17 мянга орчим километр зам, гүүрийг засна | News.MN - Мэдээллийн эх сурвалж

17 мянга орчим километр зам, гүүрийг засна

Хуучирсан мэдээ: 2016.01.09-нд нийтлэгдсэн

17 мянга орчим километр зам, гүүрийг засна

Зам тээврийн яамнаас 2017 он гэхэд бүх аймгийг Улаанбаатар хоттой хатуу хучилттай замаар холбож дуусгана гэж мэдэгдсэн. Энэ онд авто замын салбарт Азийн Хөгжлийн банк, Германы Сэргээн босголт банк, Кувейтын сан, БНХАУ-ын хөнгөлөлттэй зээлээр найман төсөл арга хэмжээ, дотоодын хөрөнгө оруулалтаар 22 ажлыг санхүүжүүлэхээр төсөвт тусгажээ.

Хэрэгжиж буй төслийн тухайд Говь-Алтай чиглэлийн зам баруун аймгуудыг холбох авто замын ажил бөгөөд өнгөрсөн оны зургадугаар сард барилгын ажил нь эхэлсэн байна. Эдгээр ажил 2016 онд шилжиж хийгдэх юм байна. Үүнээс гадна долоон гүүрний ажил хийгдэнэ. Тухайлбал Хэнтий аймгийн Бархын голын 121.3 метр урттай төмөр бетон гүүр, Ширээгийн голын 90 метр урт гүүр зэрэг юм. 2015 онд нийт 690 гаруй метр урт гүүрийн ажлыг төлөвлөж, 100 хувь гүйцэтгэсэн байна. Харин арчлалт засварын хувьд 2016 оны төлөвлөгөөгөөр олон улсын болон улсын чанартай нийт 16 мянга 431 километр авто зам болон гүүрний засварыг хийнэ. Одоогоор улсын чанартай авто замын засвар арчлалтын ажлыг хариуцан ажилладаг 20 төрийн өмчит хувьцаат компаниуд байгаа аж. Нийслэлийн авто замын газраас мэдээлж байгаагаар энэ онд олон улсын хүүхдийн "Найрамдал" зуслан чиглэлийн зам, Толгойт болон 21 дүгээр хорооллын замын ажлаас гадна Баянзүрх, Сонсголонгийн гүүрийг хос болгох, Замын цагдаагийн газрын уулзварын төмөр зам дээгүүрх гүүр замыг хоёр түвшний болгох зэрэг ажлуудыг хийх юм.

Д.ЖАГАР

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Turuu 2016-01-09 111.199.158.204

Ene tur zasag kompaniudaar zam guur bariulchihaad mungiig ne ugduggui luivarddag bolson sh dee! Tegeed ajil hiisen kompaniud ne ajilchiddaa tsalingaa tavij chadahgui,banknii zeelee tulj chadahgui hohirch bna.Luivarchin tur ehleed munguu ugcheed daraa ne zam taviulsan gej gaihuulaach,! BATUUL ee,SAIHANBILEGee

Зочин 2016-01-09 150.129.140.10

Улаанбаатараас Чойр орох замын нараасаа сайн хийгээчээ

Зочин 2016-01-09 103.26.194.76

Ажил хийсэн ч угуй ч Сайханбилэгийг нам нь сонгууль дуустал явуулахаар болсон болохоор ямарч хийхгуйгээр, засгийн газраас 1 тэрбум ам долларийн бондоор зээл авч ашиг олохын тулд М.Энхсайхан сайдыгаа монгоний эрэлд гаргасан байна. Хоож явуулахаас нааш шунал нь дуусдаггай хулгайч юм аа.

Зочин 2016-01-09 108.28.170.145

odoo undsen ashigaa hurteh gej bgaa yumoo ugaasaa ur ashiggui zam bariad zasah nereer jil buhen ashigaa hiih yumaa hiitsen shuu dee iimerhuu nuutsiig ni il garah blohoor tejeever nohduudaaraa aluulchaal baijiin shuu de

зочин 2016-01-09 103.229.122.3

Дорнодын зам мөн олон жил ярьж байна даа.Дуусгана гээд л 4,4 жилүүд өнгөрөөд л өнгөрөөд л ,хүлээгээд л хөгшрөөд л байна даавХэзээ дуусах юм бүү мэд дээ

Зочин 2016-01-09 43.242.243.191

hii l dee tegeed

Зочин 2016-01-09 103.229.120.169

Говь-Алтайн замыг хурдан хийж дуусгаачээ... хэдэн жил ярьдаг юм бэ?