 43.242.243.220

ус тогны мөнгө ийм өндөр амьжиргааны түвшин ийм өндөр байхад юу ч үйлдвэрлэсэн шатна шүү дээ амь аргацаах

Зочин 2016-01-10 103.26.194.83

Ямар үр дүн гардаг гэж хайран цаг мөнгө үрж ингэж хэлбэрддэг байна. Үйлдвэржилт 1930 оны түвшинд эргэж очсон. Артель, гар үйлдвэр л байна. Юун аж үйлдвэр. Малч монгол өнөөдөр сүү сүүн бүтээгдэхүүнийхээ 80%-ийг гаднаас импортлож хэрэглэж байна. Дотоодод ааруулыг шохойгоор, аарцыг гурилаар, сүүг шохой хуурай сүүгээр арвижуулж, түүсэн жимсийг уксустаж зарж байна. Худлаа гэвэл иргэдээсээ асуу. Өөр юм ч их байна.