ТӨХ-г 15-ны дотор татан буулгана | News.MN

ТӨХ-г 15-ны дотор татан буулгана

Хуучирсан мэдээ: 2016.01.09-нд нийтлэгдсэн

ТӨХ-г 15-ны дотор татан буулгана

Төрийн өмчийн хорооны дарга Ц.Нанзаддоржийг үүрэгт ажлаас нь чөлөөлж, Төрийн өмчийн хороог татан буулгах ажлын хэсэг байгуулах шийдвэрийг Монгол Улсын Ерөнхий сайд Ч.Сайханбилэг гаргасан билээ. Учир нь Төрийн өмчийн хорооны эрхэлж байсан чиг үүрэг Сангийн яаманд шилжсэн юм. Гэхдээ ажиллах орон тоо, төсөв нь батлагдаагүй, төрийн өмчит болон төрийн өмчийн оролцоотой компаниудын төрийн төлөөллийг хэрэгжүүлэх эрх зүйн орчин бүрдээгүйн улмаас Төрийн өмчийн талаар авах зарим арга хэмжээний тухай тогтоолыг ирэх долоо хоногийн Засгийн газрын хуралдаанаар баталж, татан буулгахаар болжээ. Улмаар Төрийн өмчийн хороог татан буулгах, чиг үүргийг шилжүүлэх ажлыг зохион байгуулах үүрэг бүхий ажлын хэсгийг Сангийн яам, Хууль зүйн яам, Засгийн газрын Хэрэг эрхлэх газар, Төрийн өмчийн хороо, Архивын ерөнхий газрын бүрэлдэхүүнтэйгээр байгуулах, Төрийн өмчийн хороог татан буулгах ажлын хэсгийн удирдамжийг баталж, ажлын явцад хяналт тавих болон Төрийн өмчийн хороог татан буулгах, төрийн өмчийн хувьчлал, дуудлагын худалдаа, төрийн өмчийн төлөөлөл, төрийн өмчийн бүртгэл, тооллого зэрэг асуудлыг хариуцсан зарим ажилтныг чиг үүргийн дагуу Сангийн яаманд шилжүүлэх ажлыг холбогдох хууль тогтоомжийн хүрээнд зохион байгуулж дүнг ирэх сарын 15-ны дотор танилцуулахыг Монгол Улсын сайд, ЗГХЭГ-ын дарга С.Баярцогтод даалгасан байна. Мөн Төрийн өмчийн хорооны чиг үүрэг санхүү, төсвийн асуудал эрхэлсэн төрийн захиргааны төв байгууллагад шилжиж байгаатай холбогдуулан чиг үүргийг тасралтгүй, давхардалгүй, хийдэл гаргалгүй зохион байгуулах арга хэмжээ авч ажиллахыг Сангийн сайд Б.Болорт үүрэг болгосон юм.

Д.УУДАМ

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2016-01-09 59.153.113.19

З Энхболдын үед хууль бусаар хувьчлагдсан өмчийн баримтууд ингээд алга болдог байжээ татан буугдсан буугдаагүй аль хэдийн устгаа байлгүй

Зочин 2016-01-09 202.9.40.180

яг тэгэх хэрэгтэй байсан юм.

Зочин 2016-01-09 202.21.110.186

Зөв шийдвэр. хороотой хороогүй дуусгадаг л юм чинь

Зочин 2016-01-09 103.26.194.76

Омчийг ингэж эзэнгуйтуулж байгаад хувьдаа авдаг сонгодог жишээг харууллаа.

Mgl hun 2016-01-09 103.57.94.123

Neg argaaraa 2 idne gej enedee

зочин 2016-01-09 103.57.92.196

Зөв зөв

зочин 2016-01-09 103.57.92.196

Зөв зөв

цадаагүй юу 2016-01-09 122.201.22.75

төрийн өмчийг шамшигдуулж дууслаа хөөрхий

NewsMN Гар утасны хувилбар Татах
NEWS.mn

Мэдээллийн эх сурвалж