Энэ оны эхээр Covid-19 цар тахал олон улсад дэгдэж, хөл хорио тогтоохоос өөр аргагүй болсон билээ. Улмаар олон компани ажилчдаа гэрээс нь ажиллуулах шийдвэр гаргаж, зарим нь цаашдаа ч энэ хэлбэрээ хадгалж үлдэхээр шийдсэн юм. Тэгвэл судлаачид хүн урт хугацаанд гэрээсээ ажиллавал хэрхэн өөрчлөгдөхийг дүрслэн үзүүлжээ.

Судлаачид тооцоолон гаргасан төрхөө Сюзан хэмээн нэрлэж, түүн шиг болмооргүй байвал гэрээс гадуур ажиллах хэрэгтэй хэмээн анхааруулсан байна. Уг зургийг анх АНУ-ын ажил хайлтын платформ DirectlyApply дээр байршуулсан бөгөөд гэрээсээ ажилладаг хүмүүсийн 25 жилийн дараах төрх хэмээн тодорхойлсон байна.

Мөн Сюзаны гадаад төрхөөр зогсохгүй сэтгэл санаа, амьдралын хэв маяг ч маш их өөрчлөгдсөн байх аж. Тухайлбал, тэрбээр хэт урт хугацаанд гэрээсээ ажилласаар хүнтэй харьцах чадваргүй болж, нийгмийн идэвх суларснаар өөртөө анхаарал тавин гоё хувцаслах, усанд орох зэргийг хайхрахаа больсон, цахим дэлгүүрээс бараа захиалан гэрийн үүдэндээ хүргүүлж, цайны цагаараа зурагт үзэхээс өөр зүйл хийхээ байсан гэнэ.

Мөн ажлаа хийхдээ үргэлж жигнэмэг гэх мэт зүйл хивснээс болж илүүдэл жинтэй болох бөгөөд хөдөлгөөний дутагдлаас болоод хоолоо шингээх чадвар муудаж, бүх өдөр дэлгэц ширтэн суудаг болсноор нүд нь хуурайшин улайж, доогуураа хар хүрээтэй болох гэнэ. Мөн хүнтэй харилцдаггүйгээс стрессийн түвшин асар ихээр нэмэгдэж, Д витамин дутагдсанаар үс унаж, арьс цайх аж.

Сюзаны төрхийг албан ёсоор эрдэмтэд батлаагүй ч сэтгэлзүйч болон бялдаржуулалтын мэргэжилтнүүд боломжтой хэмээн үзэж байна.

Эх сурвалж: RT.COM